O’zbekiston respublikasi milliy gvardiyasi harbiy-texnik instituti

VATANPARVAR YOSHLAR – KELAJAK TARAQQIYOTI
89

Qadim va navqiron kelajak egasi bo’lmish mustaqil diyorimiz haqida qancha 

so’z yuritsak shuncha ozdir. Buyuk ajdodlarimiz, ulug’ siymolarimiz qalam 
tebratgan, butun olamni zabt etgan ulug’ yurtdir bu. Biz yoshlar esa ularga munosib 
voris bo’lmog’imiz lozimdir. Nazarimda vorislik shunchaki so’z bilan emas, balki 
amalda o’z harakat va intilishlarimiz orqali namoyon bo’lishi maqsadga muvofiqdir. 
2018 
yil 
yakunida 
Prezident 
Sh.Mirziyoyev 
Oliy Majlisga yo’llagan 
murojaatnomasida ham bu to’g’risida atroflicha so’z yuritib o’tganliklari bevosita 
qalbimizda samimiy faxr tuyg’usini uyg’otdi. “Faqat ma’rifat insonni kamolga, 
jamiyatni taraqqiyotga yetaklaydi. Shu sababli, ta’lim sohasidagi davlat siyosati 
uzluksiz ta’lim tizimi printsipiga asoslanishi, ya’ni, ta’lim bog’chadan boshlanishi va 
butun umr davom etishi lozim” [1,18-b] – deya fikr bildirdilar.
Bugungi globallashuv jarayonida, yod g’oyalar ta’siri bo’layotgan tahlikali 
zamonda yoshlarning ma’naviy va madaniy salohiyatini mustahkamlash hamda 
bosqichma-bosqich oshirib borish dolzarb muammolardan biri sanaladi. Albatta, bu 
yo’lda ularga jonkuyar ustozlaridan olgan bilimlari ko’makchi vazifasini o’tashi 
tabiiy. Bizlarni vatanparvarlik, insonparvarlik, o’z xalqqa hurmat, mehr-oqibatli qilib 
voyaga etishimizda ta’limning o’rni beqiyosdir. Birinchi Prezidentimiz I.Karimov 
o’zlarining “Yuksak ma’naviyat - yengilmas kuch” asarlarida “Ta’limni tarbiyadan, 
89
Burxonov Sherzodbek Muhammadbobir o’g’li – 
O’zbekiston milliy universiteti

---

325 
tarbiyani esa ta’limdan ajratib bo’lmaydi - bu Sharqona qarash, Sharqona hayot 
falsafasi” [2, 62-b. ] deya bayon etganliklari orqali ta’lim bilan bir qatorda 
tarbiyalanishimizning o’rni katta ekanligini anglaymiz.
Har ishda uzviylik va mutanosiblik taraqqiyot garovidir. Ushbu taraqqiyotni 
ta’minlashda asosiy tirgak vazifasini biz yoshlar sidqidildan bajarishimiz talab etiladi. 
Ta’lim olish davomida har bir o’zbek farzandi ona zamin, obod yurt, farovon hayot, 
erkinlik va dahlsizlik kabi tushunchalarning shunchaki ma’nosini emas, tub negizini, 
asosini bilmog’imiz lozim. Vatanparvar bo’lish uchun inson eng avvalo o’z tarixini, 
millatini, xalqini, buyuk ajdodlari qoldirgan ulkan merosni bilishi va shu asosida 
jamiyatdagi fuqarolik vazifasini sidqidildan ado etishi zarurdir. 
Bu ishlarga hamohang tarzda insonparvarlik tamoyilining ham bo’lishini ijobiy 
hodisa sifatida qabul qilishimiz mumkin. “Insonparvarlik-insonning yuksak ijtimoiy 
vazifasini belgilaydigan va barqaror etadigan g’oyalar, qarashlar va e’tiqodlar 
majmui, shaxs erki, qadr-qimmati, uning baxtli bo’lish huquqini talab etish 
imkonining mavjudligiga yengilmas ishonchdir” [3, 267-b]. Bu ishonch tuyg’usini 
yoshlar qalbida bolalikdan uzluksiz ta’lim va tarbiya orqali, amaliy tarzda bevosita 
xarbiy ofitserlar bilan birgalikda, ilmiy yondashuv hamda zamonaviy axborot-
kommunikatsiya texnologiyalarini to’g’ridan-to’g’ri uzluksiz ta’lim tizimiga joriy 
etish vatanimizning ertangi baxt-u iqbolini belgilab beradi. 
Xulosa o’rnida ta’kidlashimiz joizki, Vatanimizning kelajagi biz yoshlarning 
qo’lida bo’lib, tinmay izlanish va a’lo o’qish orqali o’z kasbimizning yetuk 
mutaxassisi bo’lib etishishimiz albattaki taraqqiyotgan katta hissa qo’shadi. Buni esa 
qalban his etish har birimizning Vatan oldidagi sharafli burchidir.