O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Qo’zg’atuvchining belgilari. Kasallikni Botryosphaeria obtusa(sinonimi Physalospora obtusa) lokuloaskomiset zamburug’i qo’zg’atadi; anamorfasi

Sphaeropsis malorum(sinonimi Diplodia malorum). Zamburug’ning askomiset bosqichi tabiatda, ayniqsa O’zbekistonga o’xshash issiq iqlimli mamlakatlarda, topilmagan yoki juda kam uchraydi. Psevdotesiylari piknidalar oralarida, daraxt tanalari, shoxlari va novdalardagi oldingi yillardan qolgan yaralarda, to’p-to’p bo’lib (stromalarda), hosil bo’ladi. Ular to’q-qo’ng’ir yoki qora tusli, og’iz qismidagi bo’yinchasi qoramtir, diametri 3 mm gacha. Xaltachalari 90-120x17-23 mkm, qobig’i 2 qavatli, har birining ichida 8 ta askosporasi bor. Askosporalari 25-33x7-12 mkm, urchuq shaklli, 1, ba’zan 2 hujayrali. Anamorfasining piknidalari epidermis ostida paydo bo’ladi, yetilganlari epidermisni yorib chiqadi va to’qima ustida qoramtir bo’rtmalar hosil qiladi. Ular ko’pincha shar, kam hollarda tuxum shaklli, diametri 150-600 mkm (novda va shoxlarda 350-600 mkm, mevalarda 150-240 mkm), to’q-qo’ng’ir yoki qora tusli, bittadan yoki stromalarda to’p-to’p bo’lib joylashgan, og’izchasi ustida bo’yinchasi mavjud. Konidioforalari rangsiz, silindr shaklli, 1 hujayrali. Konidiyalari (18) 20-26 (39)x(7) 9-12 (18) mkm, oldin rangsiz, yetilganlari zaytun, jigarrang yoki to’q-qo’ng’ir tusli, ko’pchiligi 1, keyinroq ba’zilari 2 hujayrali, tuxum yoki ellips shaklli, ba’zan sal bukilgan yoki noto’g’ri shaklli, qobig’i qalin, usti mayda tukchalar bilan qoplangan.