O’zbek tili adabiyoti uslubiyoti kafedrasi

FANNI O‘QITISHDAGI ILG‘OR PEDAGOGIK TEXNOLOGIYALAR

Ma’ruza disput, savol-javob, munozara asosida tashkil etiladi. Kurs bo‘yicha seminar mashg‘ulot darslari o‘qitishning ilg‘or pedagogik texnologiyalari asosida interaktiv, test, suhbat usulida olib boriladi.

FANNING MAZMUNI


1.Kirish. Xalq og‘zaki ijodining o‘ziga xos xususiyatlari, maqsadi va vazifalari. Folklor atamasining lug‘aviy ma’nosi haqida ma’lumot. Xalq og‘zaki ijodining sinkretik- qorishiq san’at ekanligi. Folklorda xalq milliy ruhining aks etishi, u bilan bog‘liq etnik tushunchalar haqida ma’lumot. Folklorga xos og‘zakilik, an’anaviylik, ommaviylik, variantlilik, anonimlik kabi xususiyatlarning mohiyati.
2. Eng qadimgi xalq og‘zaki ijodi namunalari, miflar , ularning xususiyatlari.
Dunyoning paydo bo‘lishi va unga bo‘lgan ilk qarashlar. Eng qadimgi ajdodlarning ilk badiiy tasavvurlari.Mif atamasining lug‘aviy ma’nosi. Dastlabki inson tafakkurining miflardagi aksi. O‘zbek folkloridagi miflarning tasnifi. Totemistik, animistik, kosmogonik miflar haqida ma’lumot berish.
2.1. O‘zbek folklorining janrlar tarkibi.
Folklor asarlarining boshqa san’at namunalari kabi o‘z tuzilishi, g‘oyaviy-badiiy xususiyatlari, qo‘llanish o‘rni va bajaradigan vazifalarga ega ekanligi. Adabiy tur va janrlar bilan folklor janrlari tarkibidagi namunalarning farqli jihatlari haqida ma’umot. O‘zbek folklori janrlari tarkibi barcha janrlar uchun umumiy bo‘lgan g‘oyaviy-badiiy xususiyatlarga, janrlarning g‘oyaviy mohiyatiga ko‘ra mushtarak ekanligi.
2. 2.Maqol, topishmoq va tez aytishlar. Maqol va topishmoqlar haqida ma’lumot. O‘zbek maqollarining tasnifi. Topishmoq va tez aytishlar. Topishmoqlarda narsaning bir necha xil belgilari yashirin, sirli holda ifodalanishi. Tez aytishlar haqida ma’lumot, ularning bola tilini ravon qilinishida tutgan o‘rni.
2.3. Аskiya, latifa va loflar. Latifa termini haqida. Latifalarning satira va yumorga asoslanishi. Latifalarda Nasriddin obrazining g‘oyaviy asoslari. Lof. Lof janrining qiziqchi va askiyabozlar orasida shakllanishi va ijro etilishi. Lofning syujet va kompozitsiyasi. Latifa va lofning bir-biriga yaqinligi va farqli jihatlari. Askiya termini haqida. Askiyaning xalq ma‘naviyatidagi o‘rni.