O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi

Inkasso topshiriqnomalari bo‘yicha operatsiyalar

Inkasso topshiriqnomasi — ushbu topshiriqnomani bergan bank- ka mijozning bank emitentga to‘lovchining hisobvarag‘idan so‘zsiz tartibda mablag‘ chiqarish to‘g‘risidagi talabi. Inkasso topshiriq- lari quyidagi hollarda taqdim etiladi:

• 
  birinchidan, o‘z vaqtida to‘lanmagan soliqlarni undirish uchun;
  
• 
  ikkinchidan, davlat budjetiga o‘tkaziladigan soliqlardan tash- qari to‘lovlar, jumladan, penalar, jarimalarni undirib olish to‘g‘- risidagi soliq organlarining farmoyishiga ko‘ra;
  
• 
  uchinchidan, budjetdan tashqari fondlardan to‘lovlarni undi­rib olishda, agar bu qonuniy hujjatlarda ko‘zda tutilgan bo‘lsa;
  
• 
  to‘rtinchidan, bojxona organlari ishining qaroriga ko‘ra, o‘z vaqtida to‘lanmagan bojxona to‘lovlarini undirish uchun.
  

Bulardan tashqari, huquqni muhofaza qilish organlari tomo- nidan taqdim hujjatlari, shuningdek, xo‘jalik sudining ijro vara- qalari va unga tenglashtirilgan hujjatlari uchun inkasso topshiriq- larini rasmiylashtirib, bankka topshirish uchun asos bo‘la oladi. Ijro hujjatlarga xo‘jalik sudining buyruqlari, sudlar tomonidan berilgan ijro varaqalari hamda notariuslar tomonidan buzilgan ustxatlarni kiritish mumkin.

Budjet bojxona va huquqni muhofaza qilish organlari to‘lovni undiruvchi hisoblanadi. To‘lovni undiruvchilar inkasso topshiriqlar ijro hujjatlarini ilova qilayotgan holda to‘lovni undirish uchun bankka taqdim qilishadi. Agar to‘lovni undiruvchi va to‘lovchi to- monlar bir shahar ichidagi bank xizmatidan foydalanishsa, in­kasso topshirig‘i to‘lovchining hisobvarag‘i topshiriladigan shaxs bo‘limiga topshiradi. Agar inkasso topshirig‘i boshqa shahar to‘lovchilari nomiga rasmiylashtirilgan bo‘lsa, bu holda hujjat un­dirib oluvchiga xizmat ko‘rsatuvchi bank bo‘limiga topshirilishi lozim.

Xo‘jalik yurituvchi subyektlar foydasiga mablag‘larni hisob- dan chiqarish bo‘yicha hujjatlar qonunda belgilangan muddatdan o‘tkazib taqdim etilgan bo‘lsa, bank bo‘limlari ushbu hujjatlarni inkasso uchun qabul qilishmaydi. Ijro hujjatlarining bajarilishi muddatlari quyidagicha belgilangan:

• 
  sudlar tomonidan berilgan ijro varaqalari bo‘yicha — 3 yil;
  
• 
  ijro ustxatlari bo‘yicha, agar qonunchilik tomonidan boshqa muddat ko‘rsatilmagan bo‘lsa — 3 yil;
  
• 
  xo‘jalik sudlarining ijro varaqalari bo‘yicha — 3 yil;
  
• 
  xo‘jalik sudi tomonidan berilgan sud buyrug‘i bo‘yicha un­dirib olib, buyruq berilgan kundan boshlab 10 kun muddat da- vomida amalga oshiriladi.
  

Davlat sug‘urtasi, ijtimoiy sug‘urta idoralari, davlat budjeti foydasiga mablag‘larni o‘tkazib berish uchun hujjatlar bank tomo- nidan cheklanmagan holda qabul qilinadi. Inkasso topshiriqno- masi bank bo‘limiga undirib oluvchi tomondan uch nusxada top- shiriladi. Undirib oluvchi va to‘lovchi tomonlarga bitta bank bo‘limida xizmat ko‘rsatilsa, inkasso topshiriqnomalarining alohida nus- xalari quyidagicha ishlatiladi:

•