O’zbek tili adabiyoti uslubiyoti kafedrasi

4. Bolalar adabiyotida g‘oyaviylik va badiiy mahorat.
XX asr bolalar adabiyotiga milliy uyg‘onish g‘oyalarining kirib kelishi. Bolalar adabiyotida ma’naviy-axloqiy, ma’rifiy-tarbiyaviy g‘oyalarning kirib kelishi. H.H.Hamza, S. Ayniy, А.Аvloniy asarlarida ta’lim-tarbiya masalasining qo‘yilishi. 30-yillar va urush davri bolalar adabiyoti.G‘.G‘ulom, Oybek, H.Olimjon, H.Nazir, Z. Diyor, Q. Muhammadiy, I. Muslim, A. Rahmat, S. Jo‘ra, P. Mo‘min, Sh. Sa’dulla, X. To‘xtaboev kabi XX asrning 70-90- yillarida ijod qilgan va hozir ham ijod qilib kelayotgan yozuvchi va shoirlarning bolalar adabiyotida tutgan o‘rni, asarlarining mavzu qamrovi, g‘oyaviy-badiiy, tarbiyaviy xususiyatlari, asarlarining bolalar ma’naviyatiga samarali ta’siri, yosh avlod estetik didining shakllanishida tutgan muhim o‘rni haqida.
G‘. G‘ulom. Shoirning hayoti va ijodi. G‘.G‘ulomning “Mukofot”, “She’rlar”, “Bari seniki”, “Bir g‘uncha ochilguncha”, “Siz mening yoshligimsiz”, she’riy to‘plamlari bilan bolalar adabiyotining rivojlanishiga qo‘shgan hissasi. “Shum bola”, “Tirilgan murda” qissalarining g‘oyaviy-badiiy tahlili. Mamajon obrazining o‘ziga xos xususiyatlari. G‘.G‘ulom ijodida bolalarning o‘ziga xos orzu-umidlari, yuksak ma’naviy olami, odobi va axloqi, o‘qish va intilishlarining badiiy tasviri.
Oybek. Adibning hayoti va ijodi. Oybek yaratgan she’r va hikoyalar, qissa va dostonlarda bolalar ma’naviyati, estetik didining shakllantirishdagi o‘rni.
“Yosh yo‘lchi”, “Gunafsha”, “Bolalikni eslab”, “Ahmadjon bog‘bon” she’rlarida bolalar va o‘smirlarni ilm-hunar va mehnatga bo‘lgan muhabbat, vatanparvarlik, burchni anglash kabi xususiyatlarining ahamiyati. Oybek ijodida A.Navoiyning bolalik tasviri.
H.Olimjon. Shoirning hayoti va ijodi. “Oygul bilan Baxtiyor”, “Semurg‘, Bunyod va Parizod” ertak-dostonlari va boshqa she’riy asarlarining mohiyati.
Po‘lat Mo’min. Shoirning hayoti va ijodi. Po‘lat Mo‘minning she’r va qo‘shiqlari, doston va ertaklari, pesalarida bolalarga xos fazilatlarning aks ettirilishi va ularning bolalar adabiyotidagi o‘rni. Adibning “Birovlar”, “Bir odamning afsusi”, “Behzodni bilasizmi?”, “Ulg‘aydimi aqlingiz?” she’r va qo‘shiqlarida axloq va odob mavzularining ifodalanishi. P.Mo‘min ijodida folklor namunalarining o‘rni. Adibning “Qovoqvoy bilan Chanoqvoy”, “Suqatoy-konfetvoy”, “Ona bolam deydi, bola onam deydi” fantastik ertak-pesalarining g‘oyaviy-badiiy xususiyatlari.