O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Akademik eshkak eshishda eshish elementlarini o’rgatish. Suvni ilish (olib o’tishning boshlanishi). Suvni ilish yaxlit harakatning qismi sifatida bajariladi.
Suvni ilishni o’rgatishda quyidagi mashqlar qo’llaniladi:

1. 
   Qayiq harakatisiz eshkak eshish. Eshkak yuzasi harakatlari suv ustida, olib o’tish suvda. Eshkak yuzasi yoy bo’yicha harakatlanishiga e`tibor bering.
   
2. 
   Qayiq harakatisiz eshkak eshish. Eshkakni yoy bo’yicha tepadan pastga harakatlantirib, suv sachrashi asos tomonga ketadigan qilib eshkak yuzasi bilan suvga zarba beradi.
   
3. 
   Qayiq harakatisiz eshkak eshish. Eshkak yuzasini yoy bo’ylab tepadan pastga harakatlantirib suvga sekin tekkiziladi va tezlikni o’zgartirmasdan eshkak yuzasining suvda harakatini cho’zish. Bu mashqni bajarishda eshkak yuzasi havoda va suvda teng harakatlanishiga e`tibor berish kerak. 1-3 mashqlarni harakat erkinligiga erishib 8-10 marta takrorlanadi.
   
4. 
   Bir nechta yangi shug’ullanuvchilar qayiqni ushlab turadi, boshqalar esa mashqni bajaradi: o’rindiqqa o’tirib oldinga harakatlanadi. Yelkalar erkin tushirilgan. Eshkak ushlagichini tizzadan pastda o’rnatiladi. Eshkak yuzasi pastdan yuqoriga harakatlantiriladi. Eshkak ushlagichi pastki holatda bo’lgan vaqtda oyoqlar oyoq tiragichga tayanib yozila boshlaydi. Qo’llar yoy bo’ylab yuqoriga harakatini davom ettiradi va eshkak yuzasini suvga tushiradi. Gavda to’g’irlanib, eshkak ushlagichi harakat yo’nalishini o’zgartirib qo’llar tortiladi.
   

Ushbu mashq olib o’tishning boshlanishini o’rgatishda qo’llaniladigan mashqlardan bittasidir.
Olib o’tishning oxirini o’rgatishda quyidagi mashqlar qo’llaniladi:
Qayiq harakatisiz eshkak eshish – asosiy mashqlardan biridir. Bu shug’ullanuvchi eshishni bajarishda gavdaning siltama harakatiga diqqatni qaratsa samarali hisoblanadi. Mashqni shug’ullanuvchining eshish oxiri texnikasini egallash darajasiga qarab har bir mashg’ulotga kiritish lozim. Eshkak ushlagichi qo’llarni ortga tashlab gavdaga tomon o’tkaziladi va tirsakni qisish yordamida yoy bo’yicha pastga-oldinga tizza tomonga qaytariladi. Eshkak eshuvchining diqqati tirsaklarning ortga o’tkazilishi va eshkak ushlagichining gavda tomonga bir xil harakatiga qaratiladi.
Shuni esdan chiqarmaslik kerakki, olib o’tishda qo’llar bukilmaydi, tirsak ortga tortiladi. Qo’llarning bunday harakati orqa muskullarining ishga tushishini talab qiladi.
Bu masqni bajarishda eshkak ushlagichining to’xtovsiz harakatiga erishish lozim.