O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Chidamli navlar yaratish va qo’llash; almashlabekish (o’sha dalaga lavlagini 4-5 yildan keyin qaytarish mumkin; oldingi yillari kuzgi g’alla va dukkakli ekinlar ekilsa, tuproq qo’zg’atuvchilardan yaxshi tozalanadi); o’simlik qoldiqlarini yo’qotish; chuqur kuzgi shudgor; bahorda tuproqni sifatli tayyorlash; nordon tuproqlarni ohaklash; tuproqqa go’ng va elementlarbalansi saqlangan MRK o’g’itlari hamda tarkibida bor elementi bo’lgan superfosfat (120-150 kg/ga) yoki bor kislotasining eritmasini (250-300 g/ga, suyuqlik me’yori 400-500 l/ga) solish; urug’larni tozalash, kalibrlash, unuvchanligi va o’sish energiyasi yuqorilarini tanlab, ekishdan oldin mikroelementlar (Mn, Su, V va b.) eritmasi bilan ishlov berish, majburiy ravishda samarali fungisidlar bilan dorilash va o’z vaqtida ekish; nihollar unib chiqqach, qatqaloq bo’lishiga yo’l qo’ymaslik, tuproqni yumshatibturish; urug’liklavlagini ekishdan oldin formalinning 0,25% lik eritmasi yoki samarali fungisidlardan boshqa birortasibilan dorilash; optimal chuqurlikka (3-4 sm dan chuqurroqqa ekish nihollar chirishini kuchaytiradi) va vaqtida (tuproq harorati 5-7°S dan past bo’lmaganida) ekish; lavlagi 6-8 ta barg chiqarganda marganes sulfat (500 g/ga) yoki molibdenli ammoniy (200 g/ga) purkash tavsiya qilinadi.

Yuqori agrotexnikaga binoan yaxshi tayyorlangan yerga ekilgan va yaxshi parvarish qilingan nihollar zararlanmaydi yoki juda kam hollarda zararlanadi (Gerasimov, Osniskaya, 1961; Pidoplichko, 1977a,b, 1978; Peresыpkin, 1982; MacNabetal.,1983; Fletcher, 1987; Vyangelyauskayte i dr. 1989; Sshev, Mizunov, 1991; Rashidov va b., 1998; Ganiyev, Nedorezkov, 2005).