O‘zbekiston Respublikasi Oliy va o‘rta maxsus ta’lim vazirligi Navoiy viloyat kasb-hunar ta’lim xududiy boshqarmasi Navoiy tibbiyot kolleji

Soatlar soni: 2 soat

Dars rejasi:

1.Skarlatina va suvchechak kasalliklarini tushunish.

2.Skarlatina kasalligi bilan kasallangan bolalarda va ularning oilalariga hamshiralik parvarishini tushunish.

3.Suvchechak kasalligi bilan kasallangan bolalarda va ularning oilalariga hamshiralik parvarishini tushunish.

Nazariy darsning mazmuni:

6.10.2.1. Skarlatina.

1) Etiologiyasi.

A guruhiga kiruvchi betta-gemolitik streptokokk chaqiruvchi o’tkir yuqumli kasallik. Yashirin davri 2-5 kun.

2) Simptomlari va asoratlari.

Butun tanada og’riq, tan haroratining ko’tarilishi, tomoqda og’riq, bosh og’rig’i. qusish, ich ketish bezovta qiladi. A guruhiga kiruvchi betta-gemolitik streptokokk chaqiruvchi tomoqdagi og’riqlardan so’ng simptomlar boshlanadi. Bu bakteriya orqali ajraluvchi gemolitik va pirogen toksin, gematogen yo’l bilan tarqalib, periferik qon tomirlarni kengaytiradi, bu esa toshmalar paydo bo’lishiga olib keladi. Toshma harorat ko’tarilishi bilan 1-2 kunlari paydo bo’ladi. No’xat kattaligidagi toshma elementlari huddi mayda tomchilar bilan qoplanganga o’xshaydi, bir-biri bilan birlashib, tanada sog’ teri soxalarini qoldirmaydi.

Bir necha hafta o’tib revmatik lixoradka (harorat ko’tarilishi, miokardit, artrit) va glomerulonefrit (gematuriya, shish, arterial bosim ko’tarilishi) boshlanadi.
3) Davolash

Penisillin qatoriga kiruvchi preparatlar qo’llaniladi.

4) Hamshralik parvarishi

Simptomlarga kuzatish olib boriladi, simptomlar aniqlanganda yordam ko’rsatiladi, harorat ko’tarilishi va boshqalar. Toshma toshganda teri tozaligini saqlash nam artish o’tkaziladi. Qusish va ich ketish holatlarida qusish massalari va axlat bilan ishlaganda extiyot bo’lish kerak.