O’zbekiston Respublikasi Sog’liqni saqlash vazirligining 2019 yil "25"areldagi "107" sonli buyrug’ining2-ilovasi bilan fan dasturi ro’yxati tasdiqlangan

Gipotrofiyaning I darajasida bemor bolalarning ishtahasi yaxshi bo’ladi. SHuni e’tiborga olib bunda bolalarning yoshiga munosib ovqat buyurish mumkin. Ularning oshqozon ichak yo’llari ovqatni o’zlashtirish qobiliyatini yo’qotmagan bo’ladi. Oqsil, yog’ va karbonsuvlar bolaning har 1 kg og’irligiga qarab hisob-kitob qilinadi.

Gipotrofiyaning II darajasini davolash 2 davrga bo’linadi:

1. Reporatsiyadan oldingi davr.

2. Reparatsiya davri.

1. Reparatsiyadan oldingi davr – gipotrofiyaning II darajasida bu davr 7-10 kun davom etadi. Bunda bemorning ovqatga bo’lgan ishtahasi, ya’ni intilishi paydo bo’ladi. Bolaga ovqat maxsulotlaridan ona suti yoki uning o’rnini bosadigan (sigir suti, sutli maxsulotlar aralashmasi, adaptatsiyalangan sutli aralashmalar) maxsulotlar beriladi.

Bir kecha-kunduzgi beriladigan ovqat umumiy ovqat hajmining 2/3 qismini tashqil qilishi kerak. Ovqatning qolgan 1/3 qismi suyuqlikdan (qaynagan suv, choy, 5%li glyukoza eritmasi va b.) iborat bo’lishi lozim. Bu davrda bola 8 marta, ya’ni har 2,5 soatda ovqatlanishi lozim.

Bola bu ovqat kuni tartibini yaxshi o’tkazsa, ichi ketmasa, qusmasa, kekirish alomati paydo bo’lmasa, qolgan kunlarining har birida 1 kecha-kunduzlik ovqat hajmi 100-150 ml gacha oshiriladi.. ovqat hajmining 1 kecha-kunduzga 2/3 qismga o’zgartirilgandan so’ng bolani 7 marta, ya’ni har 3 soatdan ovqatlantirishga o’tiladi.

Bemor berilayotgan ovqatlarni qoldiqsiz hazm qila boshlagach, reparatsiyadan oldingi davr tugallanadi.

2. Reparatsiya davri – bu davrda bemor bola olishi kerak bo’lgan ovqat mahsulotlarini (oqsil, karbonsuv) har 1 kg og’irligiga to’liq hajmda ola boshlaydi, yog’ni esa shunga yaqinroq miqdorda oladi.