O’zbekiston respublikasi oliy va o’rta maxsus ta’lim vazirligi z. M. Bobur nomidagi andijon davlat universiteti qo’lyozma huquqida

Magistrlik dissertatsiyasi mavzusining dolzarbligi. Jamiyatimizda ijtimoiy rivojlanishning asosiy soxasi xalq ta’limi tizimi xisoblanadi. Bugungi kunda tizimda tub isloxotlar amalga oshirilmoqda, ya’ni ta’limning mazmuni, uzluksizligini ta’minlab boradigan yangi uslubiy texnologiyalar, amaliyot uslublari joriy etilmoqda. Respublikamiz Prezidenti va xukumatning ta’limni rivojlantirish, yosh avlodga jaxon andozalariga mos ravishda bilim, malaka va ko‘nikmalar berish, ularni ona-Vatanga, milliy g‘oya va mustaqillik mafkurasiga sadoqat ruxida tarbiyalash borasida ko‘rsatayotgan doimiy g’amxo‘rligi tufayli ta’lim-tarbiya ishlarining bugungi holati tubdan o‘zgarmoqda.
O’sib kelayotgan yosh avlodlarni milliy g‘oya va mustaqillik mafkurasi ruhida tarbiyalash avvalo maktabgacha ta’lim tashkilotidan boshlanadi.
Maktabgacha ta`lim tizimi uzluksiz ta`limning boshlang'ich qismi hisoblanadi. U bolaning sog’lom va rivojlangan shaxs bo’lib shakllanishini ta`minlab, o’qishga bo'lgan ishtiyoqini uyg’otib, tizimli o’qitishga tayyorlab boradi. 6-7 yoshgacha bo’lgan maktabgacha ta`lim davlat va nodavlat bolalar maktabgacha ta`lim muassasalarida va oilada amalga oshiriladi. Maktabgacha ta`limning maqsadi – bolalarni maktabdagi o’qishga tayyorlash, bolani sog’lom, rivojlangan, mustaqil shaxs bo’lib shakllantirish, qobiliyatlarini ochib berish, o’qishga, tizimli ta`limga bo’lgan ishtiyoqini tarbiyalashdir. Uslubchi maktabgacha ta’lim muassasasining tashkilotchisi, raxbari, malakali pedagogdir, uning faoliyati maktabgacha ta’lim yoshidagi bolalarni komil inson qilib tarbiyalash vazifalarini to’laqonli xal etishga qaratilgan. U maktabgacha ta’lim muassasalaridagi ta’lim-tarbiyaviy, pedagogik va gigienik talablarga muvofiq ravishda amalga oshirilishi uchun zarur shart-sharoitlarni ta’minlaydi. O’z jamoasida ishchanlik, maqsadga qaratilgan inoqlik vaziyatini yaratadi. Ularga umumiy raxbarlik qiladi. Uslubshi o’z ishida davlatimiz va Xalq ta’limi vazirligi tomonidan qabul qilingan qaror va qonunlarga amal qiladi va o’z ustida ijodiy ravishda ishlashni amalga oshiradi. Yuksak onglilik va siyosiy etuklik, printsiplilik, o’ziga va xodimlapga talabchanlik - bu uslubchiga qo’yiladigan talablabdir.
Shu nuqtai nazardan bizning bitiruv malaka ishimiz amaliy va nazariy taxlillarga asoslangan xolda “Boshqaruvda raxbar va xodim munosabatlarining psixologik xususiyatlari. (Maktabgacha ta’lim tashkiloti raxbarlari misolida)
mavzusini yoritishga qaratilgan. Ushbu mavzuning o‘rganilishi bugungi pedagogik psixologik muammolar sifatida tadqiq etish dolzarb masalalar qatoriga kiradi.