O‘zbekiston respublikasi oliy va o‘rta maxsus ta‘lim vazirligi qarshi davlat universitetining pedagogika instituti

Oldin bo‘lib o‘tgan hodisalar haqida unutmang
Suhbatdoshingizning ilgarigi harakati va fikrlarini hozirgi holati bilan taqqoslang. Shunda uni 
ba’zi qiziq tahlillarga chorlashingiz mumkin. Masalan, uy-joy qurilishi bilan bog‘liq biror bir 
xususiy kompaniya rahbari bilan suhbatlashayapsiz: «Siz o‘tgan haftada «Shahardagi yosh 
oilalarni yashash joylari bilan ta’minlash loyihasi»da ishtirok etdingiz va bu loyihani amalga 
oshirish juda muhim ekanligini ta’kidladingiz. Ammo o‘tgan yili kompaniyangiz bu loyihaga 
qarshi chiqqan edi. Ayni damda xususiy mablag‘ hisobiga yosh oilalar uchun yashash joylarini 
qurish bilan bog‘liq bo‘lgan qanday yondashuvni qo‘llab-quvvatlamoqdasiz?». 
«Qanday?» va «nima uchun?» deb yana bir bor so‘rang
ABC telekanalining mohir journalistlaridan biri Sem Donaldsonning aytishicha, «Nima uchun 
bunday dedingiz?», degan savol eng oddiy savol hisoblanadi. Agar suhbatdosh fikrini yaxshi 
eshita olmagan bo‘lsangiz, bu savol javobni qaytarish uchun yaxshigina hiyladir. Shuning 
uchun ham Donaldson: „Men «Nega shunday dedingiz?» deya so‘rash va «Chunki men shuni 
xohlaymanki…» deya javob oladigan kunni sabrsizlik bilan kutaman», – deb ta’kidlaydi.
 
Misol keltirishini so‘rang 
Qachonki advokat: «Men tajribamdan shuni bilamanki, kishi haqidagi o‘ta shaxsiy 
ma’lumotlarni uning qo‘shnilaridan bilib olish mumkin», – desa, siz: «Biror bir misol keltira 
olmaysizmi?» yoki «Siz bilan bo‘lib o‘tgan shunga o‘xshash voqeani aytib bera olasizmi?» 
deya murojaat qilishingiz kerak. Bunday qo‘shimcha savolga bo‘lgan javob advokatning 
umumiylikka asoslangan ma’lumotidan qiziqroqdir.
 
Voqealarni izchillik bilan gapirib berishini so‘rang 
«Keyin nima bo‘ldi?», «Shundan so‘ng nima bo‘ldi?». Agar siz voqelikni qismlarga bo‘lib 
tashlasangiz, suhbatdoshingiz ko‘proq detallarni eslaydi. Bu usul «Aytingchi, nima bo‘ldi?», 
deb so‘raganingizdan ko‘ra samaraliroqdir. Kimdir, „Kuchli сeл quydi”, – deyishi mumkin. 
Agar shu yerda to‘xtab, voqeaning izchilligini so‘ramasangiz, sizda hech qanday foydali va 
qo‘llab bo‘ladigan tafsilotlar bo‘lmaydi.