O`zbekiston respublikasi oliy va o’rta maxsus ta’lim vazirligi

8.Mavzu: Maktabgacha ta’lim tashkilotlarining o`rta guruh yoshidagi bolalarini rasm chizishga o`rgatish.
Reja:
1.O’rta guruhda rasm chizish mashg’ulotining turlari .
2. Rasm chizishga o’rgatishning dastur mazmuni.
3.Rasm chizish mashg’uloti loyihasi.
O’rta guruh uchun rasm chizish faoliyati loyihasi.
Mashg’ulotning mavzusi: dasturxonni shakllar bilan bezaymiz.
Mashg’ulotning maqsadi: Bolalarga dasturxon bezagini tartib bilan bezashni o’rgatish.Ranglardan to’g’ri foydalanishga o’rgatish, rasm chizish orqali qo’l mayda barmoq motorikalarini rivojlantirish, bolani did bilan rasm chizishga o’rgatish.
Kerakli jihozlar: Oq qog’oz, rangli qalamlar, ko’rgazma, dasturxon.
Qo’llaniladigan usul; Ko’rsatish tushuntirish, savol-javob, rag’batlantirish.
Mashg’ulotning borishi: Tarbiyachi: Bolalar bugun sizlar bilan rasm mashg’ulotimizda juda ham qiziq mavzuda rasm chizamiz.Qanday rasm deysizlarmi? Hozir aytaman.
Har kun uni uch mahal,
Bir xil joyda ko’rasiz.
Ovqat yeyishdan avval,
Uni solib qo’yasiz.
So’ng ovqatni yeb bo’lib,
Duoga qo’l ochasiz.
Yaxshi niyatlar qilib,
Bir chekkaga qoqarsiz.
Har uyda turar to’rda,
Noz-ne’mat qo’yar kunda,
Nomini aytar kimda.
Bolalar she’r sizlarga yoqdimi? She’r sizlarga yoqqan bo’lsa bu she’r nima haqida ekan.
Juda to’g’ri bolajonlar, bu she’r dasturxon to’grisida edi.Bugungi mashg’ulotimiz ham dasturxonni bezashdir.Hammamiz dasturxonlarni ko’rganmiz, to’g’rimi?Hamma dastrxonlarning guli har xil bo’ladi.Bugun sizlar bilan biz dasturxonimizni to’lqinli chiziq va shakllar bilan bezaymiz.Shakllarni chizishni bilamiz, a? Unday bo’lsa oldingizdagi oq qog’ozni dasturxon deb olsak.Unga shakllar bilan bezak berib qo’yamiz hamma tayyormi? Men sizlarga dasturxonni shakllar bilan bezalgan rasmini doskaga chizi beraman.Diqqat bilan kuzatib turinglar.Bolalar yaxshi chizdimmi, sizlar dasturxonning gullarining joylashuvini o’zgartirib, o’zlaringiz chiroyli qili bezasangiz yana ham chiroyli chiqadi.Bolalar rasm chizishni boshladik.Kim rasmni chiroyli chizsa o’sha bolalar chizgan rasmlarini uyga olib ketishlari mumkin.Shuning uchun shakllarni tartib bilan chiroyli chizishga harakat qiling Rasmni chizib bo’lgan bolalar mening oldimga olib kelinglar.Sizlar rasmni chizib bo’lguningizcha men sizlarni chizayotgan rasmlaringizni kuzatib boraman va qiynalayotgan bolalarga yordam beraman.
Mashg’ulotning yakunida bolalar ishlari tahlil qilinadi.
Savol va topshiriqlar:
1.Amaliyot jarayonida o’rta guruhda rasm chizish faoliyatini markazda kuzatish.
2.O’rta guruh uchun dastur asosida rasm faoliyati loyihasi yozish.