41
Hozirgi kunga kelib O’zbekiston Respublikasi Qurolli Kuchlarida xizmat
qilishlik har bir yigitning vazifasi shon-sharafiga aylanmoqda. Mamlakatimizning
Birinchi Prezidenti I.Karimovning tashabbuslari va sayi-harakatlari bilan mustaqil
davlatimizning Mudofaa tizimi tubdan o’zgartirildi, Respublika
hududidagi barcha
harbiy qismlar Mustaqil O’zbekiston Respublikasi tasarrufiga o’tkazildi. Shundan
so’ng, Vatan uchun xizmatga otlangan yigitlarimiz o’z xizmatlarini O’zbekistonda
Respublikasi hududida o’taydigan bo’ldi. Bu esa harbiy xizmatchining maqsadli
tarzda o’z Vataniga to’la-to’kis xizmatni olib borish imkonini beradi.
Darhaqiqat, mustaqillik yillarda milliy armiyamiz yurtimiz yoshlari uchun
haqiqiy hayot maktabiga aylandi, shu bilan birga yillar davomida yoshlarning
muddatli harbiy xizmatni o’tash tizimi takomillashtirildi,
harbiy xizmatchilar va
ularning oilalarini ijtimoiy himoya qilish, armiyamizni zamonaviy texnika, qurol-
aslahalar bilan ta’minlash, Vatanimiz himoyachilarini ma’naviy rag’batlantirishga
alohida e’tibor qaratilib kelinmoqda.
Xususan, O’zbekiston Respublikasi Vazirlar Mahkamasi tomonidan 1994 yil 3-
oktyabrda “Muddatli harbiy xizmatchilarga va ularning oila a’zolariga qo’shimcha
imtiyozlar berish to’g’risida”gi 496-sonli Qarori, 2003 yil 22-maydagi “O’zbekiston
Respublikasi Qurolli Kuchlarining oddiy askarlar va serjantlar tarkibida muddatli
harbiy xizmatni o’tayotgan harbiy xizmatchilarga qo’shimcha imtiyozlar berish
to’g’risida”gi 227-sonli Qarori hamda O’zbekiston Respublikasi Birinchi
Prezidentining 2005 yil 31-oktyabrdagi “O’zbekiston Respublikasi
Qurolli Kuchlari
safida muddatli harbiy xizmatni o’tayotgan harbiy xizmatchilarga beriladigan
imtiyozlar tizimini yanada takomillashtirish chora-tadbirlari to’g’risida”gi Qarorlari
qabul qilinib, muddatli harbiy xizmatchilar, serjantlar, ofitserlar va ularning oila
a’zolari uchun keng imtiyozlar va imkoniyatlar joriy qilingan.
Hozirgi kunda armiyamiz saflarida xizmat qilayotgan yoshlar uchun har
tomonlama qulay
va shinam dam olish xonalari, oshxona va ularning ma’daniy
hordiq chiqarishlari uchun kutubxonalar ham tashkil qilingan. Harbiy xizmatchilarni
chuqur bilimga va ko’nikmaga ega bo’lishlari maqsadida ularga muntazam ravishda
ma’naviyat-ma’rifat
mashg’ulotlari
hamda
harbiy
jangovor
tayyorgarlik
42
mashg’ulotlari o’tkazib borilmoqda. Ularga axborot texnologiyalarini o’rgatish va
qurollar bilan muomalada bo’lishning nazariy ko’nikmalarini shakllantirish
maqsadida harbiy qismlarda elektron tirlar tashkil qilingan. Bundan tashqari, harbiy
xizmatchilarni jismonan baquvvat qilib tarbiyalash va har tomonlama chiniqtirish
uchun sport trenajorlari ham tashkil etilgan bo’lib, unda harbiy xizmatchilar bo’sh
vaqtlarida shug’ullanishlari yo’lga qo’yilgan. Umuman olganda, bugungi armiya
yoshlarni vatanparvarlik
ruhida tarbiyalash, ularda Vatanga muhabbat, sadoqat
tuyg’ularini shakllantirishda asosiy maktab vazifasini o’tamoqda.
Prezidentimiz Shavkat Mirziyoyev rahnamoligida yoshlarni vatanparvarlik
ruhida tarbiyalash, ularning har tomonlama barkamol ulg’ayishiga alohida e’tibor
qaratib kelinmoqda. Shu ma’noda ta’lim muassasalarida vatanparvarlik tarbiyasi
yo’nalishidagi fanlar, mashg’ulotlar joriy etilmoqda. Harbiy ta’lim yo’nalishidagi
litsey va kollejlar faoliyati takomillashmoqda. Xususan Prezidentimizning 2017 yil 5
iyundagi “Yoshlarga oid davlat siyosati samaradorligini oshirish va O’zbekiston
yoshlar ittifoqi faoliyatini qo’llab quvvatlash to’g’risida”gi Farmoniga muvofiq
yoshlarga buyuk bobokalonlarimizga bo’lgan chuqur
hurmat va izdoshlik hissini
singdirish maqsadida Respublikamizda faoliyat ko’rsatayotgan harbiy akademik
litseylar soni ko’paytirilib, ularga “Temurbeklar maktabi” nomi berildi.
Ushbu qaror doirasida Respublika Qurolli Kuchlar tizimidagi barcha harbiy
tizimlarda O’zbekiston Yoshlar ittifoqining boshlang’ich tashkilotlari ta’sis etildi. Bu
esa Qurolli Kuchlar tizimidagi barcha yosh harbiy xizmatchilarga O’zbekiston
Yoshlar ittifoqi tomonidan yoshlar orzu istaklarini amalga oshirishga va ularni
huquqlarini himoya qilishga qaratilgan keng ko’lamli imtiyozlardan foydalanish
huquqini berdi.
Bundan tashqari O’zbekiston Respublikasi Prezidentining “O’zbekiston
Respublikasi Qurolli Kuchlari tashkil etilganining 27 yilligi va Vatan himoyachilari
kunini nishonlashga tayyorgarlik ko’rish va o’tkazish chora-tadbirlari to’g’risida”
2018 yil 13 dekabrdagi F-5413-sonli farmoyishi muvofiq barcha Oliy harbiy ta’lim
muassasalari va harbiy qismlar, umuman olganda Qurolli Kuchlar tarkibiga kiruvchi
shaxsiy tarkibni vatanparvarlik ruhida tarbiyalash, ularda
Vatan taqdiriga daxldorlik
43
tuyg’usini yuksaltirish maqsadida “Vatan muqaddas, uni himoya qilish sharafli
burchdir!” shiori ostida “Vatanparvarlik oyligi” o’tkazilmoqda.
Bu kabi tadbirlar esa yoshlarda harbiy xizmatga, Vatan himoyasi uchun shay
turishga bo’lgan intilishlariga yanada shijoat ko’rsatishlari va o’zlarining bor kuch-
g’ayratlarini ishga solishlariga xizmat qiladi.
Xulosa o’rnida shuni aytishimiz mumkinki,
bugungi kun harbiy
xizmatchilariga berilayotgan imkoniyatlardan to’g’ri foydalanishi, yaxshi bilim olishi
va kelgusida Vatan manfaatlarini munosib himoya qila oladigan yetuk ofitserlar
bo’lib yetishmog’i darkor.
Do'stlaringiz bilan baham: 
