O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Mavzu boʻyicha xulosalar

Mazkur mavzuni oʻrganishda o‘quvchilar ishni sudga qadar yuritishning umumiy shartlariga doir masalalarning jinoyatda va tarmoq qonun hujjatlarida mustahkamlanishiga oid masalalarni koʻrib chiqishlari; qiyosiy-huquqiy tahlil oʻtkazib, jinoyat haqidagi ariza va xabarlar yuzasidan tergovga qadar tekshiruv oʻtkazish, jinoyat ishlari boʻyicha surishtiruv va dastlabki tergovni amalga oshirish boʻyicha tergovga qadar tekshiruv organi mansabdor shaxsi, surishtiruvchi, tergovchi, prokurorning vazifalarini anglab olishlari lozim.

Muammoli savollar va kazuslar

1. Ishni sudga qadar yuritishning umumiy shartlarining mohiyati va ahamiyati nimada?
2. Ishni sudga qadar yuritishning shakllari?
3. Jinoyatlar haqida ariza yoki xabar yuzasidan tergovga qadar tekshiruv oʻtkazish asoslari va tartibiak?
4. Qaysi organlar tergovga qadar tekshiruv oʻtkazishga vakolatli?


Kazus
Uchtepa tuman IIB TB tergovchi J.Boʻriyev 2015-yil 27-may kuni noma’lum shaxs tomonidan yozilgan imzosiz xatni oladi. Mazkur xatda 17-sonli umumtaʻlim oʻrta maktab direktori V.Javlieva qatnashilmagan dars mashgʻulotlarini qatnashdi deb hisoblash uchun har bir oʻquvchidan 200 AQSh dollari miqdorida pora olganligi xabarda oʻz aksini topgan edi.
Bundan tashqari, xabarda maktab direktori va buxgalter tomonidan oʻzlashtirish yoki rastrata yoʻli bilan talon-taroj qilish jinoyatini ham sodir qilganligi haqida ma’lumot ham boʻlgan.
Shu sababli tergovchi B.Boʻriyev arizani “Jismoniy va yuridik shaxslarning murojaatlari toʻgʻrisida”gi Qonunda nazarda tutilgan muddatda koʻrib chiqqan holda Oʻzbekiston Respublikasi JPKning 322-moddasi 1-qismi 4-bandiga asosan jinoyat ishini qoʻzgʻatish toʻgʻrisida qaror chiqardi.
17-sonli umumtaʻlim oʻrta maktab direktori V.Javlieva esa jinoyat ishi notoʻgʻri asos va sabablarga koʻra qoʻzgʻatilganligini, tergovga qadar tekshiruv harakatlari notoʻgʻri amalga oshirganligi bayon qilgan holda Oʻzbekiston Respublikasi Prezidenti virtual qabulxonasiga ariza bilan murojaat qiladi.