O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Ketoprofen
Farmakodinamikasi:Ketoprofen siklooksi-genazaning eng samarali ingibitorlaridan biri hisoblanadi. U shuningdek lipooksigenaza va bradikininning faolligini susaytiradi. U lizosoma-larning membranalarini mustahkamlaydi va yallig'lanish jarayonida ishtirok etuvchi fermentlarni ajralib chiqishiga to'sqinlik qiladi. Ketoprofenning farmakodinamik ta'sirlari boshqa nosteroid yallig'lanishga qarshi preparatlarga o'xshash. Analgetik va yallig'lanishga qarshi ta'siri ketoprofenning asosiy xususiyati hisoblanadi. Uning samaradorligi hayvonlarda o'tkazilgan tadqiqotlarda va sinovlarda isbotlangan.
Farmakokinetikasi.So'rilishi: Ketoprofen gel` tez so'riladi. Uning kiraolishligi 2 soatdan so'ng Cmax 90% ni tashkil etadi. Ketoprofen gelning nisbiy biokiraolishligi 1,14±0,34 (AUC) va 1,12±0,40 (buyrak orqali chiqarilishini hisobga olib), Tmax va Cmax bir xil.
Taqsimlanishi. Ketoprofen qon plazmasi oqsillari bilan 99% bog'lanadi. U synovial suyuqlikka o'tadi va u yerda terapevtik kontsentratsiyani hosil qiladi. Preparatning plazmadagi kontsentratsiyasini e'tiborga olmaslik ham mumkin. Metabolizmi va chiqarilishi. Ketoprofen jigarda kon'yugatlar hosil qilish bilan metabolizmga uchraydi va asosan siydik bilan chiqariladi. Ketoprofenning metabolizmi yoshga, og'ir buyrak yetishmovchiligi yoki sirroz bo'lishiga bog'liq emas. Ketoprofenning siydik orqali ekskretsiyasi sekin amalga oshadi.
Qo'llanishi. Sportdagi va boshqa jarohatlar (bo'g'imning chiqishi, payning cho'zilishi, lat yeyish, bog'lamlar va paylarni uzilishi) natijasidagi mushak va bo'g'imlardagi og'riqlarni, shishlarni yengillashtirish uchun; haddan tashqari jismoniy zo'riqish oqibatidagi mushaklarning og'riqlari, beldagi og'riqlarda, degenerativ revmatik kasalliklardagi yallig'lanishni yo'qotish va og'riqni yengillatish uchun qo'llanadi.
Qo'llash mumkin bo'lmagan holatlar. Ketoprofen yoki gelning nofaol komponentlariga, boshqa nosteroid yallig'lanishga qarshi preparatlar va salitsilatlarga bo'lgan yuqori sezuvchanlik, anamnezdagi NYAQV va salitsilatlar qo'llashdan keyingi bronxial astma xurujlari, anamnezdagi allergik kasalliklar va bronxial astma, bolalar (15 yoshgacha), homiladorlik (uchinchi uch oyligi) va laktatsiya davri.