O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

7.3-расм. Х18Н10Т русумли пўлатнинг тобланган, КК га мойил бўлмаган (1) ва тобланмаган, КК га мойил (2) ҳолатлар-даги схематик анод қутбланиш эгриликлари. I – КК га мойилликнинг биринчи соҳаси (суст оксидловчи муҳитлар); II – КК га мойилликнинг иккинчи соҳаси (кучли оксидловчи муҳитлар);

Зангламайдиган пўлатлардаги доналар чегарасида металлнинг жадал-лашган эриши икки фактор туфайли юзага келиши мумкин: чегаравий зоналарнинг хром билан кучсизлантирилиши ва кўрсатилган соҳаларда метал коррозияси тезлигини кескин оширувчи аралашмалар сегрегациясининг вужудга келиши.

Бир қатор ҳолатларда КК нинг ривожланиши доналар чегарасида питтиглар ҳосил бўлишидан бошланади.
КК ни секинлатишга чегаравий соҳаларнинг дастлабки эришида ҳосил бўлган ариқчаларни тўлдирувчи электролитнинг хоссаларини ўзгартириш орқали эришиш мумкин.


7.5. Селектив бузилиш
Селектив бузилиш (селектив-танланиб эриш) структура компонентлари-нинг электрокимёвий табиати бўйича кескин фарқ қиладиган кўп фазали конструкцион материалларга хосдир. Сиртларнинг эквипотенциал ҳолатида конструкцион материаллардаги турли фазавий ташкил этувчиларнинг эриш тезлиги (потенциалнинг бир хил қийматларида) бир неча мартадан (бир хил эриш характерида масалан, актив эриш) бир неча катталик тартибигача фарқ қилиши мумкин (агарда ташкил этувчилардан бири актив, иккинчиси—пассив ҳолатда бўлса).
Селектив бузилишда материал фазавий ташкил этувчиларидан бирининг кучли эриши оқибатида турли шаклда ва турли чуқурликда ҳосил бўладиган бўшлиқлар туфайли конструкция ўзининг функционал хоссаларини йўқотади
Селектив бузилиш мис асосидаги қотишмаларда учрайди, бу жараён — жезни “рухсизлантириш” ҳодисаси номи билан маълум. Fe₃Al қотишмаси-нинг селектив бузилишида унинг сиртида коррозион яраларга ўхшаш емирилишларни яққол кузатиш мумкин. Зангламайдиган пўлат учун кучли оксидловчи муҳитлардаги ККнинг ривожланиши структуравий-танлаб эришнинг хусусий ҳоли ҳисобланади. Бунда қуйидаги ҳоллар кузатилиши мумкин:

• 
  доналар чегарасида ажраладиган карбид фазаларнинг устунлик билан эриши;
  
• 
  марганец сулфиди аралашмасининг устунлик билан эриши туфайли питтингларнинг ҳосил бўлиши;
  
• 
  структурасидаги калций сулфиди ажралиши билан боғлиқ бўлган углеродли ва кам легирланган пўлатларнинг сиртида ярали коррозиянинг ривожланиши;