O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

10.4-жадвал
Хромли пўлатларнинг иссиқликка чидамлилиги ва бардошлилиги

№	Пўлат маркаси	Иссиқликка чидамлилик. Зак ҳосил бўлиш t си, ^оС	Иссиқликка бардошлилик. Ишлатиш температураси, ^оС
1.	1Х13	750	500
2.	12Х17	870	525
3.	15Х25	1100	550
4.	12Х13	800	550 – 600
5.	40Х9С2	850	600 – 650
6.	20Х23Н18	1050	1000

Саноатда энг кўп ишлатиладиган бъзи иссиқликка чидамли ва бардошли пўлатларни кўриб чиқамиз.
Силхромлар – хром ва кремний билан легирланган темир қотишмалари-дир. Хромли пўлатларга Si нинг қўшилиши уларнинг иссиқликка чидамлилиги ва иссиқликка бардошлилигини сезиларли оширади. Бундай пўлатлар рекуператорлар, иссиқлик алмаштиргичлар, буғни ўта қиздирувчи қозонларни лойиҳалашда ишлатилади.
Хромали ва фехрали – алюминий билан қўшимча легирланган хромли пўлатлар ҳисобланади. Уларнинг таркиби қуйидагича:
Хромали – (15–30%) Cr; (1–7%) Al; 1 % гача Si; 0,25 % гача C.
Фехрали – (4–14%) Cr; (1–7%) Al; 1 % гача Si; 0,25 % гача C.
Демак, хромали таркибидаги хромнинг кўплиги билан характерланади. Алюминийнинг қўшилиши темир қотишмаси иссиқликка чидамлилигини хром қўшимчасига нисбатан самаралироқ оширар экан (11.4-расм). 7–10% Al қўшилган (хромсиз) темир қотишмаси 1100–1200^оС ҳароратдаги оксидла-нишга чидамли бўлиб, иссиқликка чидамлилиги бўйича нихромга (80% Ni ва 20% Cr) яқинлашади.

11.4-расм. Ҳавода, 1200^оС ҳароратда Fe–Cr ва Fe–Al қотишмалари оксидланиш тезлигининг қотишмадаги легирловчи компонентлар миқдорига боғлиқлиги

Кимёвий саноатда темир-хром-алюминий асосидаги қотишмалар нихромни алмаштирувчи, кенг тарқалган ва иссиқликка энг чидамли материаллардан ҳисобланади.
Қотишмага 1-3 % гача волфрамнинг қўшилиши унинг иссиқбардошлигини оширади, иссиқликка чидамлилиги 900°С гача сақланади. Кобалт билан қўшимча легирланганда иссиқликка чидамлилиги сақланган ҳолда иссиқбардошлиги ортади.
Кантал қотишмаси (таркиби: 30% Cr, 5% А1, 3% Со, 0,2–0,8% С, қолгани темир) узоқ муддат максимал – 1250 °С ҳароратда ишлатилганда ҳам бардошлилигини сақлаб қолади.
Қотишмаларга қўшимча 2-3 % кремний қўшилганда уларнинг юқори температураларда оксидланишга бўлган қаршилигини янада оширади. Бундай қотишмаларга қуйидаги таркибли пўлат маркалари мисол бўлади:

• 
  20Х20Н14С2 — (19–22)% Cr; (12–15)% Ni; 2,3% Si; C≤ 0,2%; Mn≤1,5%
  
• 
  20Х25Н20С2 — (23-27)% Cr; (18-21)% Ni; 2,3% Si; C≤0,2%; Mn≤1,5%