O‘zbekiston respublikasi oliy va o‘rta maxsus ta‘lim vazirligi qarshi davlat universitetining pedagogika instituti

Baholashni iltimos qiling
Bu cheklovli uslub bo‘lib, suhbatdoshingizga keltirilgan variantlarni baholash imkonini beradi. 
Siz undan «yaxshiroq – yomonroq», 1dan 10gacha bo‘lgan sonlar sirasida yoki «ko‘proq, 
kamroq» uslubida baholashini so‘rang. Syujetingizda esa suhbatdoshingizga variantlarni 
tasniflab berish taklif qilinganligini albatta aytib o‘ting. 

---

110 
«…yoki…» usulidan foydalaning
Bu ham cheklashli uslub, lekin unchalik ishonchli emas. Ammo ba’zan samarali bo‘lishi ham 
mumkin. Bunda suhbatdoshingiz 2ta variantdan birini tanlashi kerak bo‘ladi: «Aviahalokat 
oqibatida 20ta yo‘lovchi jarohatlandimi yoki hayotdan ko‘z yumdimi?». Yana shuni 
unutmangki, o‘z materialingizda suhbatdoshingizga cheklangan variantlarni tanlash taklif 
qilinganligini aytib o‘tishingiz lozim. 
Javobni takrorlang
Agar suhbatdoshingiz aytgan gaplarni to‘liq tushunmagan bo‘lsangiz, uning javobini takrorlab, 
ma’lumotni aniqlashtirib oling, („Ya’ni sizning aytishingizcha, …”) kabi. Suhbatdoshingiz esa 
siz uning javobini to‘laligicha tushunishga intilayotganingizni bilib minnatdor bo‘ladi. Agar 
siz nimanidir noto‘g‘ri tushungan bo‘lsangiz, yaxshisi bu haqda maqola nashr qilinganidan 
keyin emas, aksincha intervyu davomida bilganingiz ma’qul. 
Maxsus atamalarga izoh bering
Agar suhbatdoshingiz o‘z nutqida akronimlardan (masalan, QFG, ya’ni qayd qilinmagan foiz 
uchun garov xat) yoki shu kabi noma’lum atamalardan foydalansa, uning mantiqiy fikrini 
tugatishini kuting. So‘ngra esa undan bergan javobiga aniqlik kiritishini so‘rang. «Menga bu 
so‘z notanish. Uning qanday ma’no anglatishini tushuntira olmaysizmi?» deyishingiz mumkin. 
Bu uslub «Siz men uchun juda ham qiyin tilda gapiryapsiz» deyishdan ko‘ra yaxshiroq. 
Raqam va sanalarni aniqlashtiring hamda tekshiring
Odatda intervyu berayotganlar o‘z tug‘ilgan kuni yoki yoshi haqidagi aniq raqamlarga nisbatan 
boshqa ma’lumotlardagi raqam va sanalarga beparvolik bilan qarashadi. Shuning uchun 
intervyu davomida raqam va sanalarni qaytadan tekshiring. Intervyu so‘ngida esa 
suhbatdoshingizdan sizga kerak bo‘lgan informatsiyaning ishonchli va tekshirilgan yozma 
versiyasini qayerdan olish mumkin ekanligini so‘rang.