O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Qo’zg’atuvchining belgilari. Qo’zg’atuvchi askomiset zamburug’ Elsinol ampelina, anamorfasi Melanconiales tartibiga mansub deyteromiset (selomiset) – Sphaeceloma ampelinum., sinonimi Gloeosporium ampelophagum. Zamburug’ning askostromalari qora, ko’mirsimon, qishlagan novdalarda rivojlanadi. Ularning ichida nok shaklli lokullar va lokullar ichida xaltachalar hosil bo’ladi. Xaltachalar 80-100x11-23 mkm, har birining ichida 8 ta askospora mavjud. Askosporalari qizg’ish-qora yoki qo’ng’ir-qora tusli, 4 hujayrali, uzunchoq-oval shaklli, 11-35x4,5-6 mkm, ko’pincha 29-35x4,5-5 mkm. Zamburug’ anamorfa bosqichida zararlangan to’qimada (epidermis yoki kutikula hujayralari ustida yoki epidermis hujayralari ichida) kichik, nuqta shaklli va och tusli yostiqchalar hosil qiladi. Yostiqchalar ko’p sonli, kalta, silindr shaklli, zich joylashgan konidioforalar va ularda rivojlanadigan konidiyalardan iborat. Konidiyalar bir hujayrali, oval, silindr yoki konus shaklli, rangsiz, shilimshiq bilan qoplangan, 2-8x2-6 mkm, quriganda biroz nimrang yoki apelsin tusli po’stloq hosil qiladi. Kuzda novdalardagi yaralar (yostiqchalar) atrofida sklerosiylar hosil bo’ladi. Zamburug’ asosan sklerosiylar vositasida qishlaydi.