O`zbekiston Respublikasi Oliy va o`rta maxsus ta'lim vazirligi Buxoro davlat universiteti

Internet saytlari 
16. http://teachyourselfuzbek.com/resources/coursebooks/—Самоучитель 
узбекского языка. 
17. http://solver.uz/translate.php — Русско-узбекский переводчик. 
18. http://library.ziyonet.uz/ — таълим портали
28-MAVZU: YETUK MUTAXASSIS 
Reja: 
1.Yetuk mutaxassis bo`lishning shartlari. 
2.Kasbiy mahorat cho`qqisiga ko`tarilish. 
3.Bugungi kunda yetuk mutaxassislarga bo`lgan talab va e'tibor. 
Tayanch tushunchalar: 
yosh avlod, vatanga muhabbat, mutaxassis, yetuk mutaxassis, 
istiqlol g`oyalari, pirovard maqsad, zamonaviy dunyoqarash, jamiyatdagi mavqe, ichki 
imkoniyat, kasbiy mahorat. 
O`sib kelayotgan yosh avlodni Vatanga muhabbat, istiqlol g`oyalariga sadoqat 
ruhida tarbiyalash, o`g`il-qizlarning milliy hunarmandchilik an'analarini o`rganishi, 
ulug`lashi va davom ettirishida mehnat ta'limi fani o`qituvchilarining hissasi katta. 
Mamlakatimizda ta'lim-tarbiya tizimida olib borilayotgan islohotlardan pirovard maqsad 

---

172 
har tomonlama yetuk, zamonaviy dunyoqarashga ega avlodni kamol toptirishdan iborat. 
Prezidentimizning 2012-yil 10-dekabrda qabul qilingan “Chet tillarni o`rganish tizimini 
yanada takomillashtirish to`g`risida"gi qarori ham mazkur maqsadga xizmat qilmoqda. 
Qoraqalpog`iston Respublikasida xotin-qizlarning jamiyatdagi mavqei va faolligini 
oshirishga alohida etibor qaratilmoqda. Xususan, o`z biznesini yo`lga qo`yish istagidagi 
ishbilarmon ayollar uchun keng imkoniyatlar yaratilayotir. Hayotga kelgan har bir odam
jamiyatda o`z o`rniga ega bo`lish, qadr-qimmat topishni istaydi. Bunga erishish oson ish 
emas. Buning uchun inson o`z ichki imkoniyatlarini to`la ro`yobga chiqara olishi, 
tanlagan kasbida obro` topishi kerak. Kasbiy mahorat cho`qqisiga ko`tarilishning esa 
yagona bir yo`li yo`q. Unga erishmoqni niyat qilgan mutaxassis bu cho`qqini o`z bilim 
darajasi va orttirgan tajribasiga tayanib, mashaqqatlarni sobitqadamlik bilan yengib zabt 
etadi. Ishlab chiqarishda muvaffaqiyatga erishishning esa o`ziga xos sir-asrorlari bor. 
Ishlab chiqarishda o`z kasbining bilimdoni bo`lish uchun inson sohani chuqur bilishi, 
tezkor fikrlash va qat'iy qarorlar qabul qilish salohiyatiga ega bo`lishi kerak. Yuqori 
malakali mutaxassis vaziyatga turli tomondan baho bera olishi, ish natijasini oldindan 
ko`ra olishi, bilim va tajribalarini boshqalar bilan o`rtoqlasha olishi lozim. 
Mutaxassisning kasbiy bilimi, malaka va ko`nikmalari muttasil oshib borgandagina u 
kasbiy mahorat darajasiga yetadi. Buning uchun inson kasbini yaxshi ko`rishi, sohasida 
qizg`in faoliyat yuritishi, qiyinchiliklardan qo`rqmasligi, to`siqlar oldida to`xtab 
qolmasligi kerak. Volter aytganidek: «Buyuk ishlar katta to`siqlarsiz yaratilmaydi». 
Men Komiljon Umirkulovich Toshpulatovni o`z kasbining ustasi, deb bilaman. U 
kishida tug`ma istedod va rahbarlik qobiliyati bor, hammamizga yaxshi ustoz. O`z 
kasbining chuqur bilimdoni bo`lish insondan avvalambor, fidoyilikni talab qiladi. 
Nazariy bilimlar amaliy tajriba bilan tutashgan nuqtada kasbiy mahorat shakllanadi, deb 
o`ylayman. Hech kim o`z ishining ustasi bo`lib tug`ilmaydi, balki kasbiy malakasini 
takomillashtirib borish tufayligina inson professional darajaga yetadi. Jonkuyar va 
fidoyi mutaxassislargina soha rivojiga katta hissa qo`sha oladilar.Yurtimizda yoshlarga 
yaratilgan shart-sharoit, berilgan imkoniyat, ko`rsatilayotgan e'tibor har birimizdan faol, 
ishchan, fidoiy bo`lishni talab qiladi. Biz O`zbekiston deb atalmish buyuk yurtga 
munosib bo`lishimiz kerak. Donishmandlardan biri «Agar haqiqatdan ham 
muvaffaqiyatga erishishni chin dildan istasang, o`zingga qattiq ishon, hatto senga hech 
kim ishonmay qo`yganda ham», degan qimmatli fikrni bildirgan ekan. Avvalambor, 
yosh mutaxassisda o`z kuchiga ishonch, yetarli bilim va odamlarni ortidan ergashtira 
olish qobiliyati bo`lsa, u albatta yuqori cho`qqilarni zabt etadi 

---

173