O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Kasallik ko’rinishi bilan ekinga fungisidlar purkash, lozim bo’lsa, ishlovni 10-15 kundan so’ng takrorlash, ildiz yemirilishiga qarshi tavsiya qilingan choralarni qo’llash darkor (Polevoy, 1960; Pidoplichko, 1977a; Peresыpkin, 1982; Gaponenko i dr., 1983; Rashidov va b., 1998; Matyoqubova, 2004).

Lavlagining soxta un-shudring (peronosporoz) kasalligini Perenospora farinosa oomiset zamburug’i qo’zg’atadi. Kasallik barcha mintaqalarda tarqalgan, jumladan, Qirg’izistonda ham tez-tez uchrashi xabar qilingan, ammo O’zbekistonda qayd etilmagan.

Birinchi yil ekinlarining zararlangan urug’barglari va rozetkadagi yosh markaziy barglarida xloroz rivojlanadi, barglar mo’rt bo’lib qoladi, chetlari pastga bukiladi. Barglar xunuk shakl, qora tus oladi va chiriydi.

Ikkinchi yil (urug’ olish uchun ekilgan) ekinlarida eng yosh barglar, gul va gul novdalar hamda urug’zararlanadi. Gul novdalari o’sishdan orqada qoladi, bujmayadi va so’lib, quriydi. Namlik mavjudligida zararlangan barglarning pastki tomonida kulrang-binafsha tusli yupqa mog’or rivojlanadi. Patogen urug’likuchun ekishga mo’ljallangan ildizmevalarda, o’simlik qoldiqlari va urug’da miseliy va oosporalari yordamida qishlaydi. Vegetasiya davrida ekin ichida zamburug’ konidiyalari bilan tarqaladi, 16°S harorat va 70% yoki yuqoriroq namlikda tez rivojlanadi. Ba’zi navlar kasallik bilan kamroq zararlanadi.