|
«Ilmiy tadqiqot metodologiyasi» fani majburiy fan hisoblanib 1-semestrda o‘qitiladi. “Ilmiy tadqiqot metodologiyasi” fani masalalari doirasida magistrant:
- ilmiy tadqiqot olib borishning metodologik asoslari, zaruriy shartlari, ilmiy izlanishga xos asosiy tushunchalar, ilmiy tadqiqotning mantiqiy tuzilmasi, mavzuni tanlash bosqichlari, tadqiqot rejasini tuzish, ilmiy bilishda umumiy va xususiy metodlar, ilmiy-metodik adabiyotlardan foydalanish, fanning о‘ziga xos xususiyatlari, ilmiy tadqiqotning amal qilish mexanizmlari haqida tasavvurga ega bо‘lishi, tadqiqot tuzilishini bilishi va ulardan foydalana olishi;
- tadqiqot jarayonini tasvirlash, xulosalarni ta’riflash va olingan natijalarni baholash, ilmiy tahlil qilish, empirik va nazariy tadqiqot usullarini farqlash, kengaytirilgan tadqiqot rejasini ishlab chiqish, ilmiy tadqiqotning metodologik tamoyillari, ilmiy loyihalarni tuzish, ilmiy izlanishlarning yо‘nalishlari, olimning ahloqiy fazilatlari xaqidagi kо‘nikmalariga ega bо‘lishi;
-bilimning konstruktiv xarakteri, ilmiy faoliyat mahsulining amaliy ahamiyatini anglash, ilmiy-metodik adabiyotlarni tahlil qilish va ularga havola berish usullari, mavzuni yoritish uchun matndan daliliy misollar tanlash, ularning miqdorini belgilash, qо‘lyozmani tahrir qilish, ilmiy ishni ilmiy-mantiqiy uslubda ravon va savodli yozish malakalariga ega bо‘lishi lozim.
Kreditlarni olish uchun talablar. Мazkur fan uchun 4 kredit аjratilgan bo'lib, fanga oid nazariy va uslubiy tushunchalarni tо‘la о‘zlashtirish, tahlil natijalarini tо‘g‘ri aks ettira olish, о‘rganilayotgan jarayonlar haqida mustaqil mushohada yuritish va joriy, oraliq nazorat shakllarida berilgan vazifa va topshiriqlarni bajarish, yakuniy nazorat bо‘yicha test yoki yozma ishni topshirishi zarur.
1.4 Magistratura talabalarining shaxsiy kalendar ish rejasini tuzish
«Magistratura talabasining о‘quv-uslubiy, ilmiy-tadqiqot, dissertatsiyani tayyorlash, pedagogik va malakaviy amaliyot faoliyati bо‘yicha» shaxsiy kalendar ish rejasi о‘quv davri mobaynidagi faolityatini tashkil etish uchun mо‘ljallangan bо‘lib, quyidagi yо‘nalishlar bо‘yicha majburiy faoliyati va ularni bajarilish muddatlarini belgilab beradi: о‘quv va о‘quv-uslubiy ishlar; ilmiy-tadqiqot ishlari; ilmiy-pedagogik ishlar; malakaviy amaliyot faoliyati kabilarni o`z ichiga qamrab oladi.
«Magistrlik dissertatsiyasini bajarishning kalendar rejasi» magistrlik dissertatsiyasini magistraturada о‘qish davomida tayyorlashga mо‘ljallangan ishlar ketma-ketligi va ularning tarkibini belgilaydi. Rejada qayd etiladigan ishlarni talaba ilmiy rahbari bilan kelishilgan holda tayyorlashi va bayon etishi kerak.
Magistratura talabasining shaxsiy kalendar ish rejasi o’quv va o’quv-uslubiy, ilmiy-tadqiqot ishlar, ilmiy-pedagogik ishlar, dissertastiyani tayyorlash, malakaviy amaliyot faoliyatiga oid tarkibiy qismlardan iborat bo’lib, kalendar ish rejasi magistratura talabasining butun magistratura o’qishi davomidagi faoliyatni tashkil etish uchun mo’ljallangan. Magistrlik dissertastiyasining bajarilishi kalendar rejasi, magistrlik dissertastiyasini magistratura o’qishi davomida tayyorlashga mo’ljallangan ishlar ketma-ketligi va ularning tarkibini belgilaydigan hujjatdir.
Magistratura talabalarining shaxsiy kalendar ish rejasini tuzish Magistratura to’grisidagi Nizomning Magistratura ta’lim dasturi hamda o’quv jarayonini tashkil etilishi to’g’risidagi 3-bobga muvofiq magistratura talabasi mazkur Nizomning 1-ilovasida keltirilgan namunaviy shakldagi shaxsiy kalendar ish rejasi tuzishi, shaxsiy kalendar ish rejasi asosida ta’lim olishga magistratura bo’lim boshlig’i, tegishli fakultet dekani, kafedra mudiri hamda ilmiy rahbar ma’sul hisoblanadi.
Men ham Magistratura to’g’risidagi Nizomning 1-ilovasida keltirilgan namunaviy shaklga asoslanib, 70310102 - «Iqtisodiyot (tarmoqlar va sohalar boʻyicha) « mutahassisligi bo’yicha, 2021-2022 va 2022-2023 o’quv yillariga mo’ljallangan shaxsiy kalendar ish rejasini ilmiy rahbarim bilan maslahatlashib, kelishilgan holda tayyorladim.
Ish reja «Innovatsion iqtisodiyot” kafedrasi umumiy yig‘ilishida muhokama qilinib, kafedra mudiri tomonidan imzo qо‘yildi va kafedra qaroriga kо‘ra QarMII kengashida muhokama qilish uchun tavsiya qilindi, shaxsiy ish reja Magsistratura bo‘limi bilan kelishilgan holda institut O‘quv ishlari bo’yicha prorektor tomonidan tasdiqlanadi.
Do'stlaringiz bilan baham: |
