O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

7.4. Кристаллараро коррозия

Кристаллараро коррозия (КК) поликристалл материалларда, кўпроқ темир, алюминий ва мис қотишмаларида учрайди. Бу коррозия доналар чегарасида ва доналар таркиби билан дона чегарасидаги кимёвий хилма-хиллик оқибатида вужудга келади.

Доналар чегараси икки макроскопик ўлчовли (микронлар тартибида) қўш ўлчамли дефект ҳисобланади. Металлнинг доналар чегараси қатламида қўшни доналарнинг бир-бири билан ёмон боғланиши оқибатида вужудга келадиган металлнинг юқори дефектлилиги туфайли қотишма компонент-лари диффузиясининг тезлиги доналар чегараси соҳасидаги ҳажмий диффузия тезлигидан бир неча тартибда юқори бўлади. Бу эса доналар чегараси соҳасида аралашма элементларнинг сегрегация жараёнини, шунингдек янги фазаларнинг ҳосил бўлиши ва ўсишини осонлаштиради.
Кристаллараро коррозияга осон пассивлашадиган металл материаллар, масалан зангламайдиган пўлатлар ҳамда никел, алюминий асосидаги қотишмалар учрайдилар. Доналар чегарасида металлнинг жадаллашган эриши КК га сабаб бўлади (7.3-расм). Чегарага яқин зоналар эриш тезлигининг асосий металл эриш тезлигида бир неча тартибда катта бўлиш ҳол муҳим амалий аҳамиятга эга. Бунда металлнинг алоҳида доналари орасидаги боғланишлар бузилади ва металлнинг туси ўзгариб, у ўзининг эксплуатацион хоссаларини йўқотади.

7.3-расм. Пўлатнинг кристаллараро коррозиядан емирилиш характери. Сурат 0,75 % Si ли 09Х18Н14 русумли 650^оС ҳароратдан чиққан пўлатга таълуқли

КК нинг ривожланиш тезлиги металлнинг потенциалига боғлиқдир. Ривожланишнинг юқори жадаллашуви актив-пассив ўтиш потенциалида ~ +0,35 В (7.4-расм, I–соҳа) ва транспассив соҳа бошланадиган потенциалда 1,15–1,25 В (7.3-расм, II–соҳа) кузатилади. Биринчи соҳа зангламайдиган пўлатларнинг суст оксидловчи муҳитлар, иккинчиси эса – кучли оксидловчи муҳитлар билан контакти амалга ошганда ҳосил бўладиган потециалларга мос келади. Кўрсатилган соҳаларда КК нинг ривожланиш механизмлари принципиал фарқ қилиши мумкин.