O‘zbekiston respublikasi oliy va

Tvorog  (suzma).  Tvorog  –  bu  oqsilli  achitilgan  sut  mahsuloti  bo‘lib, 
pasterizatsiya  qilingan  tabiiy  yoki  yog‘sizlantirilgan  sutni  ivitish  natijasida  hosil 
bo‘lgan  quyqadan  zardobini  chiqarib  yuborish  natijasida  olingan  mahsulotdir. 
Pasterizatsiya  qilingan  sutdan  olingan  tvorogni  to‘g‘ridan-to‘g‘ri  iste’mol  qilish 
mumkin,  ammo  pasterizatsiya  qilinmagan  sutdan  tayyorlangan  tvoroglar  esa 
pishloqlar va issiqlik ishlovi berib tayyorlanadigan boshqa mahsulotlar uchun xom 
ashyo sifatida ishlatiladi. 
Tarkibidagi yog‘ miqdoriga qarab tvoroglar yog‘li (18%), kam yog‘li (9%) 
va yog‘siz tvoroglarga bo‘linadi. 
Tvorog  tarkibida  sezilarli  darajada  yog‘  va  ko‘p  miqdorda  oqsil  (14-16%) 
bo‘lganligi uchun bu mahsulot yuqori energiya berish qobiliyatiga egadir. Tvorog 
oqsili  tarkibida  o‘rin  almashtirmaydigan  hamma  aminokislotalar  mavjud  bo‘ladi. 
Tarkibida oltingugurt tutadigan aminokislotalardan metionin va lizin borligi uchun 
tvorog parhez va shifobaxshlik xususiyatiga ega bo‘lgan mahsulot hisoblanadi.