O‘zbekiston respublikasi oliy va o‘rta maxsus ta’lim vazirligi toshkent arxitektura qurilish instituti

Kranosti to‘sinlarini Ustunlar bilan biriktirish.
Kranosti to‘sini vertikal 
list qovurg‘asi bilan bevosita Ustunning tayanch plitasiga tayantiriladi va u bilan 
boltlar yordamida biriktiriladi. Kranosti to‘sini qo‘shimcha ravishda Ustunning 
kranusti qismiga tarmozlovchi konstruktsiyalar bilan mahkamlanadi, ular 
Ustunlarga va to‘sinlarga boltlar yordamida biriktirilib mahkamlanadi va 
qo‘shimcha ravishda uzun chok bilan payvandlanadi. 
Fermalarni Ustunlar bilan biriktirish.
Ferma Ustunga sharnirli 
tayanganda fermaning yuqori belbog‘i Ustunga fasovka (bo‘laklangan qismi)ni 
boltlar va Ustunlarga payvand qilingan plastinalarga payvandlash choki bilan 
birlashtirib Ustunga biriktiriladi. Fermaning Ustun kallagi bilan bikr 
tutashmalarida ulanish tuguniga qo‘shimcha ravishda biriktiruvchi qo‘yilma 
qo‘yilib, u Ustun kallagining tayanch plitasi va ferma belbog‘i bilan boltlar va 
payvandlash bilan biriktiriladi. Fermaning pastki belbog‘i fasonka (shakldor qism) 
bilan montaj stoliga tiraladi va Ustunga boltlar bilan va payvandlab mahkamlanadi. 
Payvandlangan birikmalarning sifatini nazorat qilish.
Payvandlangan 
choklar tashqi ko‘rik o‘tkazish bilan balandlik va kenglik bo‘yicha notekisliklari, 
yaxshi payvand qilinmaganligi, kesiklar, yoriqlar, yirik g‘ovakliklarni aniqlagan 
holda tekshiriladi.Tashqi ko‘rinish bo‘yicha payvand choklari silliq yoki qatma-qat 
yuzaga ega bo‘lib eritilgan metall chokning butun uzunligi bo‘yicha zich bo‘lishi 
lozim. Payvandlangan choklar qirqimlari o‘lchamlaridagi yo‘l qo‘yiladigan 
chetlashishlar va payvandlashdagi nuqsonlar tegishli standartlarda ko‘rsatilgan 
qiymatlardan oshmasligi kerak. 

---

480 
Erigan metallning mexanik xossalarini va payvandlangan birikmalarining 
mustahkamligini nazorat qilish uchun sinov birikmalari payvandlanadi, sinov 
o‘tkazish maqsadida bu birikmalardan namunalar qirqib olinadi. Sinovlar 
mustahkamlik chegarasi, qattiqlik, nisbiy uzayish va h.k.larni aniqlash uchun 
o‘tkaziladi. 
Payvandlangan choklardagi nuqsonlar quyidagi usullar bilan bartaraf etiladi: 
choklardagi uzilishlar va chuqurliklar payvandlanadi; yoriqli choklar, yaxshi 
payvand qilinmagan va boshqa nuqsonlari bo‘lgan choklar yo‘qotiladi va yangidan 
payvandlanadi; asosiy metallning kesilgan joylari (kesik) lari tozalanadi va 
payvandlanadi, bunda eritilgan metalldan asosiy metallga asta-sekin o‘tish 
ta’minlanadi.