O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Un-shudringga qarshi tavsiya qilingan barcha agrotexnik va tashkiliy chora-tadbirlarni qo’llash lozim. Ekish uchun faqat sog’lom qalamchalar ishlatish, ularni ekishdan oldin temir sulfatning 10% li yoki nitrafenning 3% li eritmasiga botirish; yangi tokzorlar yaratishda nihollarni yerosti suvi yaqin joylarga ekmaslik kerak. Antraknozga qarshi ishlatish uchun O’zbekistonda quyidagi fungisidlar ruxsat etilgan: Bordo suyuqligi (mis kuporosi bo’yicha 10-15 kg/ga, 1% li eritma), Vektra 10% sus.k. (0,3 l/ga), ohak-oltingugurt qaynatmasi (0,5-1^o), temir kuporosi 53% e.kuk. (30-40 kg/ga, daraxt kurtak yoyguncha va ostidagi tuproqqa 2-3% li eritma) va Folikur BT 22,5% em.k. (0,25 l/ga). Tajribalarda Alto Super 33% em.k. (0,3 l/ga), Impakt 25% em.k. (0,2 l/ga), Vektra 10% sus.k. (0,3 l/ga), Bamper 25% em.k. (0,25 l/ga) va Torso 22,5% em.k. (0,15 l/ga) fungisidlari antraknozga qarshi yuqori (barg va mevada 89,5%, poyada 95% gacha) samara bergan. Kuzda barglar to’kilgandan va tok kesilgandan keyin va/yoki bahorda kurtaklar yozilishidan oldin tokka 1,5% li DNOK (100 l suvga 1,5 kg) eritmasiga 2-3% (100 l suvga 2-3 kg) №30 preparatini qo’shib purkash yoki temir sulfatning 10%-li eritmasini sepish lozim. Bahorda yosh novdalar uzunligi 5-10 sm ga yetganida yoki 2-3 barg paydo bo’lishi bilan Bordo suyuqligi yoki boshqa samarali fungisid purkash va kasallik rivojlanishini hisobga olgan holda, lozim topilsa, ishlovni 7-10 va 14-20 kundan keyin takrorlash tavsiya qilinadi.