O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Ikkinchi bosqich. Asosiy maqsad: ixtisoslikni tanlash, eshkak eshish sportining tanlangan turi qayig’ida harakat ko’nikmalarining barqarorligi va harakatlarni bajarishning muqumligiga erishish, jismoniy rivojlanishning takomillashishi.
Vazifalar: 1. Eshishning harakat tuzilishini mustahkamlash. 2. O’ziga xos muskul sezgilarini shakllantirishni boshlash. 3. Qayiqni boshqarish bilimlarini takomillishtirishni davom ettirish..4. Qayiq barqarorligini saqlash ko’nikmasini mustahkamlash. 5. Harakat tempi va ritmini egallash.
Bosqichning asosiy xususiyati mutaxassislikni tanlash hisoblanadi. Eshkak eshuvchi asosiy sport turi bo’yicha harakat bilimlarining katta zahirasiga, aniq muskul harakat sezgisiga ega bo’ladi, eshkak eshish sportining boshqa turlari qayiqlarida yaxlit xolda eshishni bajarishga qodir bo’ladi.
Mazkur bosqichda eshkak eshish sportining tanlangan turida xarakat bilim va ko’nikmalarini takomillashtirishga, harakat ko’nikmalarini aniq shakllanishi va harakatlarda muqimlikni oshirishga, har xil chalg’ituvchi omillarga qarshi turishga eъtiborni qaratish zarur.
Maxsus muskul sezgilarining (suvni, eshkakni, qayiqni, harakat tempi va ritmini his kilish) kompleks rivojlanishiga va kelgusida harakat koordinasiyasini takomillashtirishga katta ahamiyat beriladi. Birinchi bosqichda eshkak eshish asosan, qo’l muskullarini hisobiga amalga oshirilgan bo’lsa , bu bosqichda eshishni bajarish uchun tana vazni xam faol qo’shiladi. Eshish tuzilishining dinamik va koordinatsion shakllanishiga diqqatni qaratiladi.
O’rgatish uslubiyati asosida yaxlit o’rgatish uslubi yotadi. Eshkak eshuvchining ayrim xarakatlari eshishni yaxlit bajarish ko’rinishida aniqlanadi va mustahkamlanadi. Eshkak eshuvchining umumiy harakat tuzilishini buzmasdan vazifani bajarishi muhimdir.
Agar eshkak eshuvchi past jadallikda ishlash jarayonida yaxlit holda harakat tuzilishini tug’ri bajarsa, qayiqda muvozanatni yaxshi saqlasa ikkinchi o’rgatish bosqichini yakunlash sifatida qarasa bo’ladi.