Bilishda obyekt va subyektning oʻzaro aloqasi.
Bilish jarayoni juda
murakkab boʻlib, u subyektiv va obyektiv tomonlarning birligidan,
subyektning obyektga tomon borishidan iborat.
Bilishning falsafiy nazariyasiga koʻra, bilish moddiy va ma‘naviy
borliqning inson miyasidagi muayyan maqsadga qaratilgan faol aks etishidir.
Inson bilishining manbai moddiy va ma‘naviy borliq, ularni tashkil qilgan
narsa va hodisalardir. Bilish moddiy va ma‘naviy borliqning inson
miyasidagi subyektiv obrazlari, ramzlari va belgilaridir. Inson oʻz miyasida
faqat tabiiy va ijtimoiy borliqni, ularning qonuniyatlarini aks ettirib
qolmasdan, balki oʻzining ma‘naviy-ruhiy va insoniy borligʻini ham in‘ikos
ettiradi. Buning ma‘nosi shuki, inson borliqni oynada aks ettirgandek in‘ikos
ettirmaydi. Insonning dunyoqarashi, bilim darajasi, hayotiy tajribasi va
hoka‘zolar bilish jarayonida oʻz ta‘sirini koʻrsatadi. Bilish obyektiv
dunyoning subyektiv obrazidir, degan fikrda katta ma‘no bor.
221
Inson bilishi oʻz mohiyatiga koʻra ijtimoiy boʻlib, u inson ijtimoiy
faoliyatining bir shakli sifatida tabiat, jamiyat va inson tafakkuri
taraqqiyotining qonunlarini inson tomonidan oʻzlashtirishning real jarayoni
tarzida subyekt va obyektning oʻzaro munosabatida vujudga keladi.
Inson bilishining obyekti va subyekti deganda nimani tushunamiz?
Bilishning subyekti umuman olganda insondir. Ammo abstrakt inson
yoʻq, boʻlmaydi. Shu sababli bilishning subyektini borliqdagi predmet va
hodisalar bilan bevosita yoki bavosita muayyan tabiiy va ijtimoiy
munosabatlarda boʻluvchi, kishi yoki kishilar guruhi tashkil qiladi.
Bilishning obyekti subyektning bilish doirasiga kirgan, uning bilishi
qaratilgan borliqdagi aniq narsa va hodisalardir
.
Inson bilishining tabiatini obyekt-subyekt oʻrtasidagi munosabatini
toʻgʻri tushunish asosida bilib olish mumkin. Bunda inson faolligi muhim rol
oʻynaydi.
Inson borliqni faqat bilib olish uchungina oʻrganmaydi, balki u borliq
va uning qonunlarini bilib olishi bilan tabiatga, jamiyatga va oʻziga faol ta‘sir
koʻrsatib, tabiatni, jamiyatni va oʻzini oʻzgartirib boradi. Bu erda inson
bilishining amaliyot bilan chambarchas bogʻliqligi namoyon boʻladi.
Inson bilishini unda borliq qanday aks etishiga qarab oddiy-kundalik va
ilmiy bilishlariga ajratish mumkin. Insoniyat tarixining dastlabki
davrlaridayoq tabiat va olam haqidagi eng oddiy ma‘lumotlar beruvchi
kundalik amaliy bilimlarning manbai, asosi kundalik turmush tajribalari
boʻlib, unga oddiy ma‘lumotlar yigʻindisi sifatidagi tarqoqlik va notizimlilik
xosdir. Oddiy kundalik bilish kundalik oddiy kuzatish, hayotiy tajriba asosida
borliqdagi narsa va hodisalarni insonning oʻz sezgi va tafakkurlari orqali
bilishidir. Masalan, hammaga ayonki kechadan soʻng kunduz va yana kecha
kelishini va u Cheksiz davom etishini hamma biladi, yoki yil fasllarini
almashinib turishi, biridan keyin ikkinchisi kelishini ham hamma biladi.
Ammo hamma ham nega shunday boʻlish? Sababi nimada ekanligi bilan
qiziqmaydi?
Kundalik bilim haqiqatni qayd etsada, uni nomuntazam va isbotsiz
amalga oshiradi. Bunday bilimning xususiyati shundaki, odatda, u inson
tomonidan ongsiz, kundalik tajribaga asoslangan holda qoʻllaniladi.
Kundalik noilmiy bilim tarqoq, notizimli bilim boʻlib, u qonunlar bilan
izohlanmaydi va formallashtirilmaydi. Voqea va hodisalarni ilmiylik
mezonlari nuqtayi nazaridan asosli tushuntirmaydi. Kundalik noilmiy
bilimning qat‘iy tizimi va klassifikatsiyasi boʻlmaydi.
Bugungi kunda, noilmiy bilimning quyidagi shakllari ham e‘tirof
etiladi: Parailmiy bilim (mavjud standartlarga mos kelmaslik), yolgʻon ilm
(turli aqidalardan ongli ravishda foydalanish), kvaziilmiy bilim (zoʻravonlik
va majbur qilish metodlariga asoslanib oʻziga hamkor izlaydi), antiilmiy
bilim (haqiqat haqidagi tasavvurlarni ongli buzish va utopizm), psevdoilmiy
222
bilim (anʼanaviy nazariyalarni targʻib qiluvchi intellektual faollikda namoyon
boʻladi) va boshqalar.
Demakki, noilmiy bilim tarqoq, notizimli bilim sifatida tushunilib, u
qonunlar bilan izohlanmaydi va formallashtirilmaydi, mavjud dunyoning
ilmiy manzarasiga qarama-qarshi turadi. Noilmiy bilim kimningdir
uydirmasi yoki yolgʻon emasligini anglash zarur. Chunki u (ratsionallikdan
farq qiluvchi) oʻzining normalari, eta‘lonlari, bilish vositalari va
manba‘lariga ega boʻlgan aniq intellektual asoslarda shakllanadi.
Eng umumiy ma‘noda ilmiy bilish obyektiv olamdagi narsa va
hodisalar haqida obyektiv haqiqiy bilimni egallash jarayonidir. Ilmiy bilish
narsa va hodisalarni izohlash, tushuntirish va bashorat qilish kabi vazifalarni
bajaradi.
Ilmiy bilish esa ana shu hodisalarining mohiyati, sababi, qonun va
qonuniyatlarini ochib berishga yoʻnaltirganligi bilan ajralib turadi. Demakki,
ilmiy bilish borliqdagi predmet va hodisalarning qonuniyatlarini, ularning
mohiyatini bilishdir. Ilmiy bilish, odatda ilmiy tadqiqotlar va ilmiy izlanishlar
olib borish asosida amalga oshadi.
Inson bilishi bilmaslikdan bilishga, aniq boʻlmagan bilishlardan, toʻliq
boʻlmagan, qisman bilishlardan toʻliqroq bilishlarga, oddiy bilishdan
murakkab ilmiy bilishlarga tomon borishidan iboratdir.
Hissiy, mantiqiy, empirik, nazariy, intuitiv bilish darajalari, ularning
oʻziga xosligi va aloqadorligi. Inson bilishida bilishning qanday paydo
boʻlishi jihatidan hissiy, mantiqiy, empirik, nazariy, intuitiv, gʻoyibona bilish
kabi koʻrinishlari ham mavjud.
Hissiy bilish - insonning his qilishi, sezgi a‘zolari orqali predmet va
hodisalarni, ularning tashqi tomonlarini bevosita idrok qilish tushuniladi.
Hissiy bilish inson bilishining dastlabki bosqichi boʻlib, uning
natijasida inson miyasida predmet va hodisalarning belgilari, signallari,
hissiy obrazlari hosil boʻladi.
Hissiy bilish bosqichi: his qilish, sezgi, idrok va tasavvur kabi
shakllarda sodir boʻladi.
His qilish – inson bilishining shunday shakliki, unda kishi oʻz-oʻziga,
atrofdagi narsa-hodisalarga, kishi yoki kishilarga boʻlgan munosabatida
oʻzining muayyan holatga kirishi, muayyan holda boʻlishidir.
Sezgi – hissiy bilishning dastlabki shakllaridan boʻlib, u insonning
borliqni, undagi narsa va hodisani bilishning oʻziga xos koʻrinishidir.
Sezgi va sezgilar insonning sezgi a‘zolariga borliqdagi predmet va
hodisalarning bevosita yoki bilvosita ta‘siri natijasida yuzaga keladigan
hissiy obrazlardir. Sezgilarni hosil qiluvchi bunday sezgi a‘zolari insonda
tashqi va ichki holatlarda joylashgan boʻlib, ular: koʻrish, ta‘m bilish, teri
sezgisi va eshitish sezgi a‘zolaridir, qolganlari ichki sezgi a‘zolari
hisoblanadi. Bu sezgi a‘zolari insonning borliqni bilishida oʻziga xos bir
223
vosita boʻlib, ular orqali predmet va hodisalar haqidagi dastlabki ma‘lumotlar
inson miyasiga qabul qilinadi. Inson bu sezgi a‘zolari orqali borliqdagi
predmet va hodisalarning tashqi belgi va xususiyatlarini bilib oladi.
Biroq his qilish va sezgilar insonning borliqni bilishi uchun hali etarli
emas. Buning uchun inson oʻzining hissiy bilishida his qilish va sezgilar
shakllarida hosil qilgan ma‘lumotlarini toʻplab, umumlashtirib, ularni bir
butun holda in‘ikos ettirishi ham lozim boʻladi. Hissiy bilishning bunday
yangi shakli idrokdir.
Idrok – borliqdagi predmet va hodisalarni yaxlit hissiy obrazidir. U
oʻzida his qilish va sezgilar shakllaridagi obrazlarni jamlab ifoda‘lovchi
xususiyatga ega. Biroq insonning hissiy bilishi idroklar shakllarida yuzaga
kelgan hissiy ma‘lumotlar inson miyasida qayta ishlanib, hissiy bilishning
yangi, yuksak shaklini hosil qiladi. Bu tasavvurdir.
Tasavvur – ilgari idrok etilgan, ammo ayni vaqtda bevosita idrok
etilmayotgan predmet va hodisalarning inson miyasidagi qayta ishlanib,
tiklangan hissiy obrazidir.
Hissiy bilishning tasavvur shaklida predmet va hodisalarning ikkinchi
darajali, muhim boʻlmagan xususiyatlari tashlab yuborilib, faqat ayrim
muhim xususiyatlarigina in‘ikos etgan boʻladi. Shu tufayli tasavvur predmet
va hodisalarni umumlashtirgan, mavhumlashtirgan darajada aniq hissiy
shaklida in‘ikos ettiradi.
Aqliy yoki mantiqiy bilish hissiy bilish bergan ma‘lumotlarga
suyangan holda insonning predmet va hodisalarni ularning eng muhim
tomonlari, mohiyatlarini tafakkur orqali umumlashtirib, mavhumlashtirib va
konkretlashtirib, ularni fikrda ifodalanishidir. Faqatgina aqliy bilishgina
bizga narsa va hodisalarning mohiyatini bilib olish imkoniyatini beradi.
Aqliy bilishda inson tafakkuri borliqdagi predmet va hodisalarning
izchil bogʻlanishlari va aloqadorliklarini, ularning harakat, oʻzgarish va
rivojlanish qonunlarini ma‘lum fikr shakllari —tushuncha, hukm va xulosa
chiqarish kabilarda ifodalaydi.
Tushuncha - predmet va hodisalar, ularning muhim va zaruriy belgi va
xususiyatlarining umumlashtirilgan, mavhumlashtirilgan va ayni choqda
aniqlashtirilgan fikri obrazidir. U bilish jarayonida ma‘lum guruhdagi
narsalarni ba‘zan ma‘lum, umumiy, muhim belgilariga koʻra umumlashgan
holda ajratib aks ettiradi. Umuman olganda, tushuncha abstrakt tafakkur
shakli sifatida ba‘zi narsalarni umumlashtirish va shu narsalar uchun umumiy
boʻlgan belgilar yigʻindisini fikran ajratish natijasidir. Tushuncha muhim
jihatlar va xossalarni aniqlaydi va ularni oʻzida mujassamlashtiradi:
tushuncha mohiyatning fikrda ifodalangan obrazidir. Shuning uchun ham oz
sonli tushunchalar son-sanoqsiz narsalar – xossalar va munosabatlarni
qamrab oladi.
224
Hukm – mantiqiy bilishning shunday fikriy shakliki, unda borliqdagi
muayyan predmet va hodisalar, ular oʻrtasidagi bogʻlanish va aloqadorliklar
haqida tasdiq yoki inkor fikr ifodalanadi. Hukm – fikrning shunday shakliki,
uning yordamida tushunchalarning haqiqatga mosligi tasdiqlanadi yoki inkor
etiladi.
Xulosa chiqarish – mantiqiy bilishning shunday shakliki, unda bir yoki
bir necha hukmlar asosida yangi hukm – yangi fikr hosil boʻladi. Xulosalash
inson mantiqiy bilish bosqichining yuqori shaklidir.
Shunday qilib, insonning bilish jarayoni hissiy bilish shakllari: his
etish, sezgi, idrok va tasavvurlardan boshlanib, aqliy bilish shakllari:
tushuncha. hukm va xulosa chiqarish shakllarida tafakkurda qayta ishlanib,
bilishning «quyi» bosqichidan, «yuqori» bosqichi tomon koʻtarilib boradi.
Hissiy va aqliy bilish, bilish jarayonining bir-biridan ajralmas ikki
bosqichi boʻlib, ularning birining rolini oshirib yuborish va absolyutlashtirish
mumkin emas. Hissiy bilish bergan dalillarsiz aqliy bilishning boʻlishi
mumkin boʻlmaganidek, aqliy bilishsiz narsa va hodisalarning mohiyatini
bilib bulmaydi.
Shuningdek, bilish empirik va nazariy ilmiy bilish darajalariga ham
boʻlinadi. Ilmiy bilishning empirik darajasi kuzatish, eksperiment, oʻlchash,
guruhlarga ajratish, sinflarga boʻlish, ilmiy tasnifga doir amallarni oʻz ichiga
oladi.
Ilmiy bilishning nazariy darajasida gipotezalarni ilgari surish, ilmiy
nazariyni yaratish, qonunlarni ta‘riflash, bir gipoteza va nazariya‘ni
boshqalari bilan taqqoslash, shuningdek, umumlashtirish, tushuntirish va
avvaldan aytish amallari bajariladi.
Ma‘lumki, empirik bilish biluvchi inson – subyektning hissiy
qobiliyatlari bilan chambarchas bogʻlangan boʻladi. Biroq tajribaning vosita
va shakllari hissiy qabullashga nisbatan muayyan avtonomlikda boʻladi.
Masalan, bosimni aniqlovchi asbobning koʻrsatishi qayd qilinsa, bu bilish
amali hali ilmiy dalil boʻla olmaydi. Ilmiy dalil kuzatishlar natijalarini biror
fikr koʻrinishida – ya‘ni «strelka shkala boʻlimlarining 760 mm simob
ustunini koʻrsatayapti», - degandan boshlanadi. Agar nazariy bilish
toʻgʻrisida gapiradigan boʻlsak, bu bilishda bizning hissiy qobiliyatlarimiz
qatnashadi. Buning uchun elementar geometriyadagi teoremalarni isbotlashni
koʻrsatishimiz mumkin, bu erdagi fikrlar geometrik shakllarni uchburchaklar,
kvadratlar, aylanalar va shunga oʻxshash qabullashimizga asoslanadi.
Avva‘lo, bu bilish darajalari oʻzlarining predmetlari boʻyicha
farqlanadi. Izlanuvchi ilmiy bilishning bu ikki darajasida ham ayni bir obyekt
bilan ish koʻradi, biroq obyekt har bir darajada turlicha namoyon boʻladi.
Empirik bosqichda subyekt hodisalarni kuzatish bilan band boʻladi,
hodisalarning munosabatlari – bogʻlanishlarini qayd qiladi. Nazariy darajada
esa kuzatilayotgan hodisalarni yuzaga keltirgan sabablari toʻgʻrisidagi
225
gipotezalar aytiladi. Odatda sabablarni aniqlash oʻrganilayotgan obyektning
mohiyatini ochish bilan bogʻliqdir. Nazariya‘ning vazifasi, jumladan sababni
aniqlagan holda hodisaning tabiatini tushuntirishdir.
Empirik va nazariy ilmiy bilish darajalari bilish vositalari boʻyicha farq
qiladi. Empirik darajada subyekt oʻzi oʻrganayotgan obyekt bilan bevosita
oʻzaro ta‘sirda boʻladi, uni kuzatadi yoki parametrlarini oʻlchaydi. Bunda
bilish vositasi sifatida obyekt toʻgʻrisida ma‘lumot olib beradigan tegishli
asboblar bilan qurollangan holda koʻrish yoki eshitish qobiliyatidan
foydalanish mumkin. Nazariy darajada subyekt bilish obyekti toʻgʻrisida
bilvosita fikrlashi mumkin, ya‘ni bunda u tajribada olingan natijalar asosida
ish koʻradi.
Ilmiy bilish darajalari shuningdek, tushuncha vositalari va tili bilan
ham farq qiladi. Empirik ata‘malar belgilarini sistemalashtirish (tavsiflash)
asosida shakllanadi. Hosil qilingan tushunchalar (ata‘malar) empirik
tavsiflash sistemasini tashkil qiluvchi fikr – da‘volar tarzida tartiblanadi.
Bunday empirik fikrlarni bevosita tekshirish imkoni boʻladi. Masalan,
«dinamometrning strelkasi 100 boʻlinish shkalasini koʻrsatib turipti», – degan
fikr haqiqiy boʻladi, agar oʻsha asbob rostdan ham shkalaning shu boʻlimini
koʻrsatayotgan boʻlsa. Nazariy fikrlarga kelsak, ularning mavqei empirik
fikrlardan anchagina farq qiladi. Nazariya‘ning tushunchalari – ata‘malar
nazariy bilish darajalariga xos vositalari bilan oʻrganiladigan obyektlarning
yuksak abstraksiyalar, ideallashtirishlardir. «Moddiy nuqta», «absolyut qattiq
jism», «ideal gaz» singari ideallashtirilgan tushunchalar yaxshi tanish.
Bunday ideallashtirishlarni oʻz ichiga olgan nazariy fikrlarning ham
haqiqiyligi sinab koʻriladi. Biroq bunday sinov – tekshirishlarda tajribaga
bevosita «chiqish» boʻlmaydi, bunday ularni nazariya ichida ham, empirik
fikrlarni amallarni talab qiladi.
Odatda empirik fikrlar ham nazariy yuklamaga ega boʻlib, nazariyasiz
inson aslida nimani kuzatayotganini va nima uchun eksperiment
oʻtkazayotganini, ya‘ni u nimani izlayotganini, nimani oʻrganayotganini
bilmagan boʻlardi. Masalan, kuzatishlar asosida «jism toʻgʻri chiziqli tekis
harakat qilayapti» deb aytilagan fikr bunday harakatni tasnif qilish mumkin
boʻlgan ideal sxemaga taya‘nishnitalab qiladi, bu oʻz navbatida, klassik
mexanikadagi toʻgʻri chiziqli tekis harakat nazariyasini foydalanishni taqozo
qiladi. Tajriba dalillarining nazariyaga bogʻliqligi ba‘zan goʻyo kuzatishlar
va eksperimentlarning natijalari turli nazariyalar uchun birday boʻlmaydi.
Biroq bunday da‘vo bilan kelishib boʻlmaydi, chunki kuzatishlar va oʻlchash
amallarida ayni bir vosita, asbob, sonli shkalalar va shunga oʻxshashlardan
foydalaniladi. Bundan tashqari, fan tarixi shuni koʻrsatadiki, empirik bilish
natijalari uzoq vaqtgacha oʻzining avtonomligini saqlashi va ma‘lum vaqt
oʻtgandan keyingina nazariy bilishga oʻz ta‘sirini oʻtkazishi mumkin.
Masalan, fransuz fizigi A.Bekkerelning (1896-yilda) kashf etgan uran
226
tuzining tabiiy nur aktivligi fizikaning taraqqiyoti uchun ulkan ahamiyatga
ega boʻldi. Faqat yillar oʻtgandan soʻnggina «radioaktivlik», ya‘ni nur
aktivligi nomini oldi. Bu avval M.Kyuri nazariyasi soʻngra E.Rezerford
nazariyasida tushuntirib berildi. Biologiyadagi buyuk voqealar, angliyalik
olim Robert Guk tomonidan (1668-yilda) hujayraning mavjudligi
aniqlangandan boshlandi. Yillar oʻtgach, M.Shleyden va T.Shvan (1838–
1839 yillar) tomonidan hujayra nazariyasi deb atalgan konsepsiya ilgari
surilib, shakllantirildi.
Intuitiv bilish oʻz tabiatiga koʻra, hech qanday hissiy idroksiz va
mantiqiy muhokamasiz biror bir yangi fikrning birdaniga, kutilmaganda
tugʻilishidir. Ammo intiutiv bilish kishining oldingi tajriba, koʻnikma,
malaka va erishgan bilimlariga asoslangan holda yuzaga kelishini, busiz
intiutiv bilishning boʻlishi mumkin emasligini ham esdan chiqarish kerak
emas.
Inson bilishini turlarga boʻlishda intuitiv bilishdan farkli ravishda
qadimdan gʻoyibona bilish haqida ham turli fikrlar mavjud. Gʻoyibona bilish
inson bilishining shunday turiki, bunda kishi uzoq masofadan turib sodir
boʻlgan yoki sodir boʻladigan hodisa va voqeani bilishi, his qilishi bu hodisa
va voqeaning qanday sodir boʻlishi unga ayon boʻladi.
Lekin shuni aytish kerakki, gʻoyibona bilishning hozircha mexanizmi
fanga ma‘lum emas. Shu sababli koʻpincha gʻoyibona bilishni kishilar
ilohiylashtirib, bunday bilish faqat aziz-avliyolarga, alohida gʻayri tabiiy
xususiyatlarga ega kishilarga xos, deb qarab kelishmoqda.
Inson bilishini yana uning ijtimoiy hodisalari bilan bogʻliqligiga koʻra,
uni mifologik bilish, diniy bilish, falsafiy bilish, badiiy-estetik bilishlarga
ajratish ham mumkin. Ulardan falsafiy bilish fanning falsafiy masalalarining
muhim bir boʻlimini tashkil qiladi. U bilishning umumiy tabiati va
mohiyatini, bilishning subyektiv va obyektiv munosabatini, bilishda
amaliyotning roli kabi masalalarini, bilish jarayonining dialektik harakteri,
bilishda haqiqat muammosi kabi masalalarini oʻz ichiga oladi.
Ong – tafakkur va borliqning birligi. Inson ongi murakkab va serqirra
hodisadir. U toʻgʻridagi tasavvurlar juda xilma-xil boʻlib, ular kishilar bilimi
va hayotiy tajribalarining turli-tumanligi bilan bogʻliq. Ong, uning mohiyati,
mazmuni, namoyon boʻlish jihatlarini tushunishni aksariyat hollarda
kishilarning moddiy anʻanalariga, ularning diniy qarashlari ham belgilaydi.
Ongning tabiati koʻplab ma‘nolarni oʻz ichiga oladi, chunki u eng
umumiylikka, bilvositalikka va predmetli oʻziga xoslikka egadir.
Hozirgi vaqtda fanda ongni tatqiq qilish fanlararo harakterga ega.
Ongning falsafiy tushunchasi psixologiya, lingvistika, semiotika, mantiq,
antropologiya, biologiya, kulturologiya va ularga tutash boʻlgan fanlarda
olingan yangi natijalarni umumlashtiradi. Ong haqidagi bugungi mulohazalar
227
falsafiy
va
ilmiy
argumentlarning
shunday
bogʻlanishlari
bilan
harakterlanadiki, bular chegarasida bu jihatlarni amalda ajratib boʻlmaydi.
Ong tushunchasining shakllanish tarixi bizga uning asosiy sifatlari
haqida mulohaza yuritishimizga imkon beradi. Birinchidan, bu ongning
instrumental (kognitiv va kommunikativ) jihozlanganiga tegishli boʻlib,
ongning turli – tuman til (nutq), tushuncha (mantiqiy) va obrazli – sezgi
vositalari odamlarning kundalik hayotlarini, ularning bilish va kommunikativ
faoliyatlarini ta‘minlaydi. Ongning instrumental vositalari insonning nafaqat
bilim olishi va muomala qilish, balki ularni saqlash, qayta tiklash va
baholashga, tanlashni amalga oshirib, qaror qabul qilishga imkon beradi.
Ongning instrumental vositalari odamlarning ijodiy faoliyatida, uning barcha
koʻrinishlarida namoyon boʻlgani holda nihoyatda sezilarli rol oʻynaydi.
Inson ongli xulqining instrumental harakteri, inson yashash tarzining qolgan
barcha tirik mavjudotlarning yashash tarzidan farq qilishini koʻrsatadi.
Ikkinchidan, ongning sistemaviy sifatlari: bu sifatlarga ongning bir
butun tarzida bogʻlanganligi va uning alohida strukturalari oʻzaro ta‘sirining
muvofiqlanganligidir. Bogʻlanganlik va muvofiqlanganlik sifatlari tufayli
ong turli turdagi jarayonlardan iborat eng murakkab sistema sifatida ishlaydi:
ular fikrlash, hissiy (sezgi, qabullash, tasavvur) va shuningdek, taasurotlar va
intuitsiyadir. Onglash jarayonining kechishi, unga tegishli boʻlgan
strukturalarning resurslari bilan ta‘minlanadi. Ongning har bir strukturasi
boshqa strukturalar bilan oʻzaro ta‘sirlashib, etakchi rol oʻynashi mumkin.
Masalan, emotsional ong yoki hotirlash deb gapiriladigan boʻlsa, bu degani
ongning boshqa strukturalari uning ishida qatnashmayapti degani emas.
Uchinchidan, ongning intensional qobiliyati, bu ongning nimagadir,
kimgadir yoʻnaltirilganligida, yoki nimadir yoki kimdir toʻgʻrisida
boʻlganligida ifodalanadi. Ongning yoʻnalganlik xossasa insonning dunyo
bilan munosabatlarida, insonning tarixiy, ijtimoiy, kulturologik individual –
shaxsiy turli – tuman aspektlarining munosabatlarida namoyon boʻladi.
Ongning
yoʻnalganlik
konkret
hossalaridan
odamlarning
ongning
faoliyatlarining predmeti kim (nima) ekanligi toʻgʻrisida fikrlash mumkin.
Ong yoʻnalganligining «ichiga» yoʻnalganlik va «tashqari»ga yoʻnalganlikni
farqlash lozim. Ong inson borligʻining tashqi dunyosiga, shuningdek, uning
ichki dunyosiga yoʻnalgan boʻlishi mumkin.
Insonning ichki dunyosiga yoʻnalganda uning yoʻnalganligi oʻz- oʻzini
anglashi, na‘zorat qilishi, oʻz-oʻzini tahlil qilish, baholash va oʻz- oʻzini
tartibga keltirish va shunga oʻxshashlarda namoyon boʻladi.
Toʻrtinchidan, ongning epistetik sifati inson ichki dunyosining holatini
ifodalaydi. Ongning epistemik sifatida odatda shubhalanish, ishonch holati,
erk, ishontirish singari holatlar nazarda tutiladi. Ongning bu holatlarining
tabiati turli belgilarning mujassamlanishidan iborat boʻladi. Masalan,
ongning har bir holati oʻzida bilim va boshqa informatsiyalari elementlari
228
emotsiyalarning baxoli – qadriyatli sifatlari, erk xossasi, ongsizlik psixika
elementlarini mujassamlashtirishi, shuningdek, boshqa psixik va jism – tana
omillarining ta‘sirida boʻlishi mumkin. Masalan, biz biror narsada
aybdorligimizni onglasak, qoʻrquv hissini sezamiz, hayajonlanamiz,
oʻzimizning ishonchimizni ifodalaymiz yoki qoniqish lazzatlanish hissini
sezamiz, bunday holatlarning umumiy belgilari ularning onglanganligining,
ishonchlilikning, qanoatlanganlik-ning, yoqimlilikning, qadriyatlilikning va
shunga oʻxshash onglanganlik darajasi bilan belgilanadi.
Ong tushunchasini harakterlashda koʻpincha uning «aql» va «idrok»
degani sinonimlaridan foydalaniladi.
«Aql» soʻzi qadimgi yunon soʻzi «logos»dan kelib chiqadi. Bu soʻzda
«yigʻmoq», «taxlamoq», «tartibga solmoq» soʻzlarining va «gapirmoq»,
«nomlamoq» soʻzlarining ma‘nolari chambarchas bogʻlangan.
«Ob‘ektiv aql» – bu tushuncha olamning aqlli tuzilgani prinsipini
ifodalaydi. Aql obyektiv prinsip sifatida olamni bir butunga birlashtiradi, uni
inson bilish uchun kira oladigan qiladi. «Sub‘ektiv aql» tushunchasi esa
insonning aqliy afzalliklarini bildirib, uning bilishga, onglashga va harakatga
qobiliyatliligini bildiradi. Ob‘ektiv aql tushunchasi bugungi kunda bir
muncha eskirdi, chunki olam oʻzining ratsional tuzilishining soddaligi,
ravsha‘nligi va oʻzlashtiriluchanligi bilan insonni quvontirayotgani yoʻq.
Aksincha, dunyo toʻgʻrisidagi bugungi tasavvur uni murakkab va boshqarib
boʻlmaydigan tashkillanish tarzida namoyon qilmoqda. Dunyo odamga
xotirjamdan koʻra koʻproq qaygʻurish, notinchlik olib kelmoqda. Odamlar
ilgarigidek olamning qandaydir biror atom katastrofasi yoki tabiiy kataklizm
tufayli umuman yoʻq boʻlib ketishini kutgandek qiynalib yashamoqdalar.
Ong haqidagi tasavvurlarning shakllanishida aql (razum) tushunchasi
qatorida idrok (rassudok) tushunchasi muhim rol oʻynaydi. Inson idrok
qobiliyatlarining harakterini tushuntirishda, Dj.Lokk idrokni hissiy tajriba
ma‘lumotlarini kombinatsiya‘lovchi qobiliyat sifatida ta‘riflagan edi.
Sensualizm tarafdorlari aql insonning alohida qobiliyati sifatidagi rolini inkor
qilar edilar. Ratsionalizmga qarama – qarshi oʻlaroq, idrok tushunchasining
sezgilarga bogʻliq boʻlgan qobiliyat deyish bilan chegaralanar edilar. Biroq,
I.Kant aql va idrokning farqini yana qaytadan asoslashga harakat qildi. Unga
koʻra, idrok mantiqning shakllari va qoidalariga muvofiq fikrlaydi. Aql
mulohazalar uchun asoslar beradi va idrokka munosabatida tanqidiy vazifani
bajaradi. Kantga koʻra, idrok va aql insonning turli qobiliyatlaridir: idrok –
predmetlar haqidagi mulohaza qilish qobiliyati, aql esa – mulohaza
hukmlarini tahlil qilish qobiliyatidir. Aqlning vazifalarini koʻrsatar ekan,
I.Kant uni nazariy va amaliy aqllarga boʻldi.
Umuman olganda, ong faqat insongagina xos boʻlgan, miya‘ning til va
nutq yordamida voqelik aksini umumlashtiradigan, maqsadga muvofiq,
konstruktiv va ijodiy namoyon boʻladigan oliy funksiyadir.
229
Bugungi kunda, avvaldagidan ham koʻra, shu narsa oydin boʻlib
qolimoqdaki, jamiyatning hayotiy faoliyati, yashashga qobilligi koʻp jihatdan
uning fuqarolarining sogʻligi va energiyasiga bogʻliqdir. Birinchi tomondan,
jamiyat oʻz fuqarolarining ehtiyojlari har tomonlama rivojlanishi va ularning
qondirilishidan manfaatdor. Ikkinchi tomondan, u ehtiyojlarni iqtisod,
texnika va siyosat imkoniyatlari bilan bogʻlab olib borishga intiladi.
Tananing oʻsishi, shakllanishi, keksa‘yishi va oʻlishi vegetativ sistema
sifatida, aql hukmiga bogʻliq boʻlmagan holda roʻy berishi ravsha‘n. Biroq,
qadim – qadim zamonlardanoq tanani parvarish qilish insonning biror bir
ijtimoiy vazifani bajarish maqsadida amalga oshirib kelinadi. Qul va
hkmdorning, ritsar va kohinning, olim va ishchining tanasi bir – biridan
ancha farq qiladi, bu farq unchalik tashqi emas, balki ichkidir, ya‘ni psixik
reaksiyalar, kechinmalar, oʻz – oʻzini na‘zorat qilish va oʻz – oʻzini
boshqarish jihatidan boʻlgan farqdir. Jismoniy oʻyinlar va raqslar, boʻyalish
va tatuirovka, manera va imolarga oʻrganish, affektlar ustidan na‘zorat –
bularning barchasi tanani, uning ehtiyojlari va intilishlarini boshqarish
usullaridir. Inson sivilizatsiyalari hammavaqt tana sifatlarining shakllanishi
uchun koʻp kuch sarflaganliklarini yoddan chiqarmaslik kerak. Shuning
uchun hozirgi zamon madaniyati va bugungi kunda inson tanasiga e‘tibor
uning ruhiga boʻladigan e‘tibordan kam boʻlmasligi ravsha‘n.
Xususan, ruhning ongsizlik chuqurliklariga qiziqish Z.Freyd va
K.Yungning ishlaridan boshlab shakllandi, soʻng, falsafa, kulturologiya va
boshqa sohalarda rivojlantirildi.
Freydning asosiy gʻoyasi ongsizlikning energetik tabiatiga yoki
energetik potensialiga qaratiladi, buni ratsional foydalanish tahlil va
na‘zoratni talab qiladi. Ongsizlikning xossalarini ifodalab beradigan
tushunchalar sistemasini yaratish zarur. Ongsizlik insonning eng qudratli
psixik energetikasi va informatikasi manba‘lariga kiradi, ularni biz xulq,
muloqot, bilish, baholash, qaror qabul qilish va shunga oʻxshash
motivatsiyalari deb nomlaymiz. Odamning ekstremal hayotiy vaziyatlardagi
xulqi kuzatilsa, uning motivatsiya kompleksida erkin energiya miqdorining
ortishida informatsiya etishmasligi (noaniqligi roʻy bersa) ehtirosi kuchayib,
qanotsizlanish tuygʻusi kuchayib ketishini koʻrish mumkin. Vaziyat
informatsiya nuqtayi – nazaridan ravsha‘nlasha borgan sari energiya‘ning
manfiy qiymatlari pasa‘yadi, taranglanish, zoʻriqish kamayib boradi va
bata‘mom yoʻqoladi. Ongsizlik energetikasida erkin va bogʻlanish
energiyasini farq qilish kerak. Erkin energiya ongsizlik holatining faqat
«lazzatli - nolazzatli» prinsipiga boʻysungan eng harakatchan dinamikasini
ifodalaydi, bu holatlarda biror narsaga ishonch yoki shubha boʻlmaydi. Agar
ongsizlikning erkin energiyasi bevosita razryadkaga intilsa, u holda
bogʻlanish
energiyasining
razryadkaga
harakati
tormazlangan
va
sekinlashgan boʻladi. Ongsizlik bogʻlanish energiyasining holati inson
230
psixikasining ancha katta tashkillanganligi yoki tartiblashganligicha bogʻliq
(shartlangan) boʻladi.
Freydga ta‘limotiga koʻra, boshlangʻich energiya, ruh va tananing
resurslarini ta‘minlanishi – bu hammadan avval energetik jarayon,
rohatlanish – iste‘mol qilish va qoniqishga oʻxshashdir. Ongsizlik
tasavvuridagi syujetlar, fantaziyalarda motivini topgan intilishlar va xohishlar
tarzida assotsiyalanadi. Psixoanaliktiklar (tahlilchilar) psixik reallik tarzidagi
fantaziya‘ning turli darajalarini koʻrsatib oʻtadilar. Bular quyidagilar boʻlishi
mumkin: ratsional (aqliy) aktlar («oʻngdagi tushlar») – insonning uygʻoq
vaqtidagi hikoyalar, bayonlar, dia‘loglar, illyuziyalar); onglanmaydigan
tuygʻular, avvaldan sezishlar, orzular; tushlardagi sublimatsiyalangan
obrazlar; gallyusinatsiyalar, dovdirash, vahimaga tushish va shunga oʻxshash
anomal simptomlar elementlari boʻlgan ehtiros aktlari.
Tasavvurda (taasurotda) istak (xohish) predmeti boʻlgan narsa ongning
ratsional (aqliy), ehtiros yoki erk sferasidan siqib chiqarilishi va ongsizlik
tublarida shakllanib, yo oddiy tushlarda yoki «oʻngidagi tush»da namoyon
boʻlishi mumkin. Freyd tushlarni tahlil qilishni ongsizlik tabiatini bilib
etishning «shohona yoʻli» deb atagan edi. Tush koʻrishlardagi «siljish»,
«quyuqlashish» va «simvollashtirish» mexanizmlari psixika ongsizlanish
tashkillanishining har qanday koʻrinish shakllari uchun harakterlidir.
Siljish va quyuqlashish mexanizmlarining ishlashi fa‘zodagi va
vaqtdagi tutashlik va oʻxshashlikka ega boʻlgan psixik assotsiatsiyalarning
asosida yuzaga keladi. Siljish oʻzi tufayli biror narsaga boʻlgan nuqtayi –
nazarni keskin oʻzgartirib yuborishi, diqqatni (aksentni) asosiy aksentlardan
ikkinchi darajali aksentlarga oʻtkazish, qadriyatlarga qayta baho berishga olib
kelishi mumkin. Tushdagi kognitiv obrazlar ularning tushuncha – oʻxshash
shakllarining sezgi (koʻrish, eshitish va sh.oʻ.) shakllariga siljishi hisobiga
quriladi.
Siljish
quyuqlashishga
yordam
beradi,
quyuqlashish
mexanizmlarining ta‘siri bir necha assotsiativ – obraz zanjirlarining
kesishlarida namoyon boʻladi. Tushdagi obrazlarning quyuqlashishi
ongsizlikning energetik va informatsion oqimlarining yigʻilishini aks ettiradi.
Unda, masalan, real hayot yoʻlining biror uzun va murakkab boʻlagi
toʻgʻrisida bayon qilib berishning «quyqasi» yigʻilgan boʻladi. Siljish va
quyuqlashish mexanizmlari faqat tushdagina ta‘sir koʻrsatib qolmaydi. Freyd,
masalan, quyuqlashish – bu oʻtkir aqllilikning asosiy usullaridan biridir,
uning ta‘siri soʻzlarni talaffuz etish, yozishdagi xatolarda, soʻzlarni eslay
olmaslikda va shunga oʻxshashlarda namoyon boʻladi.
Simvollashtirish deb – ongsizlik intilishlar, xohishlarni reprezentatsiya
qilishning obrazli ifodalanishiga aytiladi. Tush koʻrish obrazi, yoki
simptomining maqsadi harakat va mulohazalarning ochiq ma‘nosi yoki
mazmunini yashiruvchi Shuning uchun mumkin boʻladiki, simvol uni faqat
ifodalabgina
qolmaydi,
balki
oʻrnini ham oladi. Psixoanalizning
231
nazariyotchisi va amaliyotchisi fransuz olimi Jak Lakan (1901-1981)ning
uqtirib oʻtishcha, simvollashtirish ongsizlikning faqat shunday hodisalarini
ifodalaydiki, ularni til va nutq vositalarida tartiblashtirish mumkin boʻlsin.
Shuning uchun ongsizlikning amallari boʻlmish siljish va quyuqlashish
simvollashtirishning xususiy hollari – boʻlishi mumkin: siljish metonimiya
amaliga, ya‘ni predmetni uning qandaydir xossasi bilan almashtirish,
quyuqlashish esa metaforaga, ya‘ni bir predmetni boshqasiga oʻxshatish
amaliga toʻgʻri keladi. Ongsizlik tabiatini bilib olish uchun Lakan «koʻzgu
modeli» dan foydalanadi. Xususan, hayotning dastlabki paytlarida bolaning
oʻzini bilib olish akti tana – hissiy, ongsizlik aktidir. «Kuzgu» unga oʻzini
boshqa odamga qaragandek qarashga imkonini beradi, u oʻzining
«koʻzgu»dagi aksini soʻzlar bilan identifikatsiya qilish elementlarini amalga
oshira boshlagan paytda bilish akti roʻy beradi. Ana shu vaqtdan boshlab
oʻzining ongsizligiga oʻtish boshlanadi. Bolaning ongsizligi «koʻzgu»da aks
etadi, uning yordamida u oʻzini biladi (kashf etadi), va shu bilan oʻz – oʻzini
onglaydi.
Ongsizlik tushunchasi insonlararo munosabatlar dunyosini qarashda
ham qoʻllaniladi. Ongsizlikda sezilishlik, jism – tanalilik, aklliylikning,
taasurot, intuitsiya, extiros, erk xotiraning yashirin, «berkitilgan» sifatlari
mujassamlashgan boʻladi. Ongsizlik ma‘nolarining mumkin boʻlgan
sharxlanishi (interpretatsiyasi) va echilishlari insonga ana shu inson til
yordamida uni oʻzining boshqalar bilan muloqot munosabatlari sohasiga
kiritishning uddasidan chiqqan paytda roʻy beradi. Odamlarning bunday
muloqot modeli bir kishining ikkinchi kishiga munosabatini ongsizlik
funksiyasida aniqlashni koʻzda tutadi.
Muloqot jarayonlarida suhbatdoshning nutqi ongsizlikning koʻzgu
qiymatlari sohasida harakaterlanishi mumkin, uni bilib olish uchun unga
quloq solish kerak. Bunday muloqotda har bir tomon boshqa tomonning
koʻzgusi boʻlib xizmat qiladi, unga har ikki tomon oʻz ongsizliliga
qaragandek qaraydi va uni onglashga harakat qiladi. Bizning ongimiz uchun
ongsizlik sferasidir. Bizning ongimiz oʻzganing ongiga «qarab oladi» va u
bizga xuddi bizning ongsizligimiz tarzida ochiladi. Psixoanaliz nuqtayi –
nazaridan «ongsizlik – onglilik» koʻzga munosabatlar metaforik modeli turli
avlodlarga, turli tarixiy davrlarga, turli madaniyatlarga tegishli turli tillarda
gapirayotgan odamlar muloqotini tahlil qilishda ayniqsa mahsuldordir.
Do'stlaringiz bilan baham: |