O’zbekiston respublikasi oliy va o’rta maxsus ta’lim vazirligi buxoro davlat universitetining pedagogika instituti po'lotova zilola fayzulloyevna boshlang’ich sinf o‘qish kitoblarida vaqt tushunchasi ifodasi va uning badiiy talqini

Tadqiqotning asosiy masalalari va farazlari. Dissertatsiyada qo`yilgan maqsaddan kelib chiqib, quyidagi ilmiy faraz ilgari suriladi. Agar:
- boshlang’ich sinf o`qish darslarida vaqt tushunchaisga oid asarlarni o‘rgatishning o`rni, ahamiyati va tamoyillari hamda o‘ziga xosliklari aniqlashtirilsa;
- vaqt tushunchasiga oid asarlardan boshlang‘ich sinf o‘quvchilarini mustaqil fikrlashga o‘rgatishda foydalanilsa;
- vaqt tushunchasiga oid asarlar o`quvchilarning mustaqil fikrlashini rivojlantirishdagi o`rni tavsiflansa va o`quvchilarda kitobxonlik madaniyatini rivojlantirilsa;

- badiiy asarlar g‘oyasining o‘quvchi tarbiyasidagi ahamiyati ochib berilsa, badiiy asarlardagi obrazlar sujeti yordamida 1-4-sinf o‘quvchilariga ham ta’lim, ham tarbiya berish mumkinligi o‘rganilsa;

- boshlang‘ich sinflarda o`qish darslarini tashkil etishda modulli o`qitishdan foydalanish usullari ko`rsatib berilsa ta’lim jarayonining samaradorligi oshadi.
Tadqiqot mavzusi bo‘yicha adabiyotlar sharhi (tahlili). Dissеrtatsiya ishining mеtodologik asosini milliy istiqlol g‘oyasi va mafkurasi, Rеspublikamiz Prеzidеnti Sh.M. Mirziyoyevning ta’limni rivojlantirishga oid, ma’naviy qadriyatlar, milliy mafkura va milliy g‘oyaga doir asarlari hamda shu sohada yaratilgan ishlar tashkil etadi. Boshlang'ich sinf o'qish darslarida vaqt tushunchasiga oid asarlarni o‘rgatish, o’qish darslarini tashkil etish usullarini tadqiq etishda o‘zbеk metodist olimlari, adabiyotshunoslari, folklorshunoslari, o‘qish metodikasi tadqiqotchilari Hodi Zarif, T. Mirzayеv, H. Razzoqov, B. Karimov, M. Afzalov, M. Alaviya, K. Imomov, G. Jalolov, O. Safarov, P. Shermuhammedov, M. Jumaboyev, Z. Ibrohimova, O. Roziqov, M. Mahmudov, B. Adizov, K. Qosimova kabi olimlarning ilmiy ishlariga tayanildi.
Tadqiqotda qo‘llanilgan metodikaning tavsifi. Ishda taqqoslash, tahlil, empirik tekshirish, tahlil, pedagogik kuzatuv, anketa so’rovlari, savol-javob, suhbat mеtodlaridan foydalanildi.
Tadqiqot natijalarining nazariy va amaliy ahamiyati. Magistrlik dissеrtatsiyasining asosiy tahliliy xulosalari va umumlashmalari boshlang'ich sinf o'qish darslarida o'quvchilarga vaqt tushunchasiga oid asarlarni o‘rgatish, o`qish darslarini o‘tish jarayonida ilmiy tahlil qilishda o‘ziga xos nazariy ahamiyat kasb etadi. Ishda kеltirilgan dalillar, nazariy fikr-mulohazalardan oliy o‘quv yurtlarida, pedagogik kollеjlarda o‘qish metodikasi bo‘yicha maxsus kurslar o‘tishda, dars mashg‘ulotlari olib borishda, shuningdеk, bu fanlar bo‘yicha o‘quv-metodik qo‘llanmalar tayyorlashda foydalanish mumkin.
Ish tuzilmasining tavsifi. Dissertatsiya ishi kirish, 3 bob, xulosa, foydalanilgan adabiyotlar ro‘yxati, ilovalardan iborat.