O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti

 
13-
Топшириқ: 
“Таъқиқланган мева” – 10 дақиқа.
Мақсад: 
оилада, ўзбек маданий турмушида таъқиқланган хулқ ҳолатлари 
мотивларини аниқлаш.
 
Материаллар:
қути, “мумкин эмас” деб ёзилган иккита табличка. 

---

Ўйиннинг бориши:
ўйин 10 минутгача давом этади. 
1. Бошловчи қутини хона ўртасига қўяди ва унинг икки томонига “мумкин эмас” 
деган ёзувларни қўяди, ушбу ёзув ҳамма қатнашчиларга кўриниб туриши керак. 
Қутича кун бошланишиданоқ хона ўртасига қўйилгани маъқул, натижада 
иштирокчиларнинг қизиқиши ортади, ўйиннинг асосий қисмига ўтиш осонлашади. 
Бошловчи ўйин бошланишида иштирокчиларнинг қизиқишларини ошириши мумкин (“Ҳа, 
энди, бир қизиқ нарса яширилган-да”, “Кейин кўрарсизлар”, “Бир нарса бор-да” каби сўзлар 
билан), лекин қутига қарамаслик ҳақидаги таъқиқ ўз кучида туриши керак. Кўп ҳолларда 
баъзи оила аъзолари ўзларини тия олмай қути ичига қарашга уринишида ва таъқиқни 
бузишади. Сўнгра бошловчи ушбу машқ билан боғлиқ бўлган асосий қисмга ўтади ва 
гуруҳга қуйидагича йўриқнома беради: 
“Хона ўртасида кун бошиданоқ чиройли қути турибди, унинг хусусияти шундаки 
унинг ичига қараш мумкин эмас. Бу қутига нисбатан Сизда бирон қизиқиш уйғонган бўлса 
керак. Келинглар кимнинг ичида нима кечаётганлигини таҳлил қилиб кўрайлик. Ўз 
кечинмаларингиз ҳақида айтиб беринглар”. 
Таҳлил.
Бошловчи иштирокчилардан улар нега ўзини шу хилда тутганлигини 
сўрайди, уларнинг ҳаракатларидаги асосий сабабни аниқлашга ҳаракат қилади. Таъқиқ 
ҳақидаги қоидани бузиш қанчалик қийин бўлганлиги ҳақида сўрайди, ўзини тийиб туриш 
осон ёки қийин кечганлиги ҳақида билишга уринади. 
2. Ўйин якуни сифатида одамлар нега таъқиқланган хатти-ҳаракатларни содир 
этишлари, оилавий ҳаётга зид бўлган хатти-ҳаракатларни амалга оширишларининг 
сабаблари аниқланади. Ушбу якуний хулосалар кичик гуруҳларда ҳам ишлаб чиқилиши 
мумкин.