376
tushunchalar aks ettiruvchi predmetlarning miqdori chegaralangan va
chegaralanmagan
boʻlishi
mumkin. Masalan, «kimyoviy element»
tushunchasida fikr qilinayotgan predmetlar soni chegaralangan. «YUlduz»
tushunchasi hajmini tashkil qiluvchi predmetlar soni esa Cheksiz .
Fikr yuritish jarayonida umumiy tushunchalar ayiruvchi va toʻplovchi
tushunchalar tarzida boʻlishi mumkin. Ayiruvchi tushuncha shunday umumiy
tushunchaki, u aks ettiruvchi belgilar berilgan sinfning har bir predmetiga
xosdir.Toʻplovchi tushuncha ham umumiy tushuncha boʻlib,u aks ettirgan
belgilar shu umumiylikni tashkil etuvchi har bir predmetga taaluqli
boʻlmaydi.Masalan, ―konferensiya‖ – toʻplovchi, ―konferensiya ishtirokchisi‖
– ayiruvchi.
Mazmuni boʻyicha tushunchalar, avvalambor, abstrakt va konkret
tushunchalarga boʻlinadi. Konkret tushunchalarda predmet oʻzining belgilari
bilan birgalikda fikr qilinadi. Abstrakt tushunchalarda esa predmetning
belgilari undan fikran ajratib olinib, alohida aks ettiriladi. Masalan, «Inson»,
«Tabiat» tushunchalari – konkret tushunchalar, «Qahramonlik» (insonga xos
xususiyatni aks ettiradi), «Sistemalilik» (borliqdagi predmetlarga xos
xususiyatni ifoda qiladi) tushunchalari abstrakt tushunchalardir.
Mazmuni boʻyicha yana nisbatsiz va nisbatdosh tushunchalarni ham
ajratish mumkin. Nisbatsiz tushunchalar nisbatan mustaqil, alohida mavjud
boʻlgan predmetlarni aks ettiradi. «Davlat», «Badiiy asar» ana shunday
tushunchalardir.Nisbatdosh tushunchalar esa zaruriy ravishda bir-birining
mavjud boʻlishini taqozo qiladigan predmetlarni aks ettiradi. Masalan,
«Oʻqituvchi» va «Oʻquvchi», «Ijobiy qahramon» va «Salbiy qahramon»,
«Sabab» va «Oqibat» tushunchalari nisbatdosh tushunchalar qatoriga kiradi.
Ba‘zi hollarda ijobiy va salbiy tushunchalar ham farq qilinadi. Ijobiy
tushunchalarning mazmunida predmet unga xos belgilar orqali fikr qilinsa,
salbiy tushunchalarning mazmunida predmet unga xos boʻlmagan belgilar
orqali fikr qilinadi. Masalan, «savodli kishi», «vijdonli kishi» – ijobiy
tushunchalar, «savodsiz kishi», «vijdonsiz kishi» esa salbiy tushunchalardir.
Biz yuqorida tushunchalarning bir qancha turlari bilan tanishib chiqdik.
U yoki bu tushunchaning ana shu turlardan qaysilariga mansub ekanligini
aniqlash unga mantiqiy tavsif berish demakdir. Masalan, «talaba» – umumiy,
ayiruvchi, chegaralangan, aniq, nisbatsiz, ijobiy tushuncha; «A. Navoiy
nomli Oʻzbekiston davlat kutubxonasi» – yakka, toʻplovchi, chegaralangan,
konkret, nisbatsiz, ijobiy tushunchadir.
Do'stlaringiz bilan baham: