Bilishda haqiqat va amaliyot uy gʻunligi
.
Insonning borliqni
bilishidan asosiy maqsadlaridan biri – bu haqiqatni bilishdir.Bu asosan inson
bilimlari bilan obyektiv borliqdagi narsa va hodisalar oʻrtasidagi munosabat
masalasini oʻz ichiga oladi.
Haqiqat - bu borliqdagi narsa va hodisalarning oʻzi emas, balki ular
haqidagi inson bilimlarining oʻsha narsa va hodisalarga mos kelishidir.
Haqiqat, bu – bizning dunyo toʻgʻrisidagi bilimlarimiz va
tasavvurlarimizning dunyoning oʻziga, obyektiv reallikka muvofiq kelishidir.
Haqiqatni nohaqiqatdan, yanglishuvdan, yolgʻondan farqlashtirish, ajratish
uchun bizning bilimimiz obyektiv voqelikka, uning yashash va rivojlanish
qonunlariga qanchalik mos kelishini aniqlab olmoq kerak.
Haqiqat konkret yoki mavhum, mushohadaviy va fikriy xulosalar,
tushuncha va tasavvurlarning obyektga mosligidir.
Hozirgi zamon falsafiy va ilmiy adabiyotida obyektiv haqiqat
tushunchasi tez-tez uchrab turadi. Ob‘ektiv haqiqat – bu bilimlarimizning
shunday mazmuniki, u bir kishiga ham, butun insoniyatga ham bogʻliq emas.
Haqiqatning obyektivligini u mavjud olamning in‘ikosi boʻlishi belgilaydi.
Haqiqatning obyektivligi vaqt va zamondagi oʻtish ma‘nosida ketma-
ketlik, izchillik va vorislikning asosi hisoblanadi.
Haqiqat bu jarayondir. Ob‘ektiv haqiqatning jarayon boʻlish xususiyati
ikki xil tarzda namoyon boʻladi: birinchidan, bu obyektni toʻliqroq in‘ikos
ettirishga tomon qaratilgan oʻzgarishlar jarayonidir, ikkinchidan esa,
konsepsiyalar, ta‘limotlar strukturasida xatolik va yanglishishlarga barham
berish jarayoni hamdir.
Bu jihatdan qaraganda haqiqat oʻzi ifodalangan bilimlarning
mazmuniga koʻra subyektga bogʻliq boʻlmasada (bu ma‘noda u obyektiv
haqiqat deb ataladi), lekin u oʻz ifodalanish shakli jihatdan subyektga bogʻliq
boʻladi. Koʻp hollarda haqiqat mazmuniga koʻra obyektiv, shakliga koʻra
nisbiydir.
Bilish nazariyasida nisbiy va absolyut haqiqat shakllari muhim oʻrin
tutadi. Absolyut va nisbiy haqiqatlar masalasi insoniyat rivojining ma‘lum
bosqichida kishilarning bilish jihatidan murakkab tashkil topgan obyektlar
bilan aloqador boʻlgan, har qanday nazariyalar ushbu obyektlarni tugal
236
anglash da‘vosini qilishga qodir boʻlmagan davrlardagi dunyoqarash
muammosi sifatida yuzaga chiqqan.
Absolyut (mutlaq) haqiqat deganda oʻz obyektiga aynan mos boʻlgan
va bilishning keyingi taraqqiyoti davomida inkor etilmaydigan bilim, xulosa
va hukmlar tushuniladi.
Absolyut haqiqat -oʻrganilayotgan obyektlarning umumiy va alohida
tomonlarini
aniq-ravsha‘n
hamda
voqelikning
muayyan
jihat
va
xususiyatlarini tugal bilishi, nisbiy haqiqatning keyingi bilish jarayonida ham
saqlanib qoladigan mazmunini tashkil etishi, olam, undagi eng murakkab
sistemalar toʻgʻrisida hech qachon inkor qilinmaydigan toʻliq bilimdir.
Masalan, 1913-yilda XX asrning eng yirik fizigi Nils Bor oʻzining mashhur
toʻldiruvchanlik prinsipini ta‘riflab berdi. Bu prinsipga koʻra, haqiqatligi
muayyan hodisalar guruhi uchun aniqlangan va tasdiqlangan bilim va
nazariyalar yanada kengroq predmet sohasini qamrab olgan yangi, yanada
chuqurroq bilim va nazariyalar paydo boʻlishi bilan mutlaqo notoʻgʻri deb
uloqtirib tashlanmaydi, balki nisbiy haqiqat sifatida bu yangi nazariyalarning
chegaraviy shakli yoki xususiy holati sifatida saqlanib qoladi. Klassik
mexanika bilan nisbiylik nazariyasi, moddalar ximik tuzilishining klassik va
hozirgi zamon nazariyasi va koʻp boshqa nazariyalar oʻzaro ana shunday
munosabatda boʻladi.
Nisbiy haqiqat – borliqdagi predmet va hodisalar toʻgʻrisidagi taxminan
toʻgʻri, lekin toʻliq boʻlmagan, bilish jarayonimizda tuzatilib, toʻldirilib
borishi lozim boʻlgan bilimlarimizdir.
Har qanday mutlaq haqiqat nisbiy haqiqatlarning cheksiz jamlanib
borishidan vujudga keladi, har bir nisbiy haqiqatda esa mutlaq haqiqatning
zarrasi, donasi mavjud boʻladi. Ilm-fan taraqqiyotida har bir yangi bosqich
nisbiy haqiqatlar sifatida mutlaq haqiqatning mazmuniga yangi-yangi zarralar
qoʻshib boradi. Borliq bepoyon va cheksiz boʻlgani kabi, insonning uni
bilishi ham cheksiz davom etadi.
Haqiqat mavhum emas, balki aniq (konkret) bilimlardir. Har bir
bilimning haqiqatligi ma‘lum joyga, vaqt va vaziyatga, kishi bilishining
imkoniyatiga va darajasiga bogʻliq. Hamma zamonlar, makonlar, hamma
davr va har qanday sharoitda ham toʻgʻri boʻladigan, oʻzgarmaydigan
haqiqatlar yoʻq va boʻlishi ham mumkin emas.
Haqiqatni xatodan farq qiladigan mezon bormi? Bu savolga turli
falsafiy oqimlar turlicha javob berib kelganlar.
Masalan, XX asrda neopozitivizm oqimi vakillaridan ba‘zilari,
haqiqatning mezoni, deb kogerensiya prinsipini (ya‘ni bilimning oʻz-oʻziga
mos kelishi) oladilar. Neopozitivizmning boshqa bir guruhi vakillari esa
bilimlarning haqiqatlik mezoni sifatida verifikatsiya prinsipini ya‘ni,
bilimlarni hissiy tajriba, kuzatish, eksperiment yoʻllari bilan tekshirishni
oladilar. Biroq bizga ma‘lumki, fanlarda paydo boʻlgan ba‘zi gʻoyalar va
237
qarashlarning haqiqatligini bunday hissiy tajribalar asosida tekshirib
boʻlmaydi.
Empiriokratitsizm (maxizm) tarafdorlari, xususan Bagdanov haqiqat
mezoni sifatida bilimlarni, koʻpchilik tomondan olinganligini tushunadilar,
ular koʻpchilik ham barobar adashishi va xato qilishi mumkinligini esdan
chiqarib qoʻyadilar.
Pragmatizm oqimi vakillari esa, har qanday bilimning haqiqatlik
mezoni uning insonga keltiradigan foydasi boʻlishi kerak, deyishadi.
Haqiqatda esa, foydali boʻlish, foyda keltirish hali inson bilimlarining
haqiqatligi mezoni boʻlmaydi.
Ekzistensializm
falsafasi
vakillarining
ba‘zilari boʻlsa, inson
bilimlarining haqiqatligi mezoni har bir kishining oʻz ehtiyoji, maqsad va
manfaatlariga bogʻliqdir, deyishadi. Lekin, hech qachon turli kishilarning
ehtiyoji, intilishlari bir-biriga toʻla mos kelmasligini ular nazarda chetda
qoldirishadi.
Bilimlarning haqiqatligi mezoni amaliy faoliyatdir. Amaliyot insonning
dunyoga oʻziga xos munosabati usuli boʻlib, u tashqi olamdagi obyektiv
mavjud narsa va hodisalarga faol ta‘sir etish, ularni oʻzlashtirish, oʻzgartirish
va qayta qurish yoʻli bilan insonning uni oʻrab turgan tabiiy va ijtimoiy
muhitga kirib borish jarayonidir. Amaliyot bilish jarayonida hosil boʻlgan har
bir bilimning haqiqatligini tasdiqlash bilan birga, bu bilimning
cheklanganligini, xatoligini ham aniqlab beradi. Lekin amaliyotni ham
haqiqat mezoni sifatida mutlaqlashtirish mumkin emas. Chunki inson
bilimlarining haqiqatligi yoki xatoligi amaliyotda tasdiqlanishi toʻliq
boʻlmaydi, amaliyotda sinab koʻrish imkoniyati boʻlmagan bilimlar ham
mavjud. Uning ustiga amaliyotning oʻzi ham oʻzgarib rivojlanib boradi.
Shunga qaramasdan, amaliyot haqiqat mezoni sifatida insonning toʻgʻri
bilimlarini xato bilimlaridan farq qilishda katta ahamiyatga ega. Bu mezon,
birinchidan, inson bilimlari borliqning toʻgʻri yoki notoʻgʻri in‘ikosi
ekanligini tasdiqlasa, ikkinchidan, u borliqni notoʻgʻri aks ettiruvchi
qarashlarning xatoligini ham ochib beradi.
Falsafa amaliyotga kategoriyalar, ya‘ni amaliyotning barcha
shakllariga xos boʻlgan umumiy jihatlari nuqtayi nazaridan yondashadi.
Inson amaliyot orqali obyektiv mavjud boʻlgan narsa va hodisalarga
faol ta‘sir etib, ularni oʻzlashtirish, oʻzgartirish yoʻli bilan oʻzini oʻrab turgan
tabiiy-ijtimoiy muhitga kirib boradi. Inson amaliy faoliyati borliqni
oʻzgartirishga qaratilgan jarayon boʻlib, u obyektiv va subyektiv tomonlar
yigʻindisidan iborat. Albatta, amaliy faoliyatning subyektivligi insonning
qobiliyati, maqsadga muvofiq hatti-harakati, obyektiv tomoni esa
boshlangʻich material, faoliyat vositalari va olingan mahsulotni anglatadi.
Umuman olganda amaliyot insonning dunyoga, oʻziga xos munosabat
usulidir.
238
Do'stlaringiz bilan baham: |