O‘zbekiston Respublikasi Sog‘liqni saqlash vazirligi Toshkent farmasevtika instituti

Xodimlarni boshqarish bu - korxonada band bo‘lgan ishchilar salohiyatini rivojlantirish va undan samarali foydalanish, ularning normal faoliyat ko‘rsatishi uchun zaruriy shart-sharoit yaratish bo‘yicha o‘zaro bog‘langan tashkiliy-iqtisodiy va ijtimoiy tadbirlar tizimidir.
Xodimlarni boshqarish tizimi quyidagi yo‘nalishlardan iborat:

• 
  Xodimlar bilan ishlash siyosati (kadrlar siyosati);
  
• 
  Xodimlarni tanlash;
  
• 
  Xodimlarni baholash;
  
• 
  Xodimlarni joy-joyiga qo‘yish;
  
• 
  Xodimlarni o‘qitish.
  

Bu yo‘nalishlarning o‘zaro bog‘liqligi quyidagi muhim xujjatlarda aks ettiririlgan: korxona nizomi, korxona falsafasi, ichki mehnat tartibi qoidalari, xodimlar bilan tuzilgan shartnoma, korxona shtatining jadvali, mehnatga haq to‘lash va mukofotlash to‘g‘risida nizom, bo‘linmalar to‘g‘risida nizom, lavozim yo‘riqnomalari.

Korxona falsafasi - korxonaning muvaffaqiyatli faoliyatiga yo‘naltirilgan xodimlar o‘zaro munosabatlarining ma’naviy va ma’muriy meyyorlari va qoidalarining majmuasi.
Korxona falsafasi quyidagi bo‘limlardan iborat: korxona maqsadi va vazifalari; boshqarish faoliyatida kadrlar bilan ishlash yo‘nalishlari; xodimlar xuquqining deklaratsiyasi; xodimlarning ma’naviy sifatlari va qobiliyatlari; mehnat uchun yaratilgan sharoitlar, ish joyi; mehnatning baholanishi va mehnat uchun xaq to‘lash; ijtimoiy kafolatlar.
Ichki mehnat tartibi qoidalari quyidagi bo‘limlardan iborat:

• 
  Umumiy nizom;
  
• 
  Xodimni ishga qabul qilish va bo‘shatish tartibi;
  
• 
  Ish va dam olish vaqtlari;
  
• 
  Ma’muriyatning asosiy burchlari;
  
• 
  Xizmat va tijorat sirlari;
  
• 
  Rag‘batlantirish va jazolash chora-tadbirlari.
  

Xodimlarni boshqarish tizimining ob’ekti sifatida farmasevtik tashkilotning xodimlari va ularning tasniflanishi
Farmasevtik korxonada faoliyat yurituvchi barcha xodimlarni ularning bajaradigan vazifalariga asosan quyidagicha toiflash mumkin - ma’muriy, ishlab chiqarish va savdo xodimlari.
Ma’muriy xodimlar korxona faoliyatini bevosita boshqarish jarayonida ishtirok etadilar va ular ikki asosiy – rahbariyatva mutaxassis menejerlar guruxiga bo‘linadi. Boshqaruvchilar boshqaruv qarorlarini qabul qilish huquqiga va o‘ziga bo‘ysunuvchi xodimlariga ega bo‘lishi bilan mutaxassis-menejerlardan farq qiladi.
Rahbariyatyuqori (korxona rahbari va o‘rinbosarlari), o‘rta (bo‘lim va sex boshliqlari) va quyi bo‘g‘in (masterlar) rahbarlariga bo‘linadi.