O‘zbekiston respublikasi oliy va o’rta maxsus ta’lim vazirligi farg’ona davlat

Birinchidan, Respublikamiz Prezidenti Islom Karimov ta’kidlaganidek, jamiyat siyosiy hayotida 2 mafkuraviy tuzumning kurashi va bu kurashning xalqaro hayotning hamma sohalariga soya tashlashi ostida o’tgan kuchli qarama-qarshilik barham topdi. Ammo shundan keyin ham bizni qurshab turgan dunyo, ko’plar kutganidek, osoyishta bo’lib qolgani yo’q. Undagi mojarolarni siyosiy vositalar yo’li bilan hal etishga zaruriyat kuchayib bormoqda. Bu uni siyosatshunoslik nuqtai nazaridan atroflicha siyosiy tahlil etib borishni taqozo etadi.

Ikkinchidan, siyosatda jahon taraqqiyotining muhim omili mamlakatlar va xalqlar manfaatlarini uyg’unlashtirish bilan bog’liq. Bu mamlakatlar va xalqaro tashkilotlar siyosiy faoliyatini umumbashariy muammolar ko’lamining kengayib borayotganiga qaratish va ularni hal qilishdagi birliklarni vujudga keltirishga qaratilgan siyosiy qarashlar, nazariya hamda tahlillarga bo’lgan ehtiyoj bilan bog’liq.

Uchinchidan, hozirgi davrda har bir shaxsning siyosat bilan shug’ullanishga bo’lgan ehtiyojini anglash, unda ongli faoliyat ko’rsatishga bo’lgan ehtiyojlarning ortishi, mavjud demokratik jarayonlar bilan belgilanadi.

To’rtinchidan, hozirgi zamonda siyosiy jarayonlarning tez o’zgarib borayotganligi kuzatilmoqda. Bu o’zgarishlarning dunyo hamjamiyati va inson manfaatlari bilan uyg’un bo’lishi uchun oqilona siyosat olib borish bilan birga ongli siyosiy faoliyat, siyosatga ongli munosabatda bo’lish zarur. Bu uni atroflicha o’rganishni taqozo etadi.

Beshinchidan, fuqarolarning siyosiy madaniyati va faolligini oshirish jamiyat iqtisodiy-ijtimoiy, madaniy-ma’rifiy sohalarda demokratik holatning oldini olish uchun uning asosiy kafolatlaridan biri mamlakatimiz fuqarolarining huquqiy, ma’naviy va siyosiy faolligini rivojlantirish davlat siyosati darajasida uyg’un bo’lishidir.

Agar jamiyat taraqqiyotiga «Insoniyat tarixi - g’oyalar tarixidir» degan tamoyil asosida nazar solinsa, XX asrda bu jihatdan davlatlarning 3 xil shakli borligini ko’ramiz: