O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Qo’zg’atuvchining belgilari.Cercospora beticola.O’simlik organlarida rivojlangan dog’lar ustida, kam miqsorda, patogenning miseliy va konidiya hosil qiluvchi organlaridan iborat bo’lgan mayin kulrang mog’or paydo bo’ladi. Konidioforalar ba’zan juda kam hosil bo’ladi, barglarning har 2 tomonida, barg teshikcha (ustisa) laridan yoki to’g’ridan-to’g’ri epidermisni teshib, bittadan yoki bir nechtadan bo’lib chiqadi, odatda, hujayralarga bo’linmagan, ba’zan 1-2 septali, och-qo’ng’ir, qizg’ish-qo’ng’ir tusli, o’lchami 30-235x4-5 mkm. Konidiyalar ingichka-teskari-to’qmoq yoki deyarli bigiz ninasi shaklli, rangsiz, ko’p (35 tagacha) septali, o’lchami 30-365x3-5 mkm.

Zamburug’ konidiyalari ekin ichida shamol, yomg’ir, hasharotlar, yerga ishlov berish asbob-uskunalari va dehqonlar vositasida tarqaladi. Kasallik 10-25°S orasida va 70% dan yuqori namlikda tez rivojlanadi, 5°S dan past va 30°S dan yuqori haroratda rivojlanmaydi.

O’simlik qoldiqlari va urug’da qishlaydi. Lavlagiga serkosporoz ba’zi begona o’tlardan (olabo’ta, eshaksho’ra va b.q.) ham o’tadi. Lavlagidan keyin takroran ekilgan lavlagi, kuzgi bug’doydan keyin ekilganiga nisbatan serkosporoz bilan 5 baravar kuchliroq zararlanadi.