O‗zbekiston respublikasi oliy va o‗rta maxsus ta‘lim vazirligi toshkent viloyati chirchiq davlat pedagogika instituti

O‘RTA MIYA. O‘rta miya – miya oyoqchalari, to‘rt tepalik plastinkasi, ular yelkani va oyoqchalar orasidagi miya suv yo‘lidan iborat.
O‘rta miya ko‘ndalang kesimi uch qismdan iborat:1) tom plastinka,
2) tomcha, 3) miya oyoqchalar asosi.
O‘rta miyada ko‘ruv yo‘lining po‘tsloq osti markazi, ko‘ruv do‘mboqi yostiqchasi, ko‘zni harakatlantiruvchi nervi joylashgan.
To‘rt tepalikni ustki do‘mboqcha yadrolari: Ko‘zni to‘r pardasidan impuls qabul qilib, yorug‘lik tomon boshni burish, ko‘z qorachig‘ini kengaytirish yoki toraytirish, ko‘zni aniq ko‘rishga moslashtiradi.
To‘rt tepalik patski do‘mboqchalarida joylashgan yadrolar quloqni tovushga nisbatan moslash, boshni tovush tomonga burishni idora qiladi.
O‗rta miya Varoliy ko‗prigi va miyacha oldida joylashgan. Uning dorsal yuzasini to‗rt tepalik hosil qiladi. To‗rt tepalik oldingi va keyingi do‘mboqchalardan iborat. Silviy suv yo‗lining ostidan va ikki yonidan yugon kalavaga o‗xshash miya oyoqchalari o‗tgan. Ular ikki tarafga tarqalib, bosh miya yarim sharlariga kiradi. Miya oyoqchalarining asosiy qismini tushuvchi o‗tkazuvchi yo‗llar tashkil qiladi. Oyoqchalarning ko‗ndalang kesimida ularni ikki qismga bo‗lib turuvchi pigmentlangan neyronlar to‗plarnini ko‗rish mumkin. Bu qora substansiya. Qora substansiya va Silviy suv yo‗li oralig‘ida qizil yadro joylashgan. O‗rta miyada to‘rt tepaliq qora substansiya va qizil yadrolardan tashqari, ko‘zni harakatlantiruvchi va g‗altak nervlarning yadrolari hamda ko‗ruv analizatorining faoliyatini boshqarishda ishtirok etadigan yana ikki – Dorshkevich va Yakubovich yadrolari bor. Asosiy qismi keyingi miyada bo‗lgan to‗rsimon formasiya o‗rta miyaga ham ko‗tariladi.