O‘zbekiston respublikasi oliy va o’rta maxsus ta’lim vazirligi farg’ona davlat

1. Utilitar resurslar – bu kishilarning kundalik ehtiyojlari va talablarini qondirish bilan bog’liq bo’lgan moddiy va boshqa ijtimoiy vositalardir. Bu vositalardan kishilarni rag’batlantirish uchun ham, jazolash uchun ham foydalaniladi.
2. Majburlovchi resurslar – bu ma’muriy jazolash bilan bog’liq bo’lgan vositalardir. Utilitar resurslar ish bermay qolsa, undan foydalaniladi. Bunga iqtisodiy sanktsiyalardan hayiqmaydiganlarga sud orqali ta’sir qilishni ko’rsatish mumkin.
3. Me’yoriy resurslarga – insonning ichki dunyosi, qadriyatlar va xulq-atvoriga ta’sir ko’rsatuvchi vositalar kiradi.
Hokimiyatning resurslarini inson va jamiyat faoliyatining muhim sohalari: siyosiy-huquqiy, iqtisodiy, ijtimoiy, madaniy-axborot, kuch ishlatuvchi sohalarga binoan turkumlashtirish ham keng tarqalgan.
4. Siyosiy-huquqiy resurslar – bu ijtimoiy tartibni, xavfsizlikni, barqarorlikni, fuqarolar tinchligini, jamiyatning yaxlitligi va butunligini ta’minlovchi vositalardir. Bu vositalarga dasturiy hujjatlar, Konstitutsiya, qonunlar va ularni ishlab chiqish, qabul qilish va amalga oshirish bilan bog’liq bo’lgan masalalar kiradi.
5. Iqtisodiy resurslar – bunga ijtimoiy va xususiy ishlab chiqarish hamda iste’mol qilish uchun zarur bo’lgan moddiy boyliklar, pullar, texnika, unumdor yerlar, yerosti qazilma boyliklari va hokazolar kiradi.
6. Sotsial resurslar – sotsial stratifikatsiyadagi ijtimoiy maqom yoki rang, o’rinning amalga oshirilishi yoki pasayish qobiliyatidir.
7. Madaniy-axborot resurslari – bilim va axborot hamda ularni olish va tarqatish vositalari: fan va ta’lim muassasalari, ommaviy axborot vositalari va boshqalardir.
8. Kuch ishlatuvchi resurslar – bu qurol-yaroq, jismoniy majburlovchi muassasalar va buning uchun maxsus tayyorlangan kishilardir. Ular o’zagini armiya, politsiya, xavfsizlik xizmati tashkil etadi.
9. Demografik resurslar – hokimiyatning maxsus resurslaridir. Bu boshqa resurslarni ishlab chiqaruvchi universal, ko’p funktsiyali resursdir. Inson – moddiy boyliklarning yaratuvchisi, askar va partiya a’zosi, bilim va axborotning egasi va tarqatuvchisidir.