O‘zbekiston respublikasi oliy va o‘rta maxsus ta’lim vazirligi mirzo ulufbek nomidagi o‘zbekiston milliy universiteti

 
Nazorat savollari va topshiriqlar 
1. Daryolarning loyqa oqiziqlari nima maqsadda o‘rganiladi? 
2. Daryo oqiziqlari qanday omillar ta’sirida hosil bo‘ladi? 
3. Oqim moduli yoki yuvilish moduli nima? 
4. Muallaq va o‘zan tubi oqiziqlarining farqini ayting. 
5. Oqiziqlarning o‘rtacha diametri qanday aniqlanadi? 
6. Daryo suvining gidrokimyoviy rejimini belgilovchi asosiy ionlar. 
7. Daryo suvining minerallashuvini qanday tushunasiz? 
8. Tabiiy suvlar O.A.Alyokin bo‘yicha qanday sinflarga bo‘linadi? 
9. Daryo suvida mavjud bo‘lgan ionli oqim qanday hisoblanadi? 
10. Ionli oqim moduli nima va u qanday aniqlanadi? 

---

143 
11. KO‘LLAR VA SUV OMBORLARI GIDROLOGIYASI 
 
11.1. Ko‘llar haqida umumiy ma’lumot 
Ko‘llar bir-biridan paydo bo‘lishi, yer sirtida joylashish o‘rni, shakli, 
o‘lchami, gidrologik rejimi va boshqa bir qancha xususiyatlari bilan 
farqlanadi. yer yuzida aynan o‘xshash bo‘lgan ko‘llar uchramaydi. 
Ko‘l sifatida qabul qilinadigan suv havzasi quyidagi shartlarga javob 
berishi kerak: 
1) yagona yoki o‘zaro tutashib ketgan bir nechta botiqlar suv bilan 
to‘la yoki ba’zan qisman to‘la bo‘lishi; 
2) suv havzasi okean va dengizlardan ma’lum uzoqlikda joylashishi; 
3) suv havzasi va uni tashkil etgan barcha qismlari deyarli bir xil suv 
sathiga ega bo‘lishi; 
4) suv havzasiga qo‘shiladigan suv miqdori undagi suv hajmiga 
nisbatan kichik, ya’ni suv almashinishi sekin borishi; 
5) suv havzasidagi oqim tezligi daryolarning muallaq oqiziqlari 
cho‘kadigan darajada kichik bo‘lishi; 
6) o‘rtacha ko‘p yillik suv sathida havza suv yuzasining maydoni 
0,01 km
2
dan va uzunligi esa 200 m dan katta bo‘lishi; 
7) suv havzasining chuqurligi to‘lqin hosil qila olish darajasidagi 
qiymatda va to‘lqinlar qirg‘oqlarni yuva oladigan kuchga ega bo‘lishi 
lozim.