O'zbekiston Milliy Ensiklopediyasi indd

ЧИВИНХЎРЛАР (Muscicapidae) 
чумчуқсимонлар туркуми оиласи. 70 га 
яқин уруғи ва 360 га якин тури бор. Ер 
юзининг Америкадан ташқари ҳамма 
қитъаларида учрайди, айниқса, тропик 
мамлакатларда кенг тарқалган. Тана-
сининг уз. 110—180 мм, вазни 8—25 г. 
Кенг мустаҳкам тумшуғи асосида эгик 
қиллари бор. Уясини дарахтлар шохи-
га қуради. 2— 10 (кўпроқ 68) та тухум 
қўйиб, модаси ёки иккала қуш 10—17 
кун босади. Жўжаларини ҳам иккала-
си 10—18 кун боқади. Ҳашаротлар, 
ўргимчаклар, капалаклар ва б. қанотли 
ҳашаротлар билан озиқланади. Айрим 
турлари уча олмайдиган умуртқасизлар 
(қўнғиз, кана, ўргимчаклар ва б.)ни ейди. 

---

www.ziyouz.com кутубхонаси
79
Кузда озиқ етишмаганда ўсимлик мева-
лари ва уруғлари билан ҳам озиқданади.
ЧИВИҚ — 1) техникада — ингичка ва 
узун металл таёқ (маc, темирЧ). Кесими, 
асосан, думалоқ, баъзан тўртбурчакли, 
олтибурчакли, овалсимон, сегментсимон 
ва трапециодал бўлиши мумкин. Ч. ҳар 
хил маркали темир, пўлатдан болғалаш, 
пресслаш, прокатлаш усулларида тайёр-
ланади. Ч.дан пластик деформациялаш 
(болғалаш, пресслаш) ёки кесиб ишлаш 
йўли билан турли деталлар ясалади. 
Пишиқ пўлатдан тайёрланган эгилув-
чан, қисилувчан ва чўзилувчан Ч.да# 
темирбетон тайёрлаш учун арматура 
(«қобирға») сифатида фойдаланиш ҳам 
мумкин; 2) дарахтларнинг сурх новдаси. 
Маc, тол новдаси; 3) газлама турига нис-
батан ишлатиладиган атама. Маc, майда 
чизиқчизиқ йўлли газлама Ч.газлама деб 
аталади. 
ЧИГАНОВ 
Георгий 
Иванович 
(1925.24.8, Қозоғистон, Каленое қишлоғи) 
— график рассом. Ўзбекистонда хизмат 
кўрсатган санъат арбоби (1989). Беньков 
номидаги республика рассомлик билим 
юртини тугатган (1954). Китобжурнал 
графикаси ва дастгоҳ графикасида ижод 
қилган Ч. ижодига лиризм, ёрқинлик хос; 
асарларида инсон кайфияти билан таби-
атнинг ҳамоҳанглиги етакчилик қилади. 
Китоб графикасида Э. Межелайтиснинг 
«Инсон», P. Ҳамзатовнинг «Юксак юл-
дузлар», Навоийнинг «Садди Исканда-
рий» ва б. асарларни бадиий безаган. 
Ўзбекистоннинг тарихи ва ҳаётини умум-
лаштирувчи «Ўзбекистоннинг ёшлиги» 
линогравюралар туркумини; акваредда 
«Ўрта Осиёнинг қадимий шаҳарлари 
бўйлаб», «Бойсун», «Шоҳимардон», 
«Бахмал қўшиклари», «Хива», «Тошкент 
тонги» каби асарлар туркумини яратди.