O‘zbekiston respublikasi oliy va o‘rta maxsus talim vazirligi

3.7-rasm. Kompressor stansiyasini sutkalik aktiv elektr energiyasining energetik diagrammasi. E_dan= qo‘shimcha sarf (u atmosfera xolatiga bog‘liq bo‘ladi)

Xulosalar: Elektr energiyasi sarfining isroflarini chiqarib yuborgandan so‘ng qolgan 42068 kVt.s qismi to‘la ravishda qisilgan xavoni ishlab chiqish uchun ketadi. Elektr energiyasining ushbu sarfini qisilgan xavoni sutkalik sarfiga nisbati kompressordagi elektr energiyasining solishtirma me’yori xisoblanadi. Solishtirma me’yorni shunday tarzda aniqlanishi, faqat tashqi faktorlar (tortib olish xarorati, atmosfera bosimi, dengiz satxidan balandligi) dan va qisilgan xavoni ishlab chiqarishning xisobga olish aniqligiga bog‘liq bo‘ladi. Ushbu solishtirma me’yorlar kompressorlarning elektr ta’minoti sistemasiga, qurilmalarning elektrik va mexanik isroflariga bog‘liq bo‘lmaydi.

v) Sanoat korxonasining nasos stansiyasining elektr balansi. Boshlang‘ich ma’lumotlar: misol tariqasida sanoat korhonasining artezian quduqlaridan olinadigan suv bilan ta’minlovchi nasos stansiyalari ko‘rib chiqilgan. Stansiya 150 m³/s xajmdagi unumdorlikka ega bo‘lgan ikkita nasosdan iborat, ular suvni quduqdan bakka xaydaydi xamda 350 m³/s unumdorlikka ega bo‘lgan yana 1 ta nasosga ega bo‘lib, u suvni bakdan korxonaning suv quvurlari tarmog‘iga haydaydi. Haydovchi nasoslar 0,2 kg s/sm² (0,02MPa) ga teng bo‘lgan bosimda ishlaydi, qayta xaydovchi nasos esa 3 kg s/sm² (0,3 MPa ) bosim bilan ishlaydi. Nasoslar sutkalar bo‘ylab tinmay ishlaydi. Har sutkadagi ikki soat davomida qayta xaydovchi nasos boshqa vaqtdagi yuklamaga nisbatan 40 % ga kamaytirilgan yuklama bilan ishlaydi. Bu vaqt mabaynida qayta xaydovchi nasosning suvni olish joyidagi krani bir oz yopib qo‘yiladi. Bunda qayta xaydovchi nasosning dvigatellardagi yuklama kamayadi. Kompressor stansiyasiga o‘xshash tarzda, nasos stansiyasi uchun suv sarfining xaqiqimy diagrammasi, suv sarfining nulgacha bo‘lgan tushishi bor diagramma bilan almashtiriladi. Nasos stansiyasining elektr ta’minoti va elektr jixozlari bo‘yicha kerakli ma’lumotlar 3.8-rasmda ko‘rsatilagan.