O’zbekiston respublikasi oliy va o’rta maxsus ta’lim vazirligi qarshi muhandislik iqtisodiyot instituti magistratura bo’limi

Mazkur standart:Davlat, jamiyat va shaxsning amaldagi va istiqboldagi ehtiyojariga, shuningdek, yangi talab qilinayotgan yo’nalishlar, birinchi navbatda, yuqori va innovatsion texnologiyalar sohasi bo’yicha mehnat bozori konyunkturasi hamda professional kadrlar tayyorlashning jahon tendensiyalariga muvofiq oliy ta’limning O’zbekiston Respublikasida qabul qilingan yo’nalishlari va mutaxassisliklarni tartibga soladi.
Shuningdek, O’zbekiston respublikasi iqtisodiyoti tarmoqlarini boshqarishning barcha bosqichlarida hamda mamlakatimizning davlat va nodavlat oliy ta’lim tashkilotlarini qamrab oluvchi xalqaro munosabatlari amaliyotlarida, axborotlarni avtomatlashtirilgan qayta ishlash va ayirboshlash jarayonida;
o’qishga qabul qilish va mutaxassislar tayyorlashni boshqarish;
mutaxassislar tayyorlash va ularni ishga bandligining statistik hisoboti;
O’zbekiston Respublikasi va boshqa davlatlar davlatlar ta’lim statistikasini taqqoslash;
O’zbekiston Respublikasi ta’lim tizimining xalqaro ta’lim tuzilmasiga uyg’unlashuvi vazifalarini hal qilishda foydalanishga mo’ljallangan.
Ta’riflar
Klassifikator - oliy ma’lumotli kadrlar tayyorlash yo’nalishlari va mutaxassisliklarining tizimlashtirilgan ro’yxatidir. Unda o’nta bilim sohasi nazarda tutilgan:
1. Ta’lim.
2. San’at va gumanitar fanlar.
3. Ijtimoiy fanlar, jurnalistika va axborot.
4. Biznes, boshqaruv va huquq.
5. Tabiiy fanlar, matematika va statistika.
6. Axborot-kommunikatsiya texnologiyalari
7. Muhandislik, ishlov berish va qurilish sohalari.
8. Qishloq, o’rmon, baliqchilik xo’jaligi va veterinariya.
9. Sog’liqni saqlash va ijtimoiy ta’minot.
10. Xizmatlar.
Klassifikatorda ta’lim darajalari, bilim va ta’lim sohalari, ta’lim yo’nalishlari va mutaxassisliklari sakkiz raqamli kod bilan belgilanadi.
Ta’limning xalqaro standart klassifikatsiyasiga binoan ta’lim darajasi bakalavriat yo’nalishlarida “6” raqami, magistratura mutaxassisliklarida “7” raqami bilan belgilanadi. Masalan, bakalavriat ta’lim yo’nalishlari kodi 60110100, 60210200 va hokazo; magistratura mutaxassisliklari kodi 70110101. 70210202 va hokazo.