O‘zbekiston respublikasi oliy va o‘rta maxsus ta’lim vazirligi farg’ona politexnika instituti

Nazorat savollari

1. 
   Drenaj quvurlari qaerlarda ishlatiladi?
   
2. 
   Qaynatilgan holatda oqava quvurlarining suv yutuvchanligi qanaqa bo’ladi?
   
3. 
   Oqava quvurlari o’lchamlarini ayting?
   
4. 
   Drenaj quvurlari ishlab chiqarish texnologiyasi qanaqa?
   
5. 
   Drenaj quvurlari kichik o’lchamlarining diametrini ayting?
   

12-mavzu. Kislotaga chidamli keramik materiallar
Reja

12.1. Kislotabardosh materiallar va buyumlar.

12.2. Buyumlarni kuydirish mazmuni va maqsadi.
12.3. Buyumlarni kuydirish jarayonida sodir bo’ladigan fizik-kimyoviy o’zgarishlar.
12.4. Keramik buyumlarni kuydirish nuqsonlari.


Tayanch so’z va iboralar: kislotaga chidamlilik , kislotabardosh keramika, kuydirish rejimi, plitkalar, trubalar, keramik massa, keramika texnologiyasi

Kislotaga chidamli keramik materiallar kimyo sanoati konstruktsiyalari (pollar, trubalar, gaz yo’llari, apparat g’iloflari) uchun ishlatiladi. Kislotaga chidamli keramika korroziyalaydigan suyuq muhitga uzoq chidashi mumkin. Bunday materiallarning xarakterli xususiyati shundaki, ularning g’ovakliligi siyrak va shunga binoan suv shimuvchanligi ham kam. Sanoatimizda kislotaga chidamli g’ishtlar, plitkalar, trubalar va shakldor buyumlar ishlab chiqariladi. 

Kislota ta’siriga chidamli materiallarga kimyo zavodlarida kislotalar bilan ishlaydigan muhitda bo’ladigan maxsus buyumlar kiradi. Masalan, quvurlar, zararli suyuqliklar saqlanadigan idishlar, shamollatish asboblari, kislotaga chidamli g’isht shular jumlasidandir. Bunday buyumlar tarkibida zararli aralashmalar va eruvchan tuzlar bo’lmasligi kerak. Kislotalarga chidamli taxtachalar “K” deb belgilanadi.
O’zbekiston Respublikasi xalq xo’jalagining sitsial-iqtisodiy rivojlanishida uning bozor raqobati siyosatida yuqori mustahkam, chidamli mahalliy kislotaga chidamli keramik materiallarini qurilishda keng ravishda ishlatish katta ahamiyatga ega. Samarali kislotaga chidamli keramik materiallarini yaratish, ularni qurilishda qo’llash ustida respublikamiz olimlari juda ko’p ilmiy-amaliy ishlar olib bormoqdalar.