Qo'llash usuli va dozalari. Doza va davolash davomiyligi davolovchi shifokor tomonidan kasallikning og'irligi va preparatni o'zlashtirishga qarab belgilanadi. Terining shikastlangan sohasiga kuniga 3-4 marta qo'yiladi, yengil harakatlar bilan surtma ishqalab singdiriladi. Bir marta applikatsiya qilish uchun surtmaning yetarli miqdori 4-5 sm ni tashkil etadi.
Alohida qo'llashlar o'rtasidagi oraliq kamida 6 soat bo'lishi kerak.
Davolash kursi Odatda 7-10 kunni tashkil etadi. Lokal shakllari tabletka shakllari bilan majmuaviy davolashda qo'llash uchun tavsiya etiladi.
Nojo'ya ta'sirlari. Mahalliy qo'llanganida ba'zida qichima, qizarish, achishish, toshmalar, terining qurishini chaqirishi mumkin. Kam hollarda lokal shish va toshma, alohida hollarda esa, tovush bog'lamlarning shishi va hansirash rivojlanishi mumkin.
Terining katta yuzalariga qo'llanganda me'da-ichak yo'llari tomonidan rezorbtiv nojo'ya samaralar (ishtahaning yo'qolishi, ko'ngil aynishi, qusish, ich ketishi, og'riq, qon quyilishlari va yaralar hosil bo'lishi) yuz berishi mumkin. Barcha noxush dori reaktsiyalari, shu jumladan varaqada ta'riflanmaganlari haqida ham patsient zudlik bilan o'zining davolovchi shifokoriga xabar berishi kerak.
Qo'llash mumkin bo'lmagan holatlar. Preparatning tarkibiy qismlariga bo'lgan o'ta yuqori sezuvchanlikda, boshqa nosteroid yallig'lanishga qarshi vositasi qo'langanidan paydo bo'lgan bronxial astma, rinit, eshakemi va allergik shish bo'lgan bemorlarda; homiladorlikda va emizish davrida; teri infektsiyalari va ochiq jaroxatlarda, shilliq qavatlar, og'iz bo'shilig'I va ko'zga qo'llash mumkin emas.
Dori vositalari bilan o'zaro ta'siri. Ma'lum emas. Preparat lokal qo'llanganida dori vositalarini o'zaro ta'siri kuzatilmagan.
Maxsus ko'rsatmalar. Boshqa nosteroid yallig'lanishga qarshi vositalari kabi preparat allergic kasalliklari va reaktsiyalari bo'lgan bemorlarda, jigar va buyrak faoliyati buzilganda, terining katta sohalariga qo'yilganida ehtiyotkorlik bilan qo'llash lozim. Faqat intakt teri yuzasiga qo'llash kerak. Dori vositasini ko'z va shilliq qavatlarga tushishiga yo'l qo'ymang. Lokal qo'llanganidan so'ng toshmalar paydo bo'lsa, davolashni darxol to'xtatish lozim. 10 kundan ortiq uzoq muddatli davolashda oq qon tanachalari va qon plastinkalarini laboratoriya tekshiruvini o'tkazish lozim. Antibiotiklar, qon ivishiga qarshi va diabetga qarshi dorilar preparatlari bilan bir vaqtda qo'llanganida, tegishli laboratoriya ko'rsatkichlarini nazorat qilib turish lozim.
Bolalar uchun preparatning xavfsizligi va samaradorligi aniqlanmagan.
Homiladorlik va laktatsiya davrida. Qo'llash tavsiya etilmaydi.
Dozani oshirib yuborilishi. Ko'rinishlari (asosan me'da-ichak yo'llari tomonidan) juda kam va faqat terining katta maydoniga uzoq muddat qo'llanganida kuzatilishi mumkin. Ichga qabul qilinganida- og'iz bo'shlig'i shilliq qavatida achishish, so'lak ajralishi, ko'ngil aynishi va qusish kuzatiladi.
Chora-tadbirlar- og'iz bo'shlig'i va me'dani yuvish, zarurati bo'lganida simptomatik davolash.
Ko'zga, shilliq qavatlarga yoki ochiq jarohatga tushganida lokal ta'sirlanish-ko'z yoshi oqishi, qizarish, achishish, og'riq kuzatiladi.
Chora-tadbirlar- shikastlangan soha shikoyatlar kamayguncha yoki yo'qolgunga distillangan suv yoki fiziologik eritma bilan yaxshilab yuviladi.
Do'stlaringiz bilan baham: |