O’zbekiston respublikasi milliy gvardiyasi harbiy-texnik instituti

 Akbarov Boburjon Qambarali o’g’li
 - Andijon davlat universiteti 

---

433 
sha’nu sharafini yuksaltirish yo’lida fidokorona xizmat qilish, yosh avlodni Vatanga 
muhabbat va sadoqat ruhida tarbiyalash bugungi kunda tom ma’noda shon-sharaf 
ishiga aylanmoqda. 
O’zbekiston Respublikasi Prezidenti Shavkat Mirziyoyev “Professor-
o’qituvchilarning eng muhim vazifasi – yosh avlodga puxta bilim berish, ularni 
jismoniy va ma’naviy yetuk insonlar etib tarbiyalashdan iboratdir”, - deb ta’kidlaydi 
[2. 14]. 
Vatan manfaatlarini himoya qilish – Vatanning ozodligi va mustaqilligi, uning 
xududida yashayotgan xalqning tinchligi va ozodligi, bugungi va kelajak hayotini, 
huquq va manfaatlarini, barcha milliy boyliklarini avaylab-asrash, boyitish va 
qo’riqlash bilan bog’liq barcha maqsad va vazifalarni o’zida ifoda etadi. Vatan va 
uning farzandi bo’lgan insonlarning shaxsiy manfaatlari o’zaro uyg’unlashib ketadi. 
Vatanga muhabbat uning manfaati yo’lida qayg’urish, ajdodlar merosiga sadoqat, 
milliy ma’naviyatdan bahramandlik, bashariyatga hurmat, kelajak oldida 
mas’uliyatlik tuyg’ularini tarbiyalaydi. Haqiqiy vatanparvar insonlar o’z 
manfaatlarini Vatanning taqdiridan, millati, halqining milliy qadriyatlaridan, orzu-
istaklaridan ayri holda tasuvvur qila olmaydi. Mamlakatimizda o’z mustaqil fikriga 
ega bo’lgan, haq-huquqlarini yaxshi taniydigan, o’z kuchi va aqliga ishonib 
yashaydigan, shaxsiy manfaati bilan Vatan manfaatini uyg’un qo’ra oladigan shaxs 
ma’naviyatini qaror toptirish masalasiga katta e’tibor berilmoqda.
Mamlakatimiz yoshlarini milliy g’oya va Vatanga sadoqat ruhida tarbiyalash, 
ularning qalbi va ongiga Vatan himoyasi sharafli va muqaddas burch ekanini chuqur 
singdirish, o’zini jonajon yurtimizning fidoyi insoni deb bilgan har bir fuqaro uchun 
muqaddas burch hisoblanadi. 
Vatanparvarlik tushunchasi - o’z Vatanining ozodligi va obodligi, uning 
sarhadlari dahlsizligi, mustaqilligining himoyasi yo’lida fidoyilik ko’rsatib yashash, 
ona xalqining or-nomusi, shon-sharafi, baxtu saodati uchun kuch-g’ayrati, bilim va 
tajribasi, butun hayotini baxsh etishdek dunyodagi eng muqaddas va olijanob 
faoliyatni anglatadi. Vatan manfaati, qadr-qimmati, taqdiri, istiqboli, ona yurtga 
muhabbat tuyg’usi qancha chuqur anglansa, vatanparvarlik tuyg’usi shuncha yuksak 

---

434 
bo’ladi. Haqiqiy vatanparvarlik Vatanga, ona zaminga, o’z xalqiga muhabbat bilan 
yashash, uning istiqboli, manfaatlari yo’lida tinimsiz mehnat qilish hamda kurashish 
zarurati tug’ilganda jonini fido qiishni nazarda tutadi. Har jabhada Vatanimiz 
erishayotgan muvaffaqiyatlardan quvonish, og’ir kunlarida uning uchun qayg’urish, 
o’z yurti bilan g’ururlanish, uning har bir qarich yeri, har bir g’ishti va giyohiga, 
qadimiy va zamonaviy obidalari, ilm-fan va san’atdagi yutuqlarini, moddiy va 
ma’naviy boyliklarini ko’z qorachig’idek asrab-avaylash – bularning barchasi 
vatanparvarlikdir. Hozirgi paytda yoshlarimizda vatanparvarlik tuyg’usini kamol 
toptirish, ularni Vatanga muhabbat va sadoqat ruhida tarbiyalash muhim ahamiyatga 
ega. Inson o’z yurtini qanday bo’lsa shundayligicha sevishi, uning rivoji uchun bor 
imkoniyatlarini ishga solishi lozim [4, 104-105]. 
Xalqimizning o’tmish tarixi va madaniyati, jonajon Vatanimizning mustaqilligi 
va ravnaqi yo’lida fidokorona kurashgan milliy qahramonlarimiz bilan faxrlanish, 
ularga munosib bo’lish tuyg’usini shakllantirish, milliy armiyamizning qudrati va 
salohiyatiga bo’lgan ishonchni kuchaytirish, shuningdek, milliy armiyamiz - 
mustaqilligimiz, tinch va osoyishta hayotimizning mustahkam kafolati ekanligini 
yoshlarga uqdirib borish ta’lim-tarbiya jarayonidagi muhim vazifalardan biri 
hisoblanadi.