O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

PARATSETAMOL–S–XEMOFARM
Farmakodinamikasi. Paratsetamol-S-Xemofarm paratsetamol va askorbin kislotasining (S vitamini) kombinatsiyasidir.
Paratsetamol–anal`getik nonarkotik vosita, ta'sir mexanizmi prostaglandinlar sintezini tormozlanishi va asosan gipotalamusdagi termoregulyatsiya markaziga ta'siri bilan bog'liq.
Askorbin kislotasi (S vitamini)-oksidlanish-qaytarilish jarayonlarini, karbonsuvlar almashinuvini, qon ivishini, to'qimalar regeneratsiyasini boshqarishda muhim rol` o'ynaydi;
Glyukokortikosteroidlar-kollagen va prokollagen sintezida qatnashadi, kapillyar o'tkazuvchanligini normallashtiradi. Ayniqsa organizmning qarshiligini oshirish qobiliyati muhim hisoblanadi, bu ehtimol, askorbin kislotasini antioksidant xususiyati va immune tizimini rag'batlantirishi bilan bog'liqdir.
Qo'llanilishi. Kuchsiz va o'rtacha jadallikdagi og'riq sindromi (bosh og'rig'i, nevralgiya, mialgiya, artral`giya, al`godismenoreya, tish og'rig'i).
Infektsion-yallig'lanish kasalliklarida (shu jumladan «shamollash») tana yuqori haroratini tushirish uchun qo'llanadi.
Qo'llash mumkin bo'lmagan holatlar.
-Preparat komponentlariga bo'lgan yuqori sezuvchanlik;
me'da-ichak qon ketishlari, portal gipertenziya, buyrak va jigar yetishmovchiligi;
-homiladorlik va laktatsiya davri; glyukozo-6-fosfatdegidrogenaza tanqisligi; 6 yoshgacha bo'lgan bolalar.
Ehtiyotkorlik bilan. Me'da - ichak yo'llarining eroziv - yarali shikastlanishlari (zo'rayish bosqichida), qon kasalliklari (trombotsitopeniya, leykopeniya, agranulotsitoz), konstitutsional giperbilirubinemiya (Jil`ber sindromi), tug'ma giperbilirubinemiyalar (Dubin-Djonson va Rotor sindromlari), alkogolizm, keksalik yoshi.
Qo'llash usuli. Dorini ovqatlanish oralig'ida qabul qilgan yaxshiroq.
Paratsetamol-S-Xemofarm preparatining vishillovchi tabletkalari bir stakan suvda to'liq eritiladi, olingan eritma esa darhol ichiladi.
Dozalari.Kattalar va 14 yoshdan oshgan o'smirlarga:
Preparat 1-2 tabletkadan kuniga 1-3 marta buyuriladi. Paratsetamolning maksimal sutkalik dozasi 4 g ni (12 vishillovchi tabletkalar) tashkil qiladi. Kattalar uchun davolash maksimal davomiyligi – og'riq qoldiruvchi vositasi sifatida buyurilganida 5 kundan ko'p emas va isitma tushiruvchi vosita sifatida 3 kundan ko'p emas.
Kichik maktab yoshidagi bolalarga (6-9 yosh):
Preparat 1 tabletkadan kuniga 1-3 marta buyuriladi. Maksimal bir martalik doza – 1 tabletka, maksimal sutkalik doza – 3 tabletka.
9-12 yoshli bolalarga:
1 tabletkadan kuniga 1-3 marta. Maksimal bir martalik doza–2 tabletka, maksimal sutkalik doza – 6 tabletka, qabullar oralig'i 4 soatdan kam bo'lmasligi kerak. Bolalar uchun davolashni maksimal davomiyligi – 3 kun.