O’zbekiston respublikasi oliy va o‘rta maхsus ta’lim vazirligi

Tayyor detal va uzellar ombori, operatsiyalar omborlari
Mexanik yig’uv tsexlarda detallar texnik nazoratdan o`tkazilgandan keyin, mexanik tsex prolyotining oxirida joylashgan oraliq omborxonaga kelibt ushadi.Oraliq omborxona yakuniy ishlov berilgan detallarni to`plash va vaqtinchalik saqlashga xizmat qiladi. Oraliq omborxona tayyor buyumlarni to`xtovsiz (uzilib qolishlarsiz) yig’ilishini va chiqarilishini ta`minlaydi.
Uzellarni dastlabki yig’ish detallar zahirasini kamaytiradi va omborxonaning maydoni kichrayishini ta`minlaydi. Detallar va uzellarni saqlash uchun yig’ish joyi yaqinida omborxona maydonchalari quriladi va mashinalarni yig’ish uchun ularda detallar va uzellar saqlanadi. Ayrim hollarda detallarni komplektlashtirish maxsus komplektlashtirish omborxonalarida amalga oshiriladi. Bu holda oraliq omborxonaning maydoni sezilarli ravishda qisqaradi.
Oraliq omborxonalardagi tayyor detallar zahirasi saqlanish muddatini quyidagicha qilib olinishi kerak:

№	Ishlab chiqarish turi	Kichik va o`rtacha detallar (kun)	Yirik detallar (kun)
1.	Yakkalab ishlab chiqarish	15	6
2.	Kichik seriyali ishlab chiqarish	10	4
3.	Seriyali ishlab chiqarish	7	2
4.	Yirik seriyali ishlab chiqarish	4	1
5.	Ommaviy ishlab chiqarish	2	0,5

Yig’ish o`rinlarida tayyor yig’ilgan qismlarni saqlanishi 1–2 kun bo`lishi kerak.

Oqimli – ommaviy ishlab chiqarishda oraliq omborxona oqimli liniyaning oxirida quriladi, detallar zaxirasi yig’ish jarayonining talabiga ko`ra 0,5-1 kun bo`lishi kerak.
Shuningdek, omborxonada sotib olinadigan va zavodning markaziy omborxonasidan etkazib beriladigan pribor va detallar (yoki yig’ma birliklar) ham quyidagicha saqlanishi kerak:
– seriyalii shlab chiqarishda – 4 kun;
– yirik seriyalida – 20-2,5 kun;
– ommaviyda –1,0-1,5 kun.
Oraliq omborxonaning umumiy maydoni stellajlarni va boshqa qurilmalarni joylashtirish rejasi va detallarni saqlanish muddatiga bog’liq ravishda yo`laklar va o`tish joylarini hisobga olgan holda topiladi.