O’zbekiston respublikasi adliya vazirligi toshkent davlat yuridik instituti

Ijtimoiy sohada 
- onalik va bolalikni himoya qilish, kam ta’minlangan fuqarolarga 
ijtimoiy yordam ko’rsatish, nafaqa bilan ta’minlash to’g’risida va boshqa qonunlar. 
Bu qonunlar hayot, amaliyot bilan bog’liq bo’lib, kishilar o’rtasidagi turli ijtimoiy 
munosabatlarni tartibga solib, ularda qonunga bo’ysunish bozor munosabatlariga o’tishning 
barcha amal qiladigan qoidalaridan biri etib belgilangan. 
Qonuniylik 
- barcha davlat organlari, jamoat birlashmalari, mansabdor hamda 
yuridik shaxslar va fuqarolar tomonidan amaldagi qonunlar va normativ-huquqiy 
hujjatlarning aniq va ogashmay bajarilishidir. 
Qonuniylikning asosiy vazifasi 
- mamlakatning ijtimoiy va davlat tuzumini 
mustahkamlash, bozor iqtisodiyotiga o’tish uchun mulkning turli shakllariga yo’l ochish va 
ularni qo’riqlash, fuqarolarning huquq, erkinliklari va burchlarini mustahkamlashdir. 
Jamiyatda qonuniylik ikki xil ma’noda - 
keng va tor ma’nolarda ishlatiladi. 
Keng ma’noda - bajarilishi talab qilinadigan barcha qonun-qoidalar tushuniladi. Bularga 
davlat tomonidan chiqarilgan konstitutsiyaviy va boshqa amalda-ga qonunlar, barcha 
normativ-huquqiy hujjatlar kiradi. Tor ma’noda olganda qonuniylik davlat organlarining 
faoliyatida qonunlarga va boshqa normativ-huquqiy hujjatlarga amal qilishini ko’zda tutadi. 
Chunki, O’zbekistonda barcha davlat organlari, mansabdor hamda yuridik shaxslar, jamoat 
birlashmalari, fuqarolar Konstitutsiya va qonunlarga asosan ish ko’rishi lozimligi Asosiy 
qonunda belgilangan. 
Qonuniylik huquqiy targibot bilan uzviy bog’liq bo’lib, u orqali amalga oshiriladi. 
Huquqiy tartibot jamoat tartibining bir qismi bo’lib, faqat huquqiy normalarning amalga 
oshirilishi natijasida paydo bo’lib, kishilar o’rtasidagi turli ijtimoiy munosabatlarni huquqiy 
vositalar orqali tartibga soladi. Jamiyatdaga ijtimoiy munosabatlar huquqiy tartibot orqali 
paydo bo’ladigan huquqiy munosabatlardan kengroq bo’lib, ularga axloq, urf-odatlar va 
boshqa turmush qoidalarining amalga oshirilishi natijasida paydo bo’ladigan ijtimoiy 
munosabatlar kiradi. Kishilar o’rtasidagi yoki fuqarolar bilan davlat organlari o’rtasidagi 
munosabatlar huquqiy tartibot, ya’ni huquqiy normalar orqali amalga oshirilib, qonuniylik 
mustahkamlanadi. Qonuniylikning o’ziga xos xususiyatlari uning quyidagi tamoyillarida 
ifodalanadi.