O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

Аустенит синфига мансуб пўлатлар. Бу синфга кирувчи пўлатлар қиррали марказлашган кристалл панжара (γ) тузилишига эга. Улар магнитланмаган, 196 – 800°С ҳарорат чегарасида юқори пластикликка эга. Электролит эритмаларидаги юқори иссиқбардошлиги ва коррозион қаршилиги билан ажралиб туради.
Таркибидаги углерод миқдорига кўра уларни уч гуруҳга бўладилар:
• С ≤ (0,08-0,12)% — Х18Н10, Х18Н10Т(Б), Х17Н13М2(3)Т маркали;
• С≤ (0,02-0,03)% — Х18Н11,Х17Н14М2C) маркали;
• С ≤ (0,02-0,03)% (S < 0,015-0,020%, Р ≤ 0,02-0,030%) — Х20Н25 ва
Х25Н21 2-6 % Мо билан бўлган пўлатлар.
Феррит синфига мансуб пўларлар. Мазкур синфга ҳажмий марказлашган кристалл панжарали тузилишга эга бўлган хромли (Cr миқдори 11 % дан 30% гача) темир қотишмалари киради. Булар қатор муҳитларда коррозион чидамлилиги бўйича аустенит пўлатлардан қолишмайди, лекин механик характеристикалари анча паст. Улар ферромагнит ва кристаллараро коррозияга мойил. Бундай мойилликка уларнинг таркибидаги углерод ва азот таъсир қилади.
Таркибидаги углероднинг миқдорига кўра ферритли пўлатлар уч гуруҳга бўлинади:
• юқори углеродли С (0,08-0,15 %);
• углеродли С (0 ,02-0,04 %) ва Ni (0,02-0,04 %);
• кам углеродли С ( ≤ 0,01-0,02 %) ва Ni (≤ 0,01-0,02 %).
Охирги йилларда ўзининг комплекс механик ва коррозион хусусиятлари билан аустенит турдаги хром никелли пўлатлардан қолишмайдиган кам углеродли 04X15СТ, 04X17Т, 04Х19МАФТ маркали пўлатлар яратилди.
Вакуум-индукцион эритиш методларни қўллаш, углерод ва азот миқдорини камайтириш, хром ва молибден миқдорини оптималлаш, кам харажатлар ҳисобига уникал коррозиябардош ферритли пўлатлар яратиш имкониятларини берди. Буларга мисол қилиб локал коррозиянинг барча турларига ниҳоятда чидамли бўлган 25Cr-2Mo (E-Brite), 25Cr-4Mo-4Ni (MONIT), 28-30Cr-3Mo (A129-X) и 28-30Cr-4Mo-2Ni (A129-4-2) суперферрит маркали пўлатларни кўрсатиш мумкин. Улардан концентрланган хлоридли эритмалар ва денгиз суви билан ишлашга мўлжалланган иссиқлик алмаштиргичларни тайёрлашда фойдаланилади.
Аустенит-феррит синфига оид пўлатлар (ГОСТ 5632-72) аустенитли пўлатларга нисбатан янада юқорироқ мустаҳкамлиги (1,5 – 2 марта), кристал-лараро ккоррозияга ва хлоридли ҳамда ишқорли муҳитларда ёрилишга қарши чидамлилиги билан ажралиб туради.
Аустенит-феррит пўлатларнинг уч хил тури мавжуд бўлиб, уларнинг таркиби қуйидагича:
• С ≤ 0,12 %, титан билан барқарорлаштирилган (08Х22Н6 (ЭП53) ва
08Х21Н6М2Т (ЭП54) маркалар);
• С ≤ 0,03 % (03Х23Н6 ва 03Х22Н6М2 маркалар);
• С ≤0,03 %, қўшимча азот билан легирланган.
Замонавий аустенит-феррит пўлатлар ўзларининг алоҳида коррозион ва механик хусусиятлари билан кўпгина кимё, нефткимё, нефт-газ қазиб олиш саноатлари соҳаларида, денгиз қурилиши тармоқларида, шунингдек денгиз сувини чучитиш иншоотларида фойдаланиш учун кенг истиқболли ҳисобланади.