O’zbekiston respublikasi adliya vazirligi toshkent davlat yuridik instituti

Hukumatning qaror va farmoyishlari 
O’zbekiston Konstitutsiyasining 98-

---

140 
moddasiga binoan, Respublika Hukumati - O’zbekiston Respublikasining Vazirlar 
Mahkamasi amaldagi qonunlarga muvofiq mamlakatning butun hududida barcha organlar, 
korxonalar, muassasalar, tashkilotlar, mansabdor shaxslar va fuqarolar tomonidan 
bajarilishi majburiy bo’lgan qarorlar qabul qiladi va farmoyishlar chiqaradi. Vazirlar 
Mahkamasi iqtisodiyotning, ijtimoiy va ma’naviy sohaning samarali faoliyatiga rahbarlikni 
ta’minlash maqsadida qonunlar, Oliy Majlisning boshqa qarorlari, O’zbekiston 
Prezidentining Farmonlari, qarorlari va faroyishlari ijrosini ta’minlaydi. 
Vazirlar Mahkamasining qarorlari normativ-huquqiy xaraktyerga ega bo’lib, ular 
iqtisodiyot, ijtimoiy-madaniy va boshqa ijroiya idoralari faoliyatini boshqarishga 
yo’naltirilgandir. Hukumat qarorlari va farmoyishlari qonunga yoki Prezident Farmoniga zid 
kelib qolsa, qonun yoki farmon amal qiladi. Hukumatning bunday qarori bekor qilinishi 
shart bo’ladi. 
Vazirlar Mahkamasining qaror va farmoyishlari faqat unga Konstitutsiya va qonun 
bilan belgilab berilgan vakolat doirasidagina chiqarilishi mumkin. Prezidentlik hokimiyati 
qaror topginidan buyon, aksariyat hollarda, Farmonlarda Hukumatga topshiriqlar 
ifodalanib, unga tegishli qaror qabul qilish vazifasi yuklatiladi. Masalan, O’zbekiston 
Respublikasi Prezidentining 1993 yil 3 apreldagi «O’zbekiston go’sht va sut sanoati davlat 
aksionyerlik uyushmasi («O’zgo’shtsutsanoat»)ni tashkil qilish to’g’risida»gi Farmonida 
Vazirlar Mahkamasiga ikki hafta muddat ichida «O’zgo’shtsutsanoat» uyushmasini tashkil 
qilish va uning faoliyatiga oid qarorni qabul qilib, tuzilmasi va Ustavini tasdiqlash vazifasi 
topshirildi
4
. 1993 yil 6 aprel kuni Vazirlar Mahkamasi o’zining «O’zbekiston go’sht va sut 
sanoati davlat aksionyerlik uyushmasi («O’zgo’shtsutsanoat»)ni tashkil qilish va uning 
faoliyati masalalari to’g’risida»gi 172-son qarorini qabul qildi
5
. 
Prezidentning 1993 yil 2 iyun Farmoni bilan Vazirlar Mahkamasiga 20 kunlik muddat 
ichida «O’zfarmsanoat» (tibbiy dori-darmon ishlab chiqarish sanoati) koniyernini tashkil 
etish va uning faoliyati masalalariga doir qaror qabul qilish, konsyern tuzilmasi va Ustavini 
tasdiqlash vazifasi topshirildi
6
. Vazirlar Mahkamasi o’sha yil 17 iyunda «O’zbek 
farmatsevtika sanoati davlat aksionyerlik konsyernini tashkil etish va faoliyati masalalari 
to’g’risida»gi 290-son qarorni qabul qildi
7
. Qarorda «O’zfarmsanoat» konsyerniga bir oylik 
muddat ichida uning Ustavini hukumat tasdig’iga kiritish vazifasi topshirildi. (Farmondagi 
20 kunlik muddat Ustavni tasdiqlashga ham taalluqli edi). 
4)