O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

O’rgatishning motivlilik tamoyili. Motiv faoliyatning barcha turlarida mavjud. Pedagogik yo’nalishda nafaqat shug’ullanuvchilar motivatsiyasining mavjud rivojlanish darajasini hisobga olish, balki uni rivojlantirish vazifasini ham yechish talab qilinadi. Bu yo’nalishda murabbiy faoliyatini tartibga soluvchi tamoyil motivlilik tamoyili hisoblanadi. Motivlilik tamoyili murabbiyni nafaqat nimanidir shakllantirish va buning uchun nimadir qilishni, balki qanday qilib zaruriy natijaga erishish va shug’ullanuvchilar faol o’rgatish faoliyanini qanday qilib qo’zg’atishga yo’naltiradi.
Shug’ullanuvchining o’rgatish jarayoniga munosabati, unga qiziqishi, eshkak eshish sporti bilan shug’ullanish istagi sportchi shaxsining motivlarida aks etadi. Eshkak eshish sportida bilim, ko’nikma va malakalarni egallash ijodiy xarakterga ega. Shu bilan birga sportchini o’rgatish jarayonidagi munosabatiga va uning samaradorligiga bog’liq.
Nazorat savollari

1. 
   O’rgatish tamoyillari deganda nimani tushunasiz?
   
2. 
   Yoshlarni milliy istiqlog g’oyasi ruhida tarbiyalash tamoyili haqida nimani bilasiz?
   
3. 
   Ilmiylik tamoyili haqida nimani bilasiz?
   
4. 
   Tizimlilik tamoyili haqida nimani bilasiz?
   
5. 
   Aniqlilik tamoyili haqida nimani bilasiz?
   
6. 
   Onglilik va ijodiy faollik tamoyili haqida nimani bilasiz?
   
7. 
   Ko’rgazmalilik tamoyili haqida nimani bilasiz?
   
8. 
   O’rgatish natijalarining qat`iylik tamoyili haqida nimani bilasiz?
   
9. 
   O’rgatishning motivlilik tamoyili haqida nimani bilasiz?
   

12-mavzu. O’rgatish bosqichlari
Eshkak eshish sportida o’rgatish jarayonini shartli ravishda 4 ta mustaqil, lekin bir-biriga bog’liq bosqichga bo’lish mumkin. Har bir bosqich o’zining maqsad va vazifalariga, o’rgatish vositasi va uslublariga ega.
Har bitta bosqichda suzish, akrobatika, gimnastika, yengil atletika, chang’i sporti, harakatli va sport o’yinlari vositasida jismoniy sifatlarni rivojlantirishga katta ahamiyat beriladi. “Alpomish” va “Barchinoy” maxsus testlaridan keng foydalaniladi.